地產論壇
登入名稱
密碼
頁數:
記者應該為自己爭取權益
瀏覽人次:26299    回應:23

記者應該為自己爭取權益

 

湯文亮博士

紀惠集團行政總裁
2020年12月4日

  多年前我在一間報館會議室與一位大學教授辯論樓價升跌問題,聽眾大多數是記者,教授話香港樓價太貴,所以,他不但賣走了自住物業,當然賺了不少錢,同時叫他的父親以及細佬賣走他們的自住單位,我話,教授你自己賣樓就算啦,千祈唔好慫恿親戚朋友賣樓,這個責任很大,教授當然唔開心,立刻問在座記者,以他們的收入,幾時先可以買樓,沒有記者回答,我覺得很侮辱,於是話做記者是有使命感,收入是其次,總算解了圍。

  老實說,我亦了解到大多數的記者收入不高,這令我相當困擾,我曾經在浸大讀書,知道傳理系是天之驕女/子,我有一個同學曾經嘗試認識一個傳理系女仔,點知比對方一句,我讀傳理系噃,就立刻打退堂鼓,由此可見,傳理系是如何高貴,不過高貴還高貴,竟然搵唔到錢,唔通真係使命感,當然不是,這只不過是我替人解窘的說話而已。

  近日有線電視炒人,大家發覺記者收入可以低至每月萬三元,我都唔知點講,以這個收入,就算一個人生活都很艱難,但點解會接受,記者唔好只是對社會的不公平事抱不平,亦要為自己爭取權益,老實說,搞傳媒的人並不是為了賺錢,只是有一條渠道宣掦自己理念,或者令自己的知名度提高,記者沒有必要犧牲自己收入來成全那些搞傳媒的人。

  有人怪記協濫發記者證,令到記者的數目大增,相對地記者的身價下跌,其實這是攞嚟講,真正的記者是受過傳統訓練,是有真材實學,不是一般兼職記者可比,他們應該獲得合理待遇,如果他們得不到合理待遇,不排除有一小部分記者為了利益而歪曲事實,背負了做記者守則,雖然仍然有不少人認為做記者是有使命感,不過,即使有使命感都要食飯。

記者應該為自己爭取權益
1. 有人怪記協濫發記者證
2020-12-04 10:10
應該係濫發傳媒。
2. 元朗灣區人
2020-12-04 11:25
2分鐘侵侵撕開所謂記者的神聖

!!不就是文字界的“黑社會打手”
3. 十一哥
2020-12-04 11:49
教授…衹係受過技術訓練嘅工種…唔代表智商/道德/能力/判斷/行為品味/嘅高低。
記者…衹係裝配工冇乜技術含量、客觀如實報導已經係有專業…不過好小見 !  專業訓練精髓好直白…妙筆如何生花…如何~造~新聞、傳媒報導…絕大多數以立場行先…嚴格而言更似行銷..理念、一切職業衹係社會工種…冇邊種職業值得吹捧神化 !
4. 教授
2020-12-04 12:11
教授得十萬月薪
教授兇悍的老婆有七千萬樓
以教授他們的收入,幾時先可以買七千樓?
咁啱碌落床底, 咁啱有捆電線, 點解唔係執到烏蠅拍?
人生充滿問號。
5.
2020-12-04 12:12
 連盲毛都大罵報導偏頗時,專業離打手两字不遠了。
6. 鳥5
2020-12-04 14:02
媒体行業走下坡已經十幾年既事!世界性,資信快,接近免費..行業盛哀,要接受D果係科學現像....不能幻想冇互联岡既時代!之於商舖價值!!亦在平均下降!所有先進國家都係咁!人流同消費力轉变!我講唔係個別係整體平均數值!
7. 鳥5
2020-12-04 14:06
電腦化機械化自動化!,好處係提高生產力,壞處係生產的過剩!福為禍所依,禍為福所繫...
8. 鳥5
2020-12-04 14:13
第二次,工業革命..出現嗰啲人形象!德國以優質工業取代英國.當英國再搵唔到冇辦法加大地球消費(做大個餅)!唯有加大壓制對手生產力!結局係互殲..益咗美國全球先進國家生產力向美國!
9. 鳥5
2020-12-04 14:38
香港服務業佔8成!大家都睇到下年乜野叫服務業生產力過剩即社會現像!98年出現M字型社會結構!香港歷史就係咁!自己計自己數!未上車平都唔好上車!到下年年尾自有阿媽係女人既專家同你講!坐下可以講97樓下跌!唔關公求事,85000計劃根本冇出過市場...都係嗰班人..97冇人訓街.只有97後跳落亍..印像中果幾年好似有三千人...
10. 壞處係生產的過剩
2020-12-04 14:44
咪係, 冇 AOL 千億合併, 邊有後來雨後春筍; 冇盈仔鯨吞大東, 邊有後來小股東被搵笨。
11. 鳥5
2020-12-04 14:51
97當年按揭貸款大約四千幾億,人均儲蓄三年皮費.萬四蚊人均收入.失業率歴史頂部8.5...今日條數..暫時六點九..未計入停薪留職人數.未計入第4波..按揭貸款一萬五千億!小弟初步判斷到過往一年嘅資金流入原因..今日不提!不過5會流入樓市...都係5講咁白...5好諗阿爺會直接救負資產(發展商人質)!落官已經開局!人同錢北調係主調..亦5洗諗明大會停!係國策!不欲多言
12. 鳥5
2020-12-04 15:02
如果而家啲後生失業率出咗條數急升1到2倍!在下咁睇!失業一年半載!最後投行人工八折!但置業平23佰萬...福為禍所依.禍為福所系...請君平常心
13. 鳥5
2020-12-04 15:04
更正:投降人工八折
14. 鳥5
2020-12-04 15:11
上大灣人工平D..但如果美金大跌...會點呢?人工咪娈相多左呢?小弟5知?3年後自會開局...
15. 如果美金大跌...會點呢?
2020-12-04 15:33
咁阿爺賣野收返來嘅咪冇咁多錢囉, 如果阿爺繼續賣野俾美帝嘅話。
16. 人工咪娈相多左呢?
2020-12-04 15:39
美帝不是一面倒想自身貶值的, 面對對手如德日, 當然是對方升好, 面對九唔搭八, 如伊朗委內瑞拉, 當然是對方貶好。
17. WWSG
2020-12-04 16:32
成日話打地產商,人地楂股票架,有乜風色知最早,死D散户咋。

18. onclerkclerk
2020-12-04 16:48
现今新聞都是互相抄襲,像燒生及 🍎抄大妓院(註:普通話大x元),中國地大人口多,14億人一定有罪案给報紙來炒作。
19. X
2020-12-04 17:10
700萬人對14億,1比200,硬係要指點江山。
20. 土生香港人
2020-12-04 17:33
香港人習慣了被羊化,報紙報道新聞港聞,記者為兩斗米折腰,尤其是萍果,老闆反中仇共,伙計立場必然跟上,以謊言寫上千遍便成事實計,存在三十年之久,算一算,誤了多少無知讀者,記者並不等同擁有專業,這就是真相。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。