地產論壇
登入名稱
密碼
頁數:
買股唔睇市盈率,買樓唔睇租金回報
瀏覽人次:14659    回應:4
買股唔睇市盈率,買樓唔睇租金回報
 
湯文亮博士
紀惠集團行政總裁
2020年9月26日

  有老友話我蠢到冇人有,現在買股票仍然睇市盈率,應該擁抱新經濟,買股是講概念,市盈率根本是廢物,所以我做極都做唔得大,老實說,我有現在財富已經相當滿足,人生於世,唔係只識得搵錢,但買股一定要睇市盈率,如果不以市盈率作為參考,樂觀而言,所買股票是天價,有無窮上升空間,悲觀來講,沒有收入,股票的價值是零,大家可以睇到匯豐宣布唔派息之後,股價跌超過一半就知道大家口中雖然話買股不用睇市盈率,但心中仍然非常著緊。

  大家又千祈唔好以為買股票唔睇市盈率是新鮮事物,大約在20年前,科網股如日中天,當時大家不但唔睇市盈率,而且仲講燃燒率,即是公司資金可以夠幾耐揮霍,當時有老友叫我投資那些公司,我話我是一個保守的人,明知所投資的資金是會被燃燒,點解仲要投資,而且,就算蝕晒,那個負責人仍然可以話完成終極任務,很辛苦將資金燃燒完畢,我是舊經濟人,買樓收租算啦。

  老友話有興趣一個我的物業,叫我開個價,我開了一個天價,老友話有冇搞錯,租金回報不足0.5%,我話奇怪,我以為老友唔睇租金回報,原來都有睇,咁都比較正常,如果買樓的人唔睇租金回報,我相信天下大亂,樓價升到唔知乜嘢情況。

買股唔睇市盈率,買樓唔睇租金回報
1. 引刀一快
2020-09-26 13:33
買大陸屋就真係咪睇租金回報,就算深圳都一樣,只能睇前景。

2. 睇前景
2020-09-26 13:50
買金保值
3. 鳥6
2020-09-26 15:16
大陸樓業權風險大,成龍北京個單位十幾年都過唔到戶,已經被法院沒收,連成龍都搞成咁。  如果業主不幸過身,更加大鑊,層樓過户隨時搞十幾年。  桓大今年劈價7折出貨,明年應該要打5折出清到貨。平野冇好野,
4. 鳥5
2020-09-26 19:17
先租幾年!岩自己買入係可以!投置角度就小數人贏錢大部分人坐貨!入国債收息都可以!小弟建議!香港人就入D金!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。