地產論壇
登入名稱
密碼
21. 浪子心聲
2019-06-13 13:28
18樓,文章不用計較這些微細節,你應明白我講嘅係「車程」十五分鐘。若從西九高鐵站,即時買票,我試過約60分鐘可到達福田包括一地兩檢過關,等車(最長時間),方便快捷舒適,遲啲話「地鐵化」,唔需要買定時票,有可能40分鐘就得,我都幾享受高鐵帶來的方便。

多謝提點,文章已修改。
22. 球迷
2019-06-13 14:22
高鐵去深圳北
上星期坐過
由買票個刻計..連過關等車..45分鐘內到左
福田40分鐘係可以的
23. CD ROM
2019-06-13 17:16
同意浪子兄既觀點, 今次攪到咁大件事, 唔似係條例本身既問題大小. 大唔大件事, 似乎更取決後面發功既人用左幾多功夫.................

另外高鐵到福田站, 我經常坐, 一般早一晚網上買飛, 港島西出發65分鐘已在福田站落車, 確實方便同舒服了好多. 65 分鐘已包括地鐵往九龍站, 步行至西九站, 取票機取票再安檢過關.

以住坐地鐵到落馬洲站連步行過關, 大約要90分鐘.
24. 今次攪到咁大件事
2019-06-13 17:27
有幾大件事,而家日日唔開會,連嚟嘅人都冇,真正嘅考驗仲未發生。
25. 實事求是
2019-06-13 17:59
樓主講得有點道理,將罪犯緝拿歸案人人叫好!

不過以目前香港嘅環境所見,香港人怕一國一制,希望長期享有一國兩制獨特優勢,暫時唔肯同大陸一樣地位,況且大陸屬於人治社會,某些判例有欠公允,經常屈人坐監.交換逃犯恐怕會交錯人.

100萬人上街,之後演變流血衝突,事件仍會繼續惡化,將逃犯繩之以法是所有人都支持,不過大多數香港人認為今次逃犯條例比當年23條更嚴重,年輕人怕將來失去自由,俾人亂押返大陸,沒有公平審訊坐牢,所以需要更多時間作出解釋.

最重要係目前通過條例冇迫切性,就算通過對香港冇好處,出現咁大爭議及反對聲音,遊行示威衝擊甚至流血,咁就聽一下民意,暫時收回,收回港府民望會升高,社會和諧,大家專心搞好經濟.對抗貿易戰.

26. 乜春
2019-06-13 18:14
話100萬人上街根本係講大話呃人!警方用航拍機拍低逐個人頭數,都只數到15萬。扮民主派成日作大講大話,但又有儍仔信喎?!無腦!
27. 實事求是
2019-06-13 18:18
無論如何,大家都要正視問題嘅嚴重性,今次出街遊行人士好多係中間派人士,亦有唔少原來嗁藍絲,佢地係真正有理想,為何唔可以作收回決定?停止讓事件惡化,恢復和諧穩定環境,專心搞好香港經濟,房屋貿易就業等社會問題,團結一致應對貿易戰,待時機成熟,充分解釋條例保障,再推為時未晚.
28. 乜春
2019-06-13 18:24
舊年通過“一地兩檢”都好多(其實咪又係同一班)人上街架,通過後咪又係乜事都冇!

如果縮沙,以後就大鑊啦。
29. 唔好再鼓厲學生抗爭
2019-06-13 18:58
唔該,老師們唔好再鼓厲學生抗爭,好嗎?
教協發動全港大罷課,你哋睇片喇?

