Stanley說，現在的工作需要自己去找客戶，吃閉門羹、聽冷言冷語都已司空見慣，有時更會被問到為何香港人要來深圳工作，他雖聽着難受，但也會把自己對內地發展的看法與對方分享，「希望兩地應該無分彼此。」年初他運動後受傷骨折需要打石膏，但仍堅持上班，原來亦與那單億元交易有關：「傷咗都唔可以唞因為個交易過程仲傾緊。」
今年2月初，Stanley踢足球受傷，適逢周末，休息兩天就上班，周一早上就在公司開會。他笑言：「係我咁耐以嚟傷得最勁的一次，要用柺杖行路，第一個星期比較痛，但第二個星期適應咗已經好好多。有啲同事返公司前會嚟車我，因為我住得近公司，順路兜一兜，約5分鐘車程。」
聽着他講這段受傷經歷感覺輕鬆，但只要計算一下時間，就知道當時多麼關鍵，因為正正是那宗億元成交之前的一個月，其心情之焦急可想而知：「嗰陣未有業績，自己畀自己壓力都大，你唞就係用緊自己時間，而且一休息成個狀態就無咗，而且剛過完年手頭上也忙少少。」
雖然嚴重受傷，但他為免家人擔心沒有將受傷的事告訴他們，只簡單說扭到腳了。他笑說：「我由細到大都百厭，整親跌親都習以為常。」
孤身在外 全情投入工作
離開熟悉的環境，一個人在外打拚，身邊沒有人管你，有些人可能會放縱自己，生活變得糜爛者大有人在，但Stanley反而過得更規律，他跟記者說自己的時間表：「公司規定朝9晚6，我6點起床，6點半到8點運動1個小時，然後半個小時梳洗，8點半到公司，用半小時吃早餐，9時就正式上班。夜晚OT(超時工作)一至兩小時，大概8時半下班，有時再忙會再OT。」
刻板的生活，無聊嗎？他說「時間付出是比別人多，但因為目標清晰明確，呢邊亦無太多朋友或家人，無咩顧慮，全部時間可投入工作。」
App下載
