81萬年薪霸公屋 疑向房署瞞入息

新聞資訊 > 負面新聞 返回
瀏覽人次 : 4981
負面新聞
81萬年薪霸公屋 疑向房署瞞入息
(文匯報) 2020年3月27日
中西區區議會主席鄭麗琼噚日凌晨喺葵涌麗瑤邨住所被警方上門拘捕,有醒目網民發現,原來麗瑤邨並唔係可購買嘅租置公屋,而係屬於被稱為「廉租屋」嘅一般租住屋邨,但係鄭麗琼年薪達81.48萬元,就算唔計區議會嘅雜項開支津貼,比房署規定10人或以上家庭嘅申請公屋每月入息限額59,950蚊都仲要高!

據悉,鄭麗琼自1994年起已連續7屆當選中西區衛城區議員,連做近26年,而現時一般區議員月薪33,950元,年薪達407,400元,仲有四年薪金總額15%作任滿酬金。佢今屆當選區議會主席,更可獲得雙倍人工,即月入達67,900元,仲未計區議會非實報實銷雜項開支津貼每月7千多元。

為確保公屋資源可以分配畀社會上有迫切住屋需要嘅人,其實房署已規定若公屋住戶嘅家庭入息超額五倍,就要遷離公屋單位,若超逾三倍不高於五倍則須交雙倍租及差餉,都只可申請暫住不超過12個月。至於鄭麗琼佢有冇向房署瞞報入息,香港文匯報昨日致電鄭麗琼手機求證,一名男士話「暫唔接受任何訪問」就隨即cut線。

唔少網民都齊鬧鄭麗琼「霸公屋資源」,話要向房署舉報,「一定要徹查到底。」好似「Lawrence Cheng」就話:「基(其)實好多YC(黃絲)都係住公屋,享受緊政府福利,但反政府,我扎根香港幾十年都無公屋住吖!」「NicC Hs」就鬧鄭麗琼:「騙公屋,難怪咁殘啦。」「成功王」則話:「房署一定要查呢個所謂議員主席,佢D(啲)收入點可能住公屋?」「Wt Ip」就呼籲:「咁要舉報吓吽C咁高人工,都住公屋。」

網民揭違法建築裝置冷氣

有眼利嘅網民仲喺報道鄭麗琼住所外嘅相片另有發現。「Cyn Cbu」話:「違法建築裝置冷氣!」

■香港文匯報記者 黃書蘭