地產論壇
登入名稱
密碼
頁數:
人權法案有利香港樓市
瀏覽人次:23821    回應:15

人權法案有利香港樓市

 

湯文亮博士

紀惠集團行政總裁
2019年12月3日

  上星期有一間大銀行邀請我做了一個講座,我天文文地文文講完買樓「五大訴求,缺一不可」之後,就進入答問環節。有人問特朗普剛剛簽了的「香港人權及民主法案」,會不會令香港樓價大跌。這個問題其實已經從中原指數反映出來,人權法案並不是一朝一夕的事,在香港社運進行期間,已經有不少香港人到美國要求推出這條法案。即使在社運以及人權法案的陰影下,中原指數最多亦只不過下跌了5%,並且隨即反彈。由此可見,人權法案不但對樓市影響輕微,甚至能夠鞏固香港樓市,我咁樣講台下當然噓聲四起。

  我反問提問的人,如果他有資產在香港,會不會因為人權法案而將資產轉到美國或者她的同盟國,例如日本、台灣、新加坡等地。那人實話實說一定不會,因為如果唔覺意出現在制裁名單上,美國就會凍結他的資產,甚至指示她的同盟國凍結他的資產。他甚至考慮出售美國資產搬到一些美國影響力不夠觸及的國家,香港反而是一個安全地方。本來這是毋須擔心,美國是不會輕易推出制裁名單,但現在環境有變,制裁名單並不是由美國議訂,而是照香港社運人士的意思執行。一個普通的香港商人隨時會被列入制裁名單,美國可以影響全世界,但影響唔到中國、香港。大家當然唔會放資產在中國,結果香港是最安全的地方,唔驚美國會凍結資產。所以,人權法案又點會令樓價大跌,反而樓價得到支持而上升。如果發生二三十年前就難講,當時美國基金持有不少香港物業,有乜依郁,基金立刻會出售持有的物業,香港樓價想唔跌都唔得。

  不少人都知道美國在香港每年有300多億美元盈餘,究竟是怎樣得來。香港又沒有製造業,就算有都微不足道。其實,那些盈餘是從資產管理得來。不少國內以及香港人在美國投行買基金、債券等產品,300多億是中間產生的手續費及利潤。如果任何人擔心出現在制裁名單上,不但會停止向那些美國投行買金融產品,甚至出售手上的金融產品,美國金融機構生意減少,利潤自然下跌,美國商人反而會是人權法案的終極受害者。要解決亦不是沒有辦法,第一個美國暫時不會用,就是擱置這條法案;第二個是不會得到香港社運人士同意,就是法案要按既定時間表進行。香港社運人士是無權制定制裁名單,最好的辦法就是先用第二,後用第一——一個不負如來不負卿的兩全辦法。

人權法案有利香港樓市
1. 十一哥
2019-12-03 13:14
人…好多都犯賤…當代讀過下書·自以為精英果班巨嬰、最鐘意追潮流…玩扮嘢、其實一切跟網絡指向、好少有個人真反叛嘅見解…但又成日滿咀豉油…炆煑…點知係水都未煲過。

問過好多ABC、美國有乜嘢好…除咗一味~齋噏豉油~舉唔到乜嘢實例好嘢、衹有一個講到…嚟到東方唔知點解好多土炮會縮完起敬、ABC不期然有D飄飄然抛抛地…其實佢地見到香港人嘅荷包就有D酸酸地就真。

有真銀嘅肯定係士嘜街…點會笨賊到送羊入虎口吖…

2. 路過
2019-12-03 13:38
依家最壞既情況係米國本身想脅持香港,達到佢自己目的,不論係提高貿易談判既本錢也好,舞高弄低股市獲利也好,香港都係一個佢地花成本最但效果最好既地方,換轉以前,中國為左提供一個示範俾台灣睇,點都會頂住香港經濟,不過我感受到近依一年風向變哂,我覺得中央依次係會由得香港死,掉轉頭用深圳做頭拉大灣區行,大家望下依排深圳房價就會知道 ,爆昇非常恐怖,香港可能會變反面教材俾大陸其他地區睇,如果大家仲以為今次可以浴火重生,我諗未免大高估香港人
3. 談判既本錢也好
2019-12-03 14:30
老襯係要 take control, 冇商量嘅餘地, 所以無關乎談判嘅本錢, 因為根本就唔係談判。
4. 鳥5
2019-12-03 15:44
梗係 不利香港樓市。。。 中美鬥屆香港。 點會有咩益呀。 冇一廂情願自己呃自己
5. 鳥5
2019-12-03 15:51
而家多咗好多人買 大陸樓.. 出年 大規模失業, 賣香港樓退休。
6. Stephen Wong
2019-12-03 16:10
中央係睇大局,香港仔係鯉魚門外乜都唔知.
7. 鳥5
2019-12-03 16:11
香港兩邊不是人
8. 鳥5
2019-12-03 16:14
香港大陸 流動人口 in 多 轉向.out 多
9. 點會有咩益呀
2019-12-03 16:49
下年去廸廸尼會唔會平左? 
10. 鳥5
2019-12-04 00:10
熊貓酒店三舊水包早餐 頂級酒店就冇乜點平
11. 鳥5
2019-12-04 00:51
2F, 未來嗰三年。。 係加強 利有港人北上。 有得香港死 咁我就唔同意。。 不過主打香港人。 唔係 香港。 主調 兩 者 有唔同。。。
12. 引刀一快
2019-12-04 04:09
To 2樓 路過兄

呢排深圳樓升?好似唔係喎。
深圳只會係香港嘅威脅,大灣區廣州深圳香港都係頭。
香港早就係大陸各地嘅“反面教材”喇,不過教咗乜就因人而異因地制宜咁解啫。
13. 引刀一快
2019-12-04 04:14
鳥5兄

真係呀,好多人我以前建議佢買大陸屋,都係嗤之以鼻,依家就頻頻去睇樓,我叫佢地落疊之前單聲,幫佢地把把關。
不過,呢排買大陸屋,一樣係危,唔使咁心急,買都盡量買一線邊。
14. 十一哥
2019-12-04 08:40
刀刀 正係 timing决定輸贏、之前之後定勝負、十一哥之前論述/論點…樂觀而進取滿足價散水、再之前就以樂觀而保守價位做收買佬、大灣就建議收咗香港籌碼…攞多少零頭執件別館、好過山長水遠去D鬼地方…真係唔知異族幾時睇你唔順眼㗎 !
15. 十一哥
2019-12-04 10:06
雀仔  大風大雨…先至易捉路,係嘛!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。