地產論壇
登入名稱
密碼
頁數:
風水師是物業代理天敵
瀏覽人次:7053    回應:10
風水師是物業代理天敵
 
湯文亮博士
紀惠集團行政總裁
2020年7月19日

  有老友睇網聞,見到施永青同一位風水大師在一個論壇開拖。兩人各持己見,嘈得不亦樂乎。老友話老施食四方飯,點解會自貶身價同風水大師開拖?老友唔明白,風水師與物業代理是天敵,老施的反應亦只是反映出物業代理界的生存意識形態。如果唔開拖,物業代理所做的一切不及風水師一句話,以後物業買賣就由風水師話事,又點到老施唔開拖。

  我們公司很少賣樓,但以前替公司在前線租樓,見到租客帶埋風水師到來就知道一定租唔成。即使租客很鍾意,但只要風水師講一句話,他們就會放棄,或者要求所睇的單位做一些不切實際改動,最後都會租唔成,所以現在我們不接受準租客帶風水師睇樓。

  我曾經問過一位風水師,點解每次睇樓一定要講唔妥。風水師話,如果唔提出改動,他又怎能夠收顧問費?而且,買賣唔成絕對唔緊要,又可以睇過第二個單位,收多一次錢。物業代理就唔同,做唔成生意冇佣金收。所以,我話風水師是物業代理天敵。

  有人話既然如此,風水師應該沒有天敵,物業買賣應該由風水師話事,但現在似乎又唔係,原因亦出自風水師身上。他們經常提出反對,相信他們的客人不敢買樓,錯失了很多機會。所以,買樓搵風水師的人愈來愈少,原來風水師的天敵就是他們自己。

風水師是物業代理天敵
1. 引刀一快
2020-07-19 12:09
風水師都應該有專業操守,係就講係,唔係就講唔係,如果以收幾多次錢為目的去講嘢,唔係師而係棍。
2. O
2020-07-19 12:42
念起幾年前,蘇姓風水大師上哂電視叫人唔好買樓, 跟手被記者爆佢入左貨。。。😒
3. lol
2020-07-19 13:26
古代風水師能左右國家命運。
今天只能左右成交。

4. 鳥5
2020-07-19 13:30
受害人同老千!本身係互動!打鐵還需自身硬!中係神仙唔中咗老千!哈哈
5. 鳥5
2020-07-19 13:32
一廂情願!怪得誰?當年小甜甜!玄學大師更愛情加浪漫!受害人玩得幾開心!
6. 鳥5
2020-07-19 13:37
當年小甜甜5係要搵天下無敵風水陣!。。原來係要搵返初戀!哈哈!開心都嚟唔切!
7. 十一哥
2020-07-19 14:36
刀刀  咁嘅智商…怪得要打更、風水佬講嘢操守…係…唔係 ? 肯定到…就唔洗幫人睇風水啦!
8. 引刀一快
2020-07-19 20:20
傻,十一仔以己度人,操守就係敬業加人品,信得風水唔信因果咩,智商大帝。
9. 引刀鐡粉
2020-07-23 15:17
引刀你買樓未呀?
10. 引刀一快
2020-07-23 16:21
你今年未開單?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。