地產論壇
登入名稱
密碼
頁數:
晨早夜話(49)黃藍始終有共識
瀏覽人次:22264    回應:11

晨早夜話(49)黃藍始終有共識

 

湯文亮博士

紀惠集團行政總裁
2019年12月9日

  星期六舊同學在澳門聚會,本來想星期一才直接回港返工,但擔心昨日大遊行,主辦單位話將會有300萬人參加,情況可能會很亂。星期一又話大三罷,不如早一日回港。但出乎意料之外,就算據主辦單位所講,遊行人數亦只有80萬,警方就話有18.3萬。雙方有分岐是極之正常,如果將兩個數字平均,大約有50萬,這就合理得多。不過,50萬仍然是很多人,人數是一個問題,最奇怪的就是遊行是在平靜的情況下進行,連警方都是這樣說,有人話不少遊行的搞手做了區議員,好歹都叫做一個官,不是街頭抗爭者。既然在議會有權發言,上街就要做和理非。

  今次遊行還出了一件怪事,就是黃藍人士竟然出現共識。大家可能不明白,而事實上在近兩三個月,官媒話香港法官審判不公,經常將參與暴力示威的人輕判,而不少群組亦經常攞一些案例作為參考,但今次遊行人士竟然縱火燒高等法院,並且寫上法治已死的字。雖然只是在一兩個入口發生,但已經令人驚訝。黃藍人士雖然政見不同,但對法官的表現,竟然出現共識。點解雙方都話香港法治已死?由此可見,做法官的確不容易,順得哥情失嫂意就肯定,但雙方都不滿意就比較少發生。不過無論如何,香港法官要秉公辦理每一個案件,持續香港法治精神,這是香港的優勢。香港人點解擔心逃犯條例,就是法治問題。

晨早夜話(49)黃藍始終有共識
1. 十郎
2019-12-09 09:22


      我初時都好奇怪。

      佢地應該噴埋英文字 , “法治己死”唔係比香港人睇 , 係比外國人睇。


      巴黎示威拿著一枝黑色的香港區旗。

2. 十一哥
2019-12-09 10:43
玩…人類都係貪玩、夠刺激又肯定安穩…虛擬現到似實戰最過癮、人數…可多可小…既然係虛擬藝術…當然各自憑感覺、衹係棋子…洗乜執着顏色、最後都係以阿爺心水…發落。

3. 無耐
2019-12-09 12:48
這次暴x燒法院,是法官一直輕判和縱容的結果。正所為針唔針到自己肉,唔知痛。
暴x現在當法官無到,隨意貌视法庭,因為他們知道有罰也只是判社會服務令。
正所為警察拉人,法官放人,造成今天景況,只可以說是自作自受。
4. O
2019-12-09 12:52
十一哥呢個玩字最應景。 有得玩又唔使負責, 總可以扮正義, 可惜我作花0靚時點解冇呢隻歌唱。
5. 佢地應該噴埋英文字
2019-12-09 13:25
佢地邊識咁多英文字呀
6. 十郎
2019-12-09 17:54


      法國咁民主 , 咁聞明都放催淚彈 , 學壞師 , 不可想象。

7. 十郎
2019-12-09 18:03


      民主美國 , 每年死於鎗下的人數是4萬人 , 每天109人 , 多過死於戰場的士兵。中國真係唔夠文明。

8. 聞明都放催淚彈
2019-12-09 18:08
炆煮毒藥係留俾人地食, 自己食左咪要食返杜蟲藥。
9. ~~
2019-12-09 20:55
貿易戰開打,香港即黎料,華姐轟是美傑作,美不否認.個人覺得香港不會自己停,除非貿易戰傾得成。

10. 真真薯片
2019-12-10 12:52
實情係法官有藍有黃,所以判出黎既結果都有藍有黃,而不論黃藍絲都淨係睇到自己唔岩睇既判決,岩睇既唔記得,唔岩睇既就煲大,結果兩邊都鬧

想少d人鬧,法庭唯有所有判決都全藍或全黃,咁就少一邊人鬧
11. 咁就少一邊人鬧
2019-12-10 13:11
咁都係得少一邊鬧啫, 嗱, 想兩邊都唔鬧, 將最高刑罰改為最低刑罰咪得囉。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。