你地身处嘅年代,香港处於经济起飞,人人有工开?
……果阵揾份有钱银过手既工要铺保呀!
物价低?
……比较埋人工先啦!
冇战乱!
……乜现在香港呢家打紧仗咩?
冇政「治」纷争
……现在是那些人拖政府后腿?搅到乜差嘢都寸步难行先!
但依「家」香港乱过乜咁
……边D粉人整成咁呀?
由楼价到最基本嘅饮食都有问题
……政府土地储备系2仔底,但边个不断阻止政府揾地起楼?
更加唔好讲民主普选
……香港只系特别行政区,香港人不能单独决定自己的未来!
唔知你地有冇发觉香港已经冇乜人情味? 未雪件事已经系一个警号,证明左钱喺香港人眼中真系重要过任何野
你唔觉得恐怖?你话系个别例子?我只能话枉你班老野做左几廿年人,视野竟然唔够后生仔广阔
……未雪既死,值得同情,但香港现在已到了一个动辄得咎、少人唔使本、歪理当真理的反智时代!其实想捉未雪又有几难?俾着我系MTR话得事果个,咁遇到类似事件发生,我会将列车停驶,然后 Call 鱼农署来捉狗!
你话条狗命关我鬼事
……我估大部分港人包括我都是专重生命的!
好,就同你讲你地最关心嘅钱 !正常黎讲每个香港人都要交税,但你知唔知你交啲钱去左边
……香港的税网系全世界最窄既地方之一,交税重任只是一小撮人分担!
起条高铁用左我地七百几亿,起唔系问题,但回唔回到本+啲钱用左喺边先系问题
……咁边班粉肠搅到5铁一桥要同期开工,抢高建筑成本呀!
安全问题依家开始浮现,我地嗰七百亿真系有好好善用? 条铁路你同我都有可能会搭,你我唔关心,边个去关心
……搅乱档叫「关心」,你真好野!
综援问题
你地“辛辛苦苦”赚翻黎嘅钱,依家外人可以任用,你有咩感觉?
未满七年都可以攞钱,咩道理?歧视?包容?我地包容佢咁边个包容我地?
唔知几时开始,包容呢只字已经被滥用,仲难听过粗口。
连咁样都觉得可以接受嘅,我真系服左你
……现在边个搅到香港变成不设防咁任攞先?一句讲晒咪又系你果班民主政棍罗!
讲到近来嘅普选、政改问题你地唔争取,仲要倒头话我地激进、阻碍经济发展。
我想反问一句,短期嘅经济定系香港嘅前景重要
……如果香港系一个独立的政治实体,而绝大部分人又赞成香港可拥有更高层次的民主同自由,咁既然大家都同意有「真普选」,那么我唔反对政改喎,但现实系香港的未来,中国有权话事;而且香港人对普选有严重分歧乃不争的事实!你激进派为何可以骑劫整个香港,同大陆搅对抗?陷别人於困局中?
前者可能会令你赚多少少买iphone,后者就关乎到我地下一代嘅未来
……我D细路同后辈,大把人「少够」你班友呀!
换句话讲,我地依家帮紧你个孙呀!懵向左走向右走!
系咪被人养得太耐结果连仅余嘅思考能力都冇埋
……真的多谢你们喎,但你哋搅事,请上大陆搅,唔好喺中环!
依家呢一句小朋友,一出世已经系输家出世,奶粉都冇得你饮
……你要饮乜差奶粉咁巴闭呀,周围都冇?有你系唔系同我食晒佢!
幼稚园学位都冇
……又是嗰句,你要读九龙塘指定果几间,无……唔奇,但香港人的小朋友竟然冇幼稚园读,我打死都唔信!
小学,日日唱国歌普通话上堂,连自己本土文化系点都唔知
……我呀女间小学,无叫人唱过国歌喎,何况仲要日日!现在全球唔少人都去学普通话,而且中华民族文化源远流长,好失礼你咩!
中学日日上国民教育个脑都变埋红色
……边间中学日日上国教先? 系培侨 Or 劳工子弟?
大学,读都未必有得你读,唔好再用“能者居之”呢四只字
……唔系有能者居之,又用乜标准收生?唔通有lD就有得读?
出黎做野又唔够人争,物价高涨楼又贵。最后死左都未必有位葬你
…… 你自己竞争力不足, 就要阻止人地来同你公平竞争,又是什么道理?你一方面就说普及而平等, 另一方面又鬼拍后尾枕, 要画地为牢,咁你讲晒佢啦!
可悲吗?的确好可悲。因为就系你班和理非非讨厌政治嘅香港人所导致。十年后唔好问点解个孙会饿死、冇野做、冇U读,问翻十年前嘅自己就知道
……你就算有U读又如何,成日反乜反物,用晒D时间去搅社会运动,D老板点敢请你哋呀!
我只系一个你地口中”毛都未出齐“嘅90后,但我比你地更加关心自己嘅社会
……我关心社会的程度及深度,绝对不比你弱,赠你几句,「你好好执生,顾掂自己先,才关心社会啦」!