地產博客 > 文亮言 返回
瀏覽人次:17053    回應:36
文亮言
人權法案令香港變成兩國三制
 
湯文亮博士
紀惠集團行政總裁
2019年11月28日

  一般香港人,包括要求美國政府推行人權法的社運人士也沒有預料得到,美國參眾兩院在毫無阻攔下極速通過「香港人權及民主法案」,這可以說是社運人士一大勝利,在他們來說是求仁得仁,不過大家亦知道,法案亦會將香港帶入艱辛歲月,所以社運人士亦唔敢大肆慶祝,或者他們稍後會將美國通過「人權法案」的責任歸咎於特首沒有答應五大訴求,但社運人士可以不知道,他們不慶祝可能會有一個反效果,美國參眾兩院的議員看在眼內,便知道通過這條法案是精人出口,笨人出手,他們是笨人,因為法案是一個攬炒法案,對中美港都有損失,香港社運人士反而是受惠者。

  有人認為美國今次通過這條法案是倉猝了一點,特朗普應該求其搵個共和黨參議員反對即時通過,法案便可以拖到他的任期完結之前才會審議,倘若中美貿易達不成協議,以及香港民主黨派在區議會選舉大敗,才以這個法案作為談判條件,現在中美準備簽署第一階段貿易協議,而香港民主黨派又在區議會選舉中大勝,通過這條法案簡直是浪費彈藥,不過現在唔通過又唔得,我相信特朗普應該知道,這條法案將會令香港進入艱辛歲月,無形中不利民主派在立法會選舉,但美國又點解要強行通過這個令中美港攬炒的「香港的人權及民主法案」。

  我又這樣想,特朗普先生是何許人也,他點會唔知這條是中美港三輸的攬炒法案,但是他又不能不通過,否則以後美國在香港的話語權就會減弱,而通過這個法案要有兩大條件,一是政治形勢傾向反政府,包括香港及中央政府,二是有香港議員提出要求,這個情況並不是經常出現,所以,即使中美準備簽署貿易協議,以及泛民在區議會選舉大勝,美國都要強行通過這法案,以後就可以利用這個法案作長臂管治,有人話以後香港人左右做人難,隨時會順得哥情失嫂意,其實這又未必,香港人隨時會由左右做人難變左右逢源,從中獲得更多利益,而美國通過這個「人權法案」的最大理由是關注一國兩制是否能夠在香港實施下去,其實,美國並不是關心一國兩制,而是希望香港可以實施兩國三制。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 腥港人 2019-11-28 10:47:36
大陸越偏向保守,香港人更應該開放,更多人在香港有利益,香港就越穩定。《法案》最終話香港有無人權,係西方世界話事,一方面如抗爭者所講,保護左一國兩制,但另一邊亦可以因應中美關係而作出收放。
2. ND 2019-11-28 11:04:55
兩國三制, 實行到就最好, 就好似3國頂立, 互相制行, 不傾斜就可以。
3. 十一哥 2019-11-28 11:22:42
唔係iQ題、香港人怕cia多D定怕國安局多D呢?

人地通過D乜Q…都唔重要、自己手瓜硬就最重要…洗乜成日睇人面色做應對。


4. 更多人在香港有利益,香港就越穩定。 2019-11-28 11:27:29
真係解唔通喎, 機深禍更深, 裏外不是人, 學快哥講: 幸福感與危機感,並非此消彼長。再朗讀一次, 幸福感與危機感,並非此消彼長。
5. 引刀一快 2019-11-28 11:43:48
其實,中國有一個地方,當地人無時無刻都好恨有呢個方案,最好除咗美國之外,八國聯軍全部都喺果度搞埋特殊關係法。
邊度?唔開估,自己諗。

有呢條,間接保住大灣區嘅獨特性,制衡咗某啲偏執觀念,最終會有利益歸於中國。
6. 大鄉里 2019-11-28 11:44:54
美國有如多件核武器在手,冇事好地地,只要中國一有動盪,香港注定陪葬.

