地產博客 > 敢說亮話 返回
瀏覽人次:7010    回應:8
敢說亮話
茶餐廳亂話(718)講抵制,印度一定贏中國
 
湯文亮博士
紀惠集團行政總裁
2020年7月2日

  今早去到茶餐廳食早餐,老闆同另外一位客人講及一套電影,不是電影內容,而是那套電影是不是印度出品。因為那套電影有印度人亦有歐美人,而且全英語對白。老闆問我如何分辨。我話有一個方法驗正,當套電影做完,有冇成班人無論正反忠奸,一起跳一場舞。如果有,這應該是印度出品;如果冇就應該唔係。老闆話就係咁簡單,的確就係咁簡單。

  老闆又問,現在中國同印度在邊境有衝突,現在玩抵制,究竟中印雙方在抵制方面,誰會是贏家。我覺得老闆講笑,玩抵制,一定印度贏中國十條街,印度可以抵制中國5G,小米⋯⋯,中國可以抵制印度什麼?我一時之間想不到。老闆O咀,其實,印度人相當有頭腦,玩抵制,一定贏梗。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 邊境有衝突 2020-07-02 13:53:08
衝突都是百幾十人用冷兵器, 還不如銅鑼灣紅隧口之盛況, 不如租借銅鑼灣紅隧口俾中印雙方一個晏晝, 然後大家當冇事。
2. biu1 你有冇呀! 2020-07-02 15:52:27
印度玩嘅低制罷買嗰套嘢!以前大陸都唔知玩咗了幾多次呀!有用嗎?只會學咗以前大陸人一樣吧!搞到現在只要係歐美日的產品就精品的崇洋狗心態囉!至於現在印度連防護用品都無法保障人民安全,重邊度有資格係學人講乜呀!印度超過一半人口在赤貧,且占咗全球貧困人口的1/3,而又能有幾多消費的動力啊!唉呀!印度政府先搞掂人民食嘅問題才講其他問題囉!
3. 一時之間想不到 2020-07-02 16:25:00
抵制肺炎囉,本講從印度輸入肺炎,一日嘅數量多過本地之前一個月。
4. 元朗真香港人 2020-07-02 17:56:40
不食加喱,不用神油。

也可以多d

1.雙面打印
2.3d打印
5. 引刀一快 2020-07-02 23:46:46
麻痺大意,越南已經逐步脫貧,一下印度開始上軌道,起碼分走中國三四成。
6. 爛泥就係爛泥 2020-07-03 08:08:49
過去十年去印度出差加埋差唔多20幾次。印度難以複製中國奇跡。印度,爛泥一塊。原因如下;

1.極度歧視女性,廢咗一半人的力量。
2.種性歧視嚴重,社會階層流動性好低。
3.地方勢力太大,號令不出都門,邦同邦之間太多對抗(為咗爭資源)
4.宗教對抗。而印度教教義對經濟建設不利。印度人重來世多於今生。
5.精英教育,但最叻的印度人却不在印度。情況比當年中國更加嚴重。
6.貪污嚴重,吏治腐敗,稅制繁亂落後。印度貪官貪得來殺雞取卵。
7.急功近利,不優先處理好基建。
7. philip hk 2020-07-03 09:23:09
中國如果要玩,印度一早就死得啦,將雅魯藏布江之水源截流,唔使半年印度母親河「恆河」就會水枯尸臭,念在建國初期,尼赫魯雪中送炭,第一個承認中華人民共和國,中國人又有遠親不如近鄰的情意結,中共一直對印度有所遷就,中國的地理位置,注定吃定印度,若開打,居高臨下,一炮可射幾十里,邊够打.玩抵制?印度好像冇乜著數,係可以不買中國貨,低下階層又買不起歐美貨,社會怨氣更深,中國的電話供應商大多數是私人企業,最多是股價跌些少,對國家政權亳無動搖,印度人就要過不太順心的電信時代,科技發展時代,最忌的是和世界經濟、科技脫軌,印度決策層為什麼會做出如此屎橋,實在難于理解.
8. 引刀一快 2020-07-03 22:26:49
印度依家係真心豁出去,要開闢一個缺口唔難,只要嚴格唔做偽劣產品,一旦俾佢建立咗聲譽,中國貨就危。