地產博客 > 文亮言 返回
瀏覽人次:11784    回應:31
文亮言
大家都不了解的「香港關係法」
 
湯文亮博士
紀惠集團行政總裁
2020年5月26日

  近日有很多人問我什麼是「香港關係法」。我老實回答,真係唔識。我亦問過很多人,包括一些美國人,什麼是香港關係法?答案同我一樣,真係唔識。既然大家都唔識,我便可以亂講。因為即使亂講,都有機會講中,唔講就一定唔中。

  三四十年前,有一次我替一位前輩戥腳打麻將。我以為打幾鋪,誰不知前輩有去冇回,我輸了半年人工。前輩話畀番我,我口裡講唔須要,是我自己技不如人,心裡話如果我收,以後就不用行走江湖。前輩問我有沒有有限公司,他將美國每年成衣配額所生的仔分幾十打給我,當時每打市價值六七百元,幾十打就值三五萬,而且明年仍然有,仲會生仔。想唔到我輸半年人工,結果竟然夠買一層太古城。我問前輩,世界上點會有這樣不公義的事,佢話這是美國給予香港的「香港關係法」。

  當時,美國給予香港每年有一個數目非常龐大的成衣配額,但有一個條件,一定要有部分是香港製造。於是,香港成衣製造商在國內設廠生產,最重要的Made in Hong Kong Label則在香港製造,令到不少成衣製造商發了大達,甚至變成地產商,現在已經取消了很久。換句話說,在成衣方面的香港關係法早已沒有了。

  有人話取消香港關係法令香港不能享受特定關稅,現在香港有什麼輸往美國的貨物可以享受關稅?我真的不知道,只知道由香港生產而輸往美國的貨物真的不多,反過來就有很多美國貨輸入香港再入中國。所以,美國每年在港美貿易順差有400億美元,以乎香港關係法對美國有利。

  在以往的航空航權問題,中美的航線不多,而港美航線則非常頻繁,這的確受惠於香港關係法,但現在中美航線倍多於香港,就算將香港航線與中國任何一個一線城市相比,差額亦不會很大。取消香港關係法是有影響,但未至於令香港沉淪。

  有人話取消香港關係法,香港就不能以中國香港名義出席例如世衛等世界性組織,甚至奧運也沒有香港。這點我有一些保留,澳門沒有澳門關係法,但點解澳門可以以中國澳門去參加奧運。

  老實說,特朗普是超級生意人,賺得少的生意他都不會做,何況取消「香港關係法」是蝕本生意。有人話取消「香港關係法」令投資者失去信心,香港金融中心地位不保。金融中心地位是雙向的,不如將錢搬去人有自由,錢冇自由的台灣,入咗去出唔番,又怎可以做金融中心。香港金融中心地位並不是「香港關係法」給予的,而是由香港人自己爭取的。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 乜春 2020-05-26 16:59:58
『香港金融中心地位並不是「香港關係法」給予的,而是由香港人自己爭取的。』

博士講得好!香港金融中心地位唔係由美國施捨嘅,唔係佢話拎走就可以拎走。正如一檔生意,如果你賣嘅野平靚正,自然大把人幫襯,唔使靠黑社會照住先至有得食。哈哈
2. 元朗真香港人 2020-05-26 17:48:20
”香港關係法”,是張

!!!符咒

黑暴以為執到寶,拿著刀槍不入, 去哄阿爺。

跟着,就没有跟着了。
3. 十一哥 2020-05-26 18:13:30
美帝試過韓戰唔信..再嚟一鑊越戰、計過同阿爺揸手着數過橋手、都係建交好過打交…定住東方龍、果頭就抽到手去解剖隻北極熊、諗住擦完北極熊…冇後顧之憂、慢慢番手再炮製條東方龍、北成就咗哥巴殺父…以為東可以扶起隻紙羊、鄧公睇住隻熊比美帝拆骨切到一件件、早就計到數…64點會玩得到。
呢30幾年…勤力又唔計較蝕底、利..可以忍讓、97收番香港就從來未褪過分毫。
美帝今日真係忟加揼、一向郁人冇洗擇日、今曰..火箭仔牙斬斬..波斯佬又兇唔到、都係阿爺吖咗喺度…北極熊又埋堆、開拖…後果真係計唔倒、唯有輸陣唔輸口…昔日光輝嘅口頭禪…..制裁…制裁…唔停口。
4. 咁樣理 2020-05-26 21:40:50


「香港關係法」???   是否「香港」代表一個人物 ??? 

如果「香港」是男子,當然男子就可以取一位 美女啦 !!! 

如果「香港」是女子, 當然女子就要嫁出去啦......嫁出去就要嫁雞隨雞,嫁狗隨狗啦.......我就咁樣理解「香港關係法」的......


