地產論壇
登入名稱
密碼
頁數:
這個世界充滿真實謊言
瀏覽人次:15800    回應:11

這個世界充滿真實謊言

 

湯文亮博士

紀惠集團行政總裁
2020年7月31日

  今日是7月最後一日,今年渾渾噩噩已經過了7個月,都唔知道做過乜嘢事,總之日過日。政府早兩日禁堂食,發覺行唔通,立刻取消禁令。林鄭應變速度之快,大家反而唔覺得是真實。如果政府在兩三個星期後才考慮取消,反而會覺得這才是香港政府處理方法。不過無論如何,政府總算聽下市民心聲,唔係只聽專家的意見,專家的意見其實很簡單直接,就是乜都禁,大家唔准出街,全部WFH,病毒自然會消失。大家會認為專家的說話是真實的,其實是謊言,因為做唔到,最多只能話專家所講的是真實謊言。

  有國內老友話佢去年買的新樓,最近地產商大幅減價三成,佢當然唔開心,立刻問替他促成交易那位物業代理。答案是樓價始終會回升,有買貴,冇買錯,現在只是暫時失利。老友聽完始終覺得有買貴冇買錯是有多少唔妥,但又講唔出是什麼唔妥,於是問我那位物業代理有沒有講錯。

  老友可能唔知道,我有好多物業代理老友。真的唔想講壞話,大家都是搵食,況且減價是地產商而非物業代理,於是話那位物業代理所講的是真實謊言。有買貴是真實,冇買錯是謊言。老友亦明白,牛唔飲水唔撳得牛頭低,最終都是由他自己做決定,唯有苦笑。

  有年輕女朋友最近甩拖,宣布與男友分手。她相當不忿氣對其他朋友話前度當日追佢時話會愛佢一生一世,此至不渝,唔會有第二個女朋友,都未夠半年,已經同第二個女仔約會。佢話前度係大話精,其實,所有女仔都知道,所有男仔都是大話精。不過,男仔話愛女仔一生一世的時候是講真實說話。不過,最後做唔到,但不能夠話男仔講大話,最多只能話他們講的是真實謊言。

這個世界充滿真實謊言
1. 發覺行唔通,立刻取消禁令
2020-07-31 11:04
禁堂食行唔通, 張獻忠應該實行禁食。
2. 老友聽完始終覺得有買貴冇買錯是有多少唔妥,但又講唔出是什麼唔妥
2020-07-31 11:10
唔駛苦笑, 鄉講最近一間錢莊叫膠銀, 咪選擇左向幻炒, 皆因賣俾老李要字字清楚, 賣俾唔知邊個加條將來條款可以繼續打報告俾會計員打報告俾錢莊, 膠銀肯定唔係渾渾噩噩過 7 月, 過多 7 年都仲得。
3. 佢話前度係大話精
2020-07-31 11:13
另一個叫老李嘅女仔, 做完過橋善舉之後, 唔嬲嬲豬仲捐左一億做善事。
4. 向泛民说不
2020-07-31 11:35
今次建制派反应快,发现有问题,马上叫停。政府建制派和政府开始有真正的合作。

如果以前黄尸公务员,肯定是有拖无欠。
5. 向泛民说不
2020-07-31 11:43
1楼,事实是要控制疫情就是隔离,但是实行过程中,有点方案行唔同,但是发现问题,马上改番就OK啦。吾L好为反而反啦。其实禁堂食,也是卫生专家建议的。

以现在的发展状态,如果仍然控制唔到,只有两个可能发生,第一就是全民检疫,将有隐形病人筛选出来隔离。虽然未必搵到100%,但是只要找到60%,剩下40%的目前的隔离方法已经可以控制到。不过目前能够帮香港人做到的全民检疫就是大陆。问题黄狗又反对。如果吾全民检疫,最终可能会禁足。其实香港人要选择边个呢?

系啊,如果是全民检疫,估计中央会成本价帮香港,所以每个人都检疫可能只是50到100元成本,吾系现在用鬼佬的方案,300元到2000元。难怪班黑医护反对,大陆来帮手,他们赚了很多。


7. 醉未醒
2020-07-31 11:59
話就一句,係咪真實謊言靠驗証。

大部份在中國住超過两三年的老外,都話中國生活超方便,自由,安全,多選擇。不過晚上出街實在危險,因為太多不同美食,很易變胖。
反而在網上,大數中國不是的人,很多甚至從未踏足中國。

以上两種人,誰說真話誰說謊?似乎第二種聲勢大得多。不過我信前者。


8. 他们赚了很多
2020-07-31 12:15
錢唔係問題, 做唔切又唔俾人做先係問題。
9. 十一哥
2020-07-31 12:36
一切係timing時空、陰陽對錯…隨時而轉、買賣…早一鋪…遲一波、早知冇黑衣。
10. 鳥5
2020-07-31 15:31
十一哥,時机重於價格 ..哈哈哈哈.贏輸係絕對!贏多贏少輸都輸少只係相對!哈哈哈哈!世上又有幾多人理解當中差異!哈哈哈哈....笑看風雲
11. 鳥5
2020-07-31 15:40
人在山中不見林,當見山林不在林....
當奶野(之後).之後先知(奶野)...哈哈哈哈!
12. 鳥5
2020-07-31 15:53
置身於巨型大話內去搵真事實.搵到易搵人信難!一個多人認受性專家長遠.輸錢本來就係必然!
國王的新衣!重點唔係細路仔聰明,5係國王D個老千係衆人有幾咁愚蠢!哈哈哈哈!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。