地產博客 > 文亮言 返回
瀏覽人次:15031    回應:5
文亮言

小心賣了樓租唔返

 

湯文亮博士

紀惠集團行政總裁
2022年8月8日

  有朋友賣了樓之後表示成身鬆晒,對於仍然揸住層樓又欠落銀行成身債的人深表同情,我話子非魚,焉知魚之樂,那些有層樓又會話沒有樓的人非常不安全,雖然話可以租樓住,但主動權始終不是在自己手中,業主話唔租咁就要四圍撲樓,所以,我一向都唔會反對別人賣樓,因為只要他們嘗試過不斷租樓搬屋的辛苦,隔了一段時間,那些曾經賣樓的人就算幾辛苦都會再買樓。

  那位剛剛賣了樓的朋友話一定唔會再買樓,我認為唔好講得咁肯定,這兩年有24萬移民離開香港的人,誓神劈願話唔會回流,但在消費券誘惑之下,有超過10萬人證明他們已經回流甚至沒有離開香港,今日,不少大大聲話賣樓的人,最後發覺他們不但沒有賣樓,甚至趁低吸納,利用家人的配額買多一兩個單位。

  有很多打算賣樓的業主認為租樓一定沒有問題,唔租東家租西家,香港有咁多人買樓收租,點會租唔到樓。那些賣樓業主想法已經過時,以前的確有很多人買樓收租,但政府推出壓抑樓市措施之後,香港人買第二個住宅單位收租要付15%辣招稅,令到買樓收租的人愈來愈少,就算有樓收租的業主,亦可能因為子女成長,將部分收租單位給他們居住,令到市場上能夠出租的單位愈來愈少,今日賣了樓的人除了擔心買唔返,更加要擔心租唔返,買唔返可以繼續租樓住,如果業主收樓又租唔到樓就很大件事,朋友話我危言聳聽,朋友可能搞錯,危言聳聽的人並不是我,而是整日話樓市會大冧的人。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 乜春 2022-08-08 14:24:17
聽講博士有好多樓收租,唔知真唔真?哈哈哈哈
3. 有對等資訊的人 2022-08-09 12:07:41
政府減辣之時,就確認香港樓市及經濟向下。
4. 唔使 2022-08-09 14:15:59


小心賣了樓租唔返??  賣樓者都是多樓之人,唔使租樓住....



5. 劍聖 2022-08-09 16:57:06
全香港人不要理加息經濟差,樓價一定升,為何香港四大地產商賣樓給你香港人而不是放租?

6. 引刀一快 2022-08-09 20:55:07
怕租唔返好簡單,部分樓款買大灣,住開三百變千三,餘款度日好悠閒。