地產論壇
登入名稱
密碼
頁數:
夜短夢長,年輕人,前進吧!
瀏覽人次:21394    回應:12

夜短夢長,年輕人,前進吧!

 

湯文亮博士

紀惠集團行政總裁
2019年12月4日

  自從林鄭宣布將九成按保提高至800萬之後,不少年輕人問我是否應該買樓,我一律回答有需要而又有能力就可以買。千祈唔好左考慮右考慮,夜短夢長。考慮太多就一世都買唔到樓。年輕人,前進吧!

  不少年輕人聽到之後話我靠害。以現在時勢,除了社運還未有結束跡象,還有美國又對香港實施人權法,正式屋漏兼逢夜雨,現在買樓即是做炮灰,我唔應該叫他們買樓。其實,他們早已打算唔買樓,點解仲要問我?而我又早知他們不打算買樓,點解仲要話夜短夢長?年輕人,前進吧!

  我是因為知道他們不會買樓,才叫他們買樓。如果我叫他們唔好買樓,倘若樓價下跌,他們會若無其事;但樓價上升,我就慘了。他們一定會口出怨言話信錯我,本來打算買樓,連樓都睇啱。因我一句說話就沒有買樓,真的是損失慘重。既然知道結局是如此,點解我唔講年輕人,前進吧!

  不時亦有不少人問我是否應該賣樓,千祈唔好以為我一定講不可以。我久唔久亦會提議啱價就可以賣樓,最緊要賣了樓之後不需要租樓。我並不擔心叫人賣樓之後樓價上升,同樣地被人埋怨死。事實上問我的人亦沒有打算賣樓,只不過是多口一問。就算樓價上升,他們都沒有損失,當然不會怨我,或者會話好彩冇聽我講,否則就損失慘重。

  我並非一成不變,在林鄭推出新按保之前,我亦叫年輕人暫時不要買樓。最近我收到一份禮物,是一個年輕人送給我。我記得在政府推出新按保之前,有一日食雲吞麵做午餐,一位年輕人突然問我他是否可以採用九成按保買樓。我話最好暫時不要買樓,因為九成按保只能夠買400萬以下樓宇,大多數是納米樓。在入伙之後不但會發覺得樓無所用,同時浪費了丁權。不如等多一會,待政府放寬逆週期措施或者加大按保時才買,在他送給我的禮物有一便條,寫著「湯生,我買了樓,多謝」。如果當時我話「年輕人,前進吧!」,鼓勵他去買樓,我相信那位年輕人,就算他當時冇買,到最近才買樓,一定不會送禮物給我。

夜短夢長,年輕人,前進吧!
1. 引刀一快
2019-12-04 12:19
等一等,攞住份首期,去大灣區fullpay都唔錯喎。
2. 十一哥
2019-12-04 12:34
刀刀   啱使哩…就算山旮旯都易D去貨㗎!

大灣就建議收咗香港籌碼…攞多少零頭執件別館、好過山長水遠去D鬼地方…真係唔知異族幾時睇你唔順眼㗎 !

3. 鳥5
2019-12-04 13:26
租。留cash 2-30%.. 黃金.. 三年後.. 再睇
4. 鳥5
2019-12-04 13:28
國內香港 租 都冇問題....
5. 鳥5
2019-12-04 13:40
現今多。。 國內置業 首選 。 十大 城市內 十大發展商 現貨不買樓 花。 租 為主調。。。 餘數7.2人民幣 買入國債三年後。 再作決定。。 投資就業liquid currency產品為主調 變現能力高
6. 鳥5
2019-12-04 13:43
阿爺仲儲緊黃金 儲多一倍 佢就會打爆 美金... 中美博弈 先以呢個為終結... 真係唔講得咁白
7. 鳥5
2019-12-04 13:44
中美博弈 終結 歷 時需要三至五年
8. 鳥5
2019-12-04 13:51
其實 地球資產價格 20年 追落後其實係 ...黃金... 而家地球買家 . 絕大部分喺央行.... 冇乜用 家,買呢炫耀財富.. 咁都可以一年升四成。。 就嚟牛一完啦。。 進入牛 2。。。
9. 儲多一倍
2019-12-04 15:33
鳥哥, 阿爺買入金礦, 加快完成得唔得?
10. 鳥5
2019-12-04 17:17
阿爺關閉國內金礦 響太平洋島國買金礦 戰術其實相當明顯 ...儲金
11. 相當明顯
2019-12-04 17:39
兩個零月前話做生日, 阿爺叫阿襯唔好搞咁多事得唔得, 阿襯又好順攤, 今次會否到阿襯話要做聖誕, 反過來自己唔加住呢?
12. 十一哥
2019-12-04 22:23
同美帝玩虛擬嘅對賭就好被動、資源…硬橋硬馬老千花招難使、阿爺成手美僓…變現多少玩資源、就足以打郁電算機、美帝寒底…玩資源就些小蝕底。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。