现在楼市好似二八天时

　　有老友话不明白近日楼市，或者不明白近日楼市报导。上星期是劈价连天，业主有钱赚都话明赚实蚀，楼市随时会下跌两三成。今日就话新楼货尾销情不俗，有屋苑创历史高位，还有业主赔订重售，究竟楼市现在是什么形势，很难睇通睇透。

　　老友真的是大想头，谁可以睇通睇透楼市，略知一二已经是受用无穷。我认为楼市好似现在天气，老一辈人叫二八天，阁下著羊毛衫加外套冇问题，著短䄂T恤也可以。其实，楼市成交有高有低，无论点讲都可以，地产代理多数引用一些个别例子，这些可以被归纳为小数据。近期代理想业主卖楼，小数据就倾向讲一些劈价成交，甚至未成交都讲，大数据就是差饷物业估价处以及中原指数。上星期五，中原指数破了8个星期高位，但在过去8星期，大家只睇到劈价盘，劈价成交，原来楼市在劈价声中上升，那些见到有劈价卖楼的业主真的不值。不过，又不能够怪任何人，买楼卖楼咁大件事，一定要自己做足功课，赢输都是自己承担，怪人反而会畀人觉得自己愚昧。唉，卖仔莫摸头，卖左出去就算，唔好想咁多。

　　不少人认为大数据是真，细数据是假。其实是搞错，大数据只是一个平均数，反而不真实，而细数据是成交个案，珍珠都冇咁真。不过，用少数个案来反映整个市况，这只是以偏概全。所以，大小数据要互相融合才可以了解到真正楼市形势。就好似最近，不少人同我讲劈价盘满天飞，楼市将会大跌，应该及早卖走手上物业。我话唔讲将会，而是现在劈价盘满天飞，中原指数一定大跌。但事实上是相反，我同意劈价是有，但不是满天飞，与此同时，亦有不少高价成交，才令到中原指数在劈价盘满天飞之下仍然上升。我并不是叫大家急著买楼，而是叫大家唔好见到有一些劈价盘就急急卖楼，当那些业主降价出售物业，代理就会对买家说，我又搵到一个劈价盘。