涌现豪宅割价盘 叶刘:富豪撤资

新闻资讯 > 地产新闻 返回
浏览人次 : 3397
地产新闻
涌现豪宅割价盘 叶刘:富豪撤资
(东方) 2020年9月15日
港岛半山宝云道系热门嘅行山路线,议员叶刘淑仪前日去行山时发现沿路布满楼盘广告,几乎所有灯柱、栏杆同凉亭都贴满大量放售物业嘅街招。呢啲广告全部都系位於传统高尚地段嘅豪宅盘,同时更表明放售单位系「割价」同「急售」,情况显示有富裕阶层打算撤资离港,可能系因为生意或投资失利,亦可能系对香港缺乏信心甚至彻底死心,认为市民对香港响起「信心危机」嘅警号。

料因暴疫打击生意 看淡前景

叶刘认为,自从去年反修例示威造成社会动荡,加上今年疫情影响,唔少有钱人生意转差,又对香港失去信心,看淡前景,所以咪离场罗。不过,佢话尽管豪宅大减价,但年轻人仍然无法负担,所以推测部分年轻人对香港失去信心先会发起示威。佢又话《港区国安法》实施后,虽然暴力示威减少咗,但只能解决犯法行为,解决唔到市民深层嘅不满,亦唔相信经济能够复苏。

佢觉得呢个绝对唔系「一次性派钱」或短期惠民措施就可以解决到嘅问题,控制疫情固然系当务之急,但政府都要令市民同来自世界各地嘅人士,对香港重拾信心同希望,例如降低楼价,增加青年人向上流动嘅机会。

卓妮