5. 咁樣理解 2020-05-26 22:37:56
如果你係咁理解,係男又好係女又好,係咪應該諗吓香港的利用價值已經消失呢?
6. 666 2020-05-26 22:50:34
邊處有生意,去邊處開檔;邊檔好利潤,人人爭入股。乜野關係唔關係,都係口講義氣友誼,明計利益。

7. 明計利益 2020-05-26 22:58:36
冇利用價值的時候怎樣談增長?唔通又呃阿爺簽一份關係法?
8. 識唔識架? 2020-05-27 09:39:55
問題係如果阿爺破釜沉舟,唔使靠香港,利用價值已經消失又如何?一早預咗,只係早少少到來。
9. 無雙 2020-05-27 11:10:50

反逃犯條例反出個國安法, 明反暗反條例既地主佬又點想到.

12. 先見之明 2020-05-27 11:31:28
14. 深層次矛盾 2020-05-27 12:26:59
韓正早兩日在兩會港澳小組的發言 , 提及最多就是深層次矛盾 , 看來地產霸權前景不甚樂觀 !
17. 又如何? 2020-05-27 12:54:25
問題係好多野係預左有增長嘅情況下整落, 唔係話停就停。
18. 不甚樂觀 2020-05-27 13:05:09
犧牲小我完成大我便是。
19. 鳥5 2020-05-27 14:05:42
14/F,有見地!不過應該出年先攪!而家地覇交下空置稅先!2年前佢表述過 尊重香港資本主義!家爺會用錢買既!唔會就咁搶既。。。不過大戶攞貨,越攞越平!大媽就不嬲都走緊貨!留待出年再諗。。。而家香港人睇得好短,好眼前!講出年年尾,已經覺得呢題!人唔見棺材唔流眼淚!
20. 十一哥 2020-05-27 14:24:13
12樓   鄧公部署…一一實現、敬服 ! !  !

21. 無哩頭 2020-05-27 15:50:48


香港的無哩頭: 光復行動......光復給國際政治入侵力量睇......只會迫使中央政府出現鄧小平類人物出場收拾殘局......




22. 爺會用錢買既!唔會就咁搶既 2020-05-27 16:30:03
但阿爺會同你講手有點緊, 領導已經批左, 再上報額度好麻煩, 唔該你將就吓。
23. Fisherman 2020-05-27 20:31:27
鬼佬番枱後,可以因利再埋枱攬頭攬頸。
唐人番面,從此一世為敵。
伊莉沙伯泰來都嫁幾次。
睇吓侵侵幾時再將中國捧上天!
當年尼克遜可以為對付蘇聯(不是俄羅斯)放棄中華民國蔣介石。
美利堅合眾國為了國家利益,什麼都可以用完即棄。
24. 鳥5 2020-05-27 20:47:50
22/F,阿爺攞貨,越攞越平。出年年尾你咪知Law!做得庄,5通越嚟越貴咩?我都未聽過阿爺攞貨!越攞越貴?
25. 鳥5 2020-05-27 20:55:45
十一哥,等埋傻侵就國安法發難找後,6月頭應該開車。。有貨5好走住!
26. 5通越嚟越貴咩 2020-05-27 22:30:37
所以咪話額度係得咁多囉。
27. 十一哥 2020-05-27 23:44:31
雀仔   呢排都係見高就派、夠低就採、唔錯㗎、大注就係油…執到開巷、到而家都唔明點解咁大隻蛤乸通街跳、好唔現實…不過又已成事實…派咗彩。
28. 鳥5 2020-05-28 00:14:59
十一哥,醒!最低果日!我第二日通水!話第三季前見4O!醒!熊市搵食,首要:刀鋒奶血,小注怡情。5見卜亍,5好奶血!亞爺同美佬打压一樣!我D圖表派都5會讀食書!
29. 鳥5 2020-05-28 00:26:22
十一哥。3月份曾氏通道底21400計。。如果你能夠喺場內保持市值90個percent高峰計。。已經係best of Best...正常玩乜都要書5成以上。醒!係要講圍巾。唔係講聰明!醒
30. 鳥5 2020-05-28 00:32:02
有樣嘢我都恭喜你先!油!投机你可以突破香港範圍!地球機會處處都係!應該高估低買!最大利益化!唔應該講投資產品感情行先。。。
31. 引刀一快 2020-05-28 01:19:06
十一仔好嘢!又大賺盆滿缽滿!

衰咗唔出聲
32. 十一哥 2020-05-28 07:59:53
刀刀  咁開心…一定係偷偷地跟、咪好囉…揾到D就唔洗打更、又真係衰咗些小比隻畜生…有話你知㗎、油就睇11哥索算嘞…呢個係後天自己做成…明啦!

33. 十一哥 2020-05-28 08:51:15
雀仔   今朝嘆緊咖啡…倒塔就收到老友電話、怨點解唔叫埋佢摸蟹、佢真係唔了解賭搏根本就係藝術、瞬間靈感…掛住預測認叻就分心成負擔、都係唔好再講咁多賭博…費事刀刀咁費神..捉錯用神就累身家、呢個油浪咁盡興…上岸抖抖放下大 假、得閒揾刀刀過下癮。
34. 元朗真香港人 2020-05-28 09:05:00
鳥5兄,

“等埋傻侵就國安法發難”

!!!知音。

mpf都等緊
35. 鳥5 2020-05-28 14:46:53
元郎!大家明!盡在不言中
36. 引刀一快 2020-05-29 04:16:51
原來阿Q勝利法都咁多解釋,十一仔真係少年筆耕。