7. 真真薯片 2019-11-28 12:45:59
呢個人權法其實係講緊美國可以唔同成個香港或某d個人做生意

如果只針對香港某d個人, 除非佢制裁既係李嘉誠,如果只係制官員,搵過個黎做就得,冇乜實質影響

制裁成個香港機會極微,如果真係要制裁香港(例如中美真係打仗)其實有冇呢條法案,美國都可以制裁到,依家就制裁緊中國同華為,而美國唔需要有一條中國人權法都照樣可以制裁

所以整體黎講,呢個法案係擺姿態多過實際
8. 十一哥 2019-11-28 13:59:53
美帝郁下都話制裁…點執行呢? cia…使命必達…手段無底線…丫瀬…冇個敢叛逆、國安真係學唔到…所以冇人怕。

9. 點執行呢? 2019-11-28 14:45:56
據說如果可以隨意充公在美資產的話, 愛國人士應該拋售在美資產, 再開張美帝信用卡碌爆佢才是


11. 擺姿態多過實際 2019-11-28 15:19:58
諗深一層, 哩個可以話係一個緊箍咒
美帝要搵一個理由, 例如反恐, 例如人權, 例如唔生性, 例如食得飽
香港人食得飽唔生性法案可以唔制裁整個香港時制裁某個人, 理由係佢食得飽唔生性
跟住投射到艱難大
同與美帝有關係又懼怕佢嘅機構, 例如獅子同揸兜
美國唔需要有一條中國人權法都照樣可以制裁阿爺
但事實上又冇乜制裁阿爺喎
反而幫阿爺拉犯同充公資產就有
隔離屋阿嬸嚇你個仔但同你扮 friend 唔得咩?
12. 鳥5 2019-11-28 15:35:48
有冇諗過, 香港變成台灣 你係點樣呀?。 邊個支持反對黨 大陸啲生意冇運行。。。 大陸對台政策咪就咁 邊個選 佢。財團 就要你冇運行。 咁香港啲生意多咗定少。。 邊個帶啲生意上大陸有優惠大陸有優惠。。。 香港人上大陸又有優惠 免稅。。 你覺得整體生意係好多定少咗。。。 唔好自己嚇自己啦 大陸企 響到任你打咩... 美國立咗啲人權法會唔會多咗生意畀你呢? 諗下啦.. 台灣第一個板。。。 睇下條數啦。 國安部隊喺香港多咗定少咗?
13. 鳥5 2019-11-28 15:37:15
中美博弈... 香港兩邊不是人
14. 鳥5 2019-11-28 15:38:26
蔡英文 畀大陸玩咗四年㗎喇 唔係唔使香港出毒招啦... 台灣根本冇運行過
15. 鳥5 2019-11-28 15:39:18
台灣蔡英文上台經濟條數自己睇下啦, 睇埋香港啦... 比較一下你就知啦..
16. 鳥5 2019-11-28 15:40:26
只會call啲 香港人上去 搶埋嚟香港啲生意㗎咋...
17. 鳥5 2019-11-28 15:46:24
阿爺諗到條橋有五萬至十萬人 可以 引到 上大陸做嘢.... 香港做服務基地 .. 香港啲公司。。。。 屎有得食。。。 謹記法以地為界 ,人側開越境而為。。。 香港政治點同 佢哋鬥? 一人一票? 佢輸你就大鑊
18. 經濟條數自己睇下啦 2019-11-28 15:52:35
鳥哥, 呆灣條數唔好睇唔緊要, 英姑條數好睇咪得囉, 睇多幾年仲好呀。
19. 鳥5 2019-11-28 15:54:56
蔡英文.. 其他 大陸明偷暗搶台灣 生意, 你覺得 多定少咗... 啲經濟 差咗幾多同期香港 有冇比較過?... 香港 人權法 真係好似大家咁 諗?
20. 鳥5 2019-11-28 15:59:56
利有香港人上大陸, 係大陸長遠最穩妥戰術... 香港嘅大學生 可能會有啲 阻力上大陸特別 係on list
21. 台灣根本冇運行過 2019-11-28 16:08:01
老K 響大陸搬走啲黃金, 而家應該係英姑度, 呆幣遲早變廢紙。
22. 鳥5 2019-11-28 16:14:06
香港 同香港人...係兩個概念嚟㗎
23. 引刀一快 2019-11-28 17:06:08
唔需要太在意呢條條例,其實多多少少可以緩解香港撕裂,因為好多事情有顧忌之後,出手就唔容易太極端。
既來之則安之。
24. 十一哥 2019-11-28 17:11:48
呆灣佬好古惑,菜菜子一鬆手就排隊返去借錢…投資喎!
25. 自我陶醉 2019-11-28 18:28:35
兩國三制咁少?  博士可能未知,荷蘭、加拿大已經有人推動緊立法,過咗英國脫歐,歐盟、五眼加入埋的話,香港隨時變咗地球村,話唔定將來變成聯合國總部,到時想窮都難。 哈哈哈!
26. 鳥5 2019-11-28 19:57:54
25F,, 哈哈。。。 最有創意
27. 自我陶醉 2019-11-29 09:37:51
鳥哥

