地產博客 > 敢說亮話 返回
瀏覽人次:8176    回應:4
敢說亮話
茶餐廳亂話(725)講得太急因為容易唔記得
 
湯文亮博士
紀惠集團行政總裁
2020年7月12日

  今早在茶餐廳見到一個南亞裔人士,一輪咀講七八份早餐要什麼。例如太陽蛋抑或炒蛋,咖啡或茶,講完之後就在門口等,誰不知水吧安哥太忙,唔記得那位人士叫什麼,於是再問一次。那位南亞裔人士話已經唔記得。好彩老闆醒目,聽到那位人兄講得咁急,又唔係用母語,知道講完之後就會忘記,早已用筆落單。我看在眼內,不能不佩服老闆。

  我小時候,有一晚因為明天背默「弔古戰場文」。我心急出街玩,很快讀完,由頭自尾背一次給阿媽聽,回家後阿媽叫我再背一次,點知完全唔記得。阿媽話第一次背得太急,代表很容易唔記得,要用比較慢的語調背多一次,才可以去瞓覺。

  有港大微生物後研究生逃亡到美國,一輪咀以英語話中國在12月底前已經知道新冠肺炎可以人傳人,又指責她兩位上司要她禁聲。本來她的說話難分真假,但我覺得她語調太快,恐怕忘記要講的說話,匆匆忙忙講完代表完成責任。我認為隔幾日叫她再講一次,可能唔記得講過什麼。不過無論如何,她目的已達,不但可以移民到美國,而且仲可以在大學工作,但他老公以及被她點名批評的人就慘了。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 他老公 2020-07-12 10:30:48
有小三?
2. 在12月底前已經知道 2020-07-12 13:32:38
禾而家已經知道,今年中秋唔興送月餅,興送兩盒口罩,分分鐘貴過兩盒月餅。
3. Stephen Wong 2020-07-13 00:29:39
澳洲總理講5+1太快太急,移民部長急補鑊我哋只要財才喳。
4. 引刀一快 2020-07-13 06:50:02
放心,大陸學生,背字典背電話薄都得,經歷過千軍萬馬過獨木橋嘅人,標點符號都唔會錯。