是誰偷走了特首的口罩

　　近日武炎肆虐，口罩成為了必須品，我們特首林鄭月娥在正月初回港立刻表明已經去信國務院要求口罩。我當時覺得很奇怪，採購口罩相比防止武炎擴散，只是小事一件，點解要去信國務院。與此同時，澳門特首賀一誠已經派員到葡國，將葡國所有口罩買下來。唔好忘記，賀一誠只不過上任個幾月，凳都未坐暖，已經夠膽做這個決定，雖然買口罩並不是什麼大事，點解賀一誠可以做到而林鄭做唔到。

　　當香港人仍然在搶口罩，賀一誠已經頒佈了幾個指令對抗武炎，最重要的就是叫所有賭場暫停營業14日，又讓那些問銀行借錢買樓的人在六個月內可以還息不還本。政策出台，立刻將香港比下去，林鄭更不知所謂。有記者知道我是澳門人，希望我能夠做訪問，比較一下港澳兩位特首。我借武炎推了他，其實不用比較，林鄭的管理一定比賀一誠高，理由是林鄭是做了幾十年公務員，怎可能輸畀一個未有政務經驗的賀一誠。不過，有經驗還有經驗，在香港做特首掣肘多多，又要應付無數的政治要求，能夠安安穩穩做完五年已經是合格有餘，況且香港官場有一句說話「多做多錯，少做少錯，唔做唔錯」。這是官場的金科玉律，做官的一定銘記於心，林鄭已經不是其中一份子。

　　買唔到口罩，林鄭唯有將功補過，就算開記者會都唔戴口罩。我老婆問，是誰偷走了特首口罩，女人仔即是女人仔，唔識得官場運作，是香港政府官僚制度偷走了林鄭口罩。在大家開始搶口罩時，香港官員發信至各大生產商，要求提供口罩價錢及品質資料。當時口罩雖然未如現在那麼緊張，但已經是海鮮價，隨時不同。那些廠家連回覆也費事，不過亦學香港政府的標準回覆「已經收到來函，有消息會通知閣下」，咁樣做當然買唔到。如果當時香港政府要求生產商報價，即報即買，三五千萬口罩一定沒有問題，但負責官員按既定程序，唔肯揹鑊，到現在由林鄭來揹。我睇到都冇癮，仲話同我做訪問，我一定唔制。