30. 實事求是
2019-06-13 20:44
今次逃犯條例唔同一地兩檢,今次嚴重好多,香港人怕失去一國兩制,台灣都唔接受兩制,我地香港人冇理由低人咁多,連兩制都保唔住.
坦白講,逃犯條例係愛國,但唔係愛港,因為對香港人來講並沒有實質好處,捉拿罪犯是執法機關的責任,冇理由要市民承擔.而且香港人從來都認為自己比較有獨特地位,冇諗過咁快要失去.咁快要一國一制,故此有咁大反應係可以理解.
之前佔中事件,黃絲破壞社會秩序,破壞香港經濟,市民反對佢地,站喺建制一邊,但今次市民為自己切身利益及港人自由著想,反而會站在反對派果邊.
同時現在處於關鍵時期,外面風大雨大打緊貿易戰,連中國都怕咗美國,經濟前景唔樂觀,港府理應全力以赴搞好經濟,才是負責任的做法.
美其言打擊逃犯可保國際金融中心聲譽,其實以目前形勢睇來未必啱,首先有冇得到國際社會認同?
香港作為對外型經濟體,最怕資金流走,現在連比較中立嘅歐盟都出聲反對修訂,冇理由當全世界冇到,非即時要過一條對香港人無重大利益的條例.如果一意孤行,萬一俾國際社會制裁,恐慌性資金流走,恐怕金融中心地位不保,到時樓市股市冧,唔知點收科,相信大家都唔想見到.
執政者應該要三思,堅持修例社會動盪不安,事件沒完沒了,管治威信盡失;暫緩修例停止流血衝突,順應民意體現大度之風,和諧社會,力保經濟,反可挽回執政民望,對香港整體更有利.
31. Bos fan
2019-06-13 21:38
左膠一名
32. 引刀一快
2019-06-13 23:59
未來真正最體現到嘅變化,係香港好多KOL會唔敢講嘢,離開咗香港嘅KOL講嘢又唔夠貼地,香港跌watt。
33. 係香港好多KOL會唔敢講嘢
2019-06-14 00:17
在佔中時,富豪第一時間出嚟譴責佔領者,現在特衰政府已經定性係暴動,照計已經退休嘅老豆同二代點都要出嚟講吓嘢,但係一個都冇喎,只得大樓一個預先話自己愛國愛港,二代接手之後反應真係鈍左?
34. 通識好文章
2019-06-14 02:04
通識老師們,這篇是一流的時事文章,就用這文章讓同學們以"終極追問思維方式"思考修訂逃犯條例的"假相"與"真相"作為堂上活動,好過罷課喇!
35. To; 29
2019-06-14 09:59
教協是一個非常值得懷疑的組織。 看來他們只關心自己的政治觀點。 他們不關心教育專業和學生的利益。我的一位朋友是老師,他幾年前從這個垃圾組織中退出了會員,因為他無法忍受他們的行為! 如果他們真的關心學生,他們就不會採取這樣的行動。 任何仍然有良心的老師,也應該退出會員資格。
36. Hongkong People
2019-06-14 10:55
實事求是兄:

你嘅理據有D奇怪,通過修例點解會冇咗兩制呢? 你要詳細解釋下先會有說服力.

其實有樣嘢你唔明,係香港呢個為反而反嘅地方,任何事情都會有爭議性,例如起骨灰龕地點,焚化爐地點,發展東北,發展棕地,發展郊野公園,填海造地,仲有之前起髙鐵,再一地兩檢,連起個博物館都有爭議;以上嘅項目,有好多擱置咗,有D千難萬難上咗馬;香港有太多無謂爭拗內耗.  所以係香港有爭議性就擱置就是萬事不用做; 跟住之後嘅言論就係政府廢,香港人好慘,生冇好住,死冇好葬,咁樣嘅循環,係我哋D中年人來睇真係好無謂,不過好在,我哋基本上岸,隔岸觀火中,但見倒年輕人,事事被煽動利用阻礙香港發展,呢D自殘嘅行為都不免令我哋有D傷感....




37. 因為他無法忍受他們的行為
2019-06-14 11:01
教協同支亂會差不多, 華叔響度嘅時候尚且可以維持一下, 得閒去買吓日用品都唔錯, 而家真是唔三唔四, 有點狗急跳牆的感覺. 香港學運領袖葉建源叫人罷課, 要不要先照照自己個樣?
38. 很認同筆者的意見
2019-06-14 11:47
其實雨傘運動或者逃犯條例都是因為香港政府太着重於幫既得利益者。現在大多數的大學畢業生根本一世都買不了樓。因為不是每個畢業生都有一個富爸爸。所以他們感到非常絕望。不能結婚不能生小孩、不能有安穩的日子。 你怎樣叫這班人坐以待斃? 香港政府一直以高地價政策為係他的管治。 年輕人只可以一世做奴隸。 無論是大學畢業,醫生、律師、會計師都冇可能買到樓。 你想想香港政府是多麼的殘忍。香港只開發了20%的土地。80%香港政府用各種名義凍結了。這就幫助了香港的地產發展商。太興茶餐廳一間公司四千人的全年努力都不夠公司買一層樓所賺的利潤多。 在這樣的不公平社會裏如何要求我們的下一代坐以待斃。他們完全沒有改變的能力反抗. 最後只可以玉石俱焚來吶喊對他們的不公平。不是他們不努力不是他們不認真工作, 是他們根本沒有機會。這是香港政府所造成的不是中央政府。
39. 提提浪子
2019-06-14 11:49
一般平民如我般,實在沒法知道當中真相,這樣,就只能靠正常的 邏輯思維, 去判斷修例,究竟對香港有冇好處?

4樓師兄已講得好清楚, 有很多議題講咗十零廿年都未傾好, 但為何將一個所謂已存在廿幾年的漏洞,夾硬短時間內進行「修正」上馬?

浪子兄所言,倒如……「但只要理性地分析,修例針對的是嚴重罪犯,要符合條件真的不容易,實質對香港大眾市民影響不大」是良好意願,但實際真的會如此發生嗎?

如果看回過往的記錄及現有大陸的司法系統,香港一般大眾、尤其是沒法移民的十多廿歲年輕人,為自己長久居住的地方發聲表達不安不滿憂慮,自可理解。


40. 政府太着重於幫既得利益者
2019-06-14 12:51
吊詭的是, 現在極力攻擊正苦的正是既得利益者, 衝突過後既得利益變得更強大, 屁民陷入更深的輪迴.
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。