做人要懂得苦中作樂,如果唔係好容易會痴線㗎! 哈哈哈!
28. 十一哥 2019-11-29 12:02:30
雀仔  甜到漏…滿咀油,体現咗跟到節拍就冲浪係享受…跟唔到就人地歌舞昇平…自己都只能苦中聽人玩音樂。
29. 自我陶醉 2019-11-29 12:30:07
唔怪得呢個世界咁多人會賣國求榮, 原來成個國、成個家輸咗都唔緊要,只要自己賺到錢,個嘴依然會甜到漏,的確係人生寫照。 呢啲金錢奴隸/契弟,肯定成世都未試過,賺到錢都唔開心嘅感覺。 哈哈哈!
30. 十一哥 2019-11-29 17:05:09
幻覺人生…總係設身處地、自己坎坷就以為人地都難過、都啱嘅飲咗甲醇乙醇…無病呻吟當係牙痛詩人。

31. 引刀一快 2019-11-29 23:10:22
自我陶醉兄

我依家日日都驚,又出現餓死人嘅日子,除非日日行街都係耽高個頭,否則見到瞓街嘅人越來越多,咪話唔心酸。


32. 鳥5 2019-11-30 00:00:44
刀 兄 唔掂咪返鄉下囉 ,耕田都有補貼 ,放得低餓唔死喎。。 中央計曬數。 日本泰國 香港金融風暴 之後死因 都唔係餓死 全部係自殺。。。 放得低。。。 其實冇乜嘢啫, 唔使死啫
33. 自我陶醉 2019-11-30 08:50:46
引刀兄

唔洗驚,驚都冇用。 地起哂樓,糧食進口需求大,外匯短缺,加上天災人禍,悲劇必然發生。
34. 引刀一快 2019-11-30 09:42:17
鳥5兄

中國耕地不足,之前要退耕還林,依家就退房還耕,都唔夠,可能用緊一帶一路嘅中亞土地資源,但係又一路防綠,好惡搞。企業大量倒閉,依家真係多咗好多人瞓街,就快霸埋我天橋底個攤喇。
35. 引刀一快 2019-11-30 09:50:04
自我陶醉兄

外匯係國家命脈,所以打香港嘅幕後黑手,一定唔係大大,之前係sh.gang,依家睇手影,俄佬都有份搞嘢。
36. 十一哥 2019-11-30 11:42:24
刀刀  靜鷄鷄話你知、啱先偷番個回香正、竄上去轉個圈、裝下天橋底揾極唔見牀鋪被、一張刀都冇見…匿咗去邊啫 ?

高檔嘅價錢就拍住香港、當然質素/招呼就冇得比啦!喺上海嘅商場食碗牛肉面~人仔80幾…不過都覺得底比 ! 
37. 引刀一快 2019-11-30 16:12:40
十一仔

我啱啱執埋啲嘢,去咗瞓窯洞,冬暖夏涼。
大陸橋底一般都佈咗尖石墩,真係咁好俾你瞓咩,瞓街都係瞓櫃員機出面,涼涼地,有燈少啲蚊。

八十幾一碗牛肉麵,係基本價還是加料價?