地产博客 > 文亮语 返回
浏览人次:6422    回应:8
文亮语
四餸一汤白饭任装
 
汤文亮博士
纪惠集团行政总裁
2020年8月1日

  在疫情前的星期五晚,基本上不会在家里吃饭。现在不但唔会外出,甚至叫朋友回家晚饭亦唔敢。如果不幸有人确诊,就对唔住到来吃晚饭的人。

  昨晚老婆话简简单单,四餸一汤白饭任装,煎两条小黄鱼,苦瓜炆排骨,三色蒸水蛋,冬瓜粒汤,三个菲佣开大餐,焗了两打鸡中翼,醒4只俾我们。我调较了一杯毡·汤力,很简单亦食得很开心,不过我晚餐唔食饭。

  老婆话报导话有75%美国人对中国人反感。事实上中国人在美国已经是低等民族,做社会上最低下阶层工作,就算在医院做护士,都要做通宵更,仲要执尸。在商界政界都冇影响力,点解有咁多美国人对中国人反感?其实,这是憎人富贵心态。以前,美国人认为中国人很穷,经常就会摆出一副悲天怜忟姿态。现在见中国突然对他们有威胁,唔憎就假。不过唔好话美国人,香港人也是一样。当日华东水灾,大家踊跃捐输。今日国内发大潮,大家提都冇提,最关心就是三峡大坝几时决堤。如果中国仍然好似四五十年前咁贫穷,美国人香港人都会很关心。但今时今日,美国有75%人对中国反感亦是正常,香港究竟有几多?我相信冇美国咁多,我阿妈成日讲,望人富贵好过望闭翳。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 服 2020-08-01 13:07:18
汤博士系真正嘅博士。给汤博士十个👍
2. 引刀一快 2020-08-01 13:16:52
我阿嫲教落,俾人眼赤好过俾人可怜。


3. 十一哥 2020-08-01 15:55:03
刀刀  老人家好有智慧、哪 ! 一於以后唔好眼赤十一哥、十一哥又唔可怜刀刀、好冇 ?

4. 路过的人 2020-08-01 17:10:25
哈哈哈 ! 十一哥点解你成日鞭鞭有力咁抽刀 !
5. 十郎 2020-08-01 17:58:42


      汤就任装。

6. gklj 2020-08-01 19:10:31
俾人眼赤有威,比人可怜有 so ,比人无视,韬光养晦,才是最高手。
7. 引刀一快 2020-08-01 20:28:01
十一仔,边个眼赤边个,心照喇。

不过我从来冇可怜过你。
8. 引刀一快 2020-08-01 20:35:45
6楼

想俾人无视好难,不过日本仔成功咗,以前从迷失二十年唱到迷失三十年,偷偷地攞廿个诺贝尔,仲分分钟上返第二经济体。
要多谢就多谢果啲日日唱大陆有几多钱几多钱嘅人罗,有呢啲贼头,点韬光呀?