地產博客 > 文亮言 返回
瀏覽人次:16877    回應:14
文亮言
唔簽好過簽的美「人權法」
 
湯文亮博士
紀惠集團行政總裁
2019年12月5日

  我自少見過不少大戶人家少奶,明知老公有小二小三,都唔會出聲,就算有人告密,都只會同老公講,懲罰告密的人,我當時不明白,家母對我講,那些少奶做得絕對正確,她們扮唔知的威力大過大嘈大吵不知多少倍,甚至連少奶的位置都會失去,少奶唔出聲,那些小二小三很快又會換人,總之唔出聲好過出聲。

  美國參眾兩院的議員就沒有大戶人家少奶那麼醒目,以為用「香港人權及民主法案」可以牽制中國和香港,以全票減一通過這條中美港三輸的攬炒法案,其實,這條法案唔通過的威力大過通過不知多少倍,通過之後,美國反而失了後著,這件事應該不關特朗普的事,但是他也想不到沒有一個共和黨參議員反對用緊急法來通過這條法案,影響所及,中美貿易協議第一階段有可能胎死腹中,就算簽得成美國都要作出重大讓步,最基本是撤銷過往已開徵的關稅,如果簽唔成中美貿易協議,特朗普能夠連任的機會不高,對特朗普來說,「人權法」本來是一把未出鞘寶劍,現在寶劍出鞘,但有可能割傷自己。

  美「人權法」對於一個普通的香港人來說,是在美國的資產被凍結,在這方面我的確後知後覺,2005年我在美國買了一些舖位,當時已經有人提醒我小心有一日,美國會推出「香港人權及民主法案」,如果我金榜題名,在美國的資產就會被凍結,我當時認為不會,到今日當然後悔不已,而事實上不是太多香港人重手投資美國,買一兩個住宅單位當渡假屋就有很多,估計不少人將會放售他們在美國的住宅單位,正所謂君子不立危牆之下。

  美「人權法」最關鍵之處就是制裁名單,本來美國手握主動權,一年之後才由美國務卿審議,經過冗長的反覆討論才會訂出制裁名單,但現在形勢有變,制裁名單由香港社運人士制定,據聞有百多頁紙,大概有幾千人,今次美國反主為客,如果唔照單制裁,就會被人話如果不是立刻要制裁,就不需要用緊急法通過這條法案,而且中國現在首先出手開出制裁名單,唔准美軍艦到香港以及制裁NGO在中國的工作人員,今次特朗普有排頭痕。

  無論我怎樣說,香港都是今次人權法的最大受害者,但是我們並沒有首先出手,甚至在整件事都處於被動角色,就算損失慘重都無話可說

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 腥港人 2019-12-05 11:55:59
We have nothing to lose, we have no stake in the society. 
2. 鳥5 2019-12-05 12:39:12
橫睇掂睇中美博弈 香港兩邊不是人.... 宏觀歷史 中美友好 香港兩邊抽... 呢個係地緣... 百年一局.. 最多咪十年... 又唔會滄海桑田嘅.... 呢部係大鑊啲啫
3. 鳥5 2019-12-05 12:41:08
一個地區正式轉型 國家支持 十年啫.... 烏克蘭嗰啲冇俄羅斯 支持... 嗰啲就真係滄海桑田
4. 十一哥 2019-12-05 13:06:41
山長水遠去D鬼地方…真係唔知異族幾時睇你唔順眼㗎 !
以上果句…係十一哥從賭以嚟嘅大原則、別館係趣味…唔當投資。

5. 鳥5 2019-12-05 13:47:13
美國啲債咁大.. 爆煲後嗰邊咪又好似香港咁.. 呢個只係先後次序問題.... 法國咪一樣.. 今年十幾個國家暴動. 真係咁巧合.. 真係關自由民主?
6. 十一哥 2019-12-05 15:47:43
雀仔   天文債~冇settle嘅概念、不過又冇洗怕爆、全世界財資交換已經進化到虛擬境界…loop 、咁嘅情況…貴息就一定會斷纜…咁重債斷纜就神仙難救、息低就可以孭住藥煲長命百歲、一向堅信低息係常態。
債大到天文數字就成為藝術、豉油炆煑係意識形態~咪又即係藝術、藝術…見人見智、建基在~個人/位置/利益~嘅主觀喜好、唔好以為~虔誠/祈禱/裝香~就係神聖正確。

7. 鳥5 2019-12-05 16:06:53
關鍵大陸驚 再印銀紙... 不過而家興玩逗住落...
8. 大陸驚 再印銀紙 2019-12-05 17:17:21
架仔印, 應作何理解?
9. 十一哥 2019-12-05 18:10:37
雀仔   而家仲邊洗印銀紙、全世界鬥篤…篤咗就loop嚟loop去…各有各專業解讀、正苦係咁~大波都係咁玩、幾多個0隨意、玩藝術就要有藝術家風範。

而家真係要小心香港正苦班9官漁業…玩緊亂7咁派大放血。


10. 亂7咁派大放血 2019-12-05 18:19:10
本土市場好細, 派極都係幾十億, 買死場果二百億慳返有排派, 反而冇新血入才是問題, 到時又要搵野亂七咁賤賣。
11. 鳥5 2019-12-05 22:13:51
政府大水㗎 都未玩過發債
12. 鳥5 2019-12-05 22:15:11
外匯儲備庫房呢啲係正數 另外 發行債券 可以好大約數 呢個政府係大把錢㗎
13. 鳥5 2019-12-05 22:18:34
日本美國政府 已發行嘅政府債 ,加D色都還唔到 。。。香港大政府 把錢㗎。。。 係家庭按揭嗰度有一萬四千億 負債, 嗰啲唔關政府事呀... 以前殖民地係我呢good水㗎嗰個會會計系統.... 英國政府都發咗好多債㗎香港係正數
14. 十一哥 2019-12-05 23:05:22
十樓  講埋果句…新血冇入、以豉油炆煑…斷你入息、再亂7咁派…穿你荷包、就係漁業嘅成套部署。

雀仔 大忌…以為自己大叠水…荷包穿窿冇所謂。