地產論壇
登入名稱
密碼
頁數:
反佔中(21)黃金的旋律
瀏覽人次:75393    回應:59

反佔中(21)黃金的旋律

 

湯文亮博士

紀惠集團行政總裁
2014年8月19日

  上一個星期我接受香港電台普通話台訪問,當然是講地產,第二日,主持人Apps給我,說我的訪問成為當日收聽龍虎榜第五位,主持人當然開心,因為除了第六位是中文歌曲龍虎榜之外,普通話台的節目亦很少上榜,我亦都很開心,不過,我有小小奇怪,點解唔見咗伍家廉的「黃金的旋律」,我問電台人士,知道伍家廉去了大班的D100,那個是數碼電台,我都唔知道怎樣可以收聽,老實說,「黃金的旋律」與我同步成長,伍家廉主持及揀歌的功力的確深厚,昨日我睇報紙才知道,伍家廉因為做反佔中的「跑步上中環」司儀被大班解僱,今次,我覺得大班太魯莽,他雖然說D100不是一份工,而是一個理念,將理念不同者解僱是理所當然的事,大班除了魯莽之外,實在太混帳,我從來沒有聽過一個傳媒機構是一個理念,不能容納不同意見,不同聲音,連在香港電台打工的人,都能夠發表不同聲音,大班今次這樣做,一定會給政府或者建制派的人反擊,我又唔相信大班唔察覺得到,說到底大班做傳媒做了幾十年,經常將政府批評到體無完膚,甚至自封為十點前特首,不過,當有不同意見的聲音打電話到電台,大班一聽,覺得不妥便會收線,再加多一句說話“都唔知佢噏乜”,由此可見,伍家廉被炒,其實是有跡可尋。

  我寫報章,雜誌,網站,從來沒有編輯要求我怎樣寫,2009年我為I-money寫地產專欄,當時的專家,尤其是測量師已經認定樓市會大跌,我並不認同,並且與他們筆戰,可能得罪了某些人,他們向總編輯投訴,總編輯打電話給我,要求我贊同他們的說法,我只是回答了一句話“乜唔係言論自由”,總編輯連番稱是,至今我並沒有收到任何電話,報紙更不用說,連別字都不會修改,因為我曾經對社長說,有乜所謂,王羲之「蘭亭集序」一樣別字多籮籮,王羲之後來才作出修改,總之,香港媒體不會因為理念不同而炒人,更加不會擺明車馬說出來,最多將該人投閒置散,今次大班因不同理念而炒伍家廉,與篩選的泛民公投有異曲同工的意思,反對政府篩選特首而泛民又篩選公投方案,不但沒有說服力,更加給別人話柄,大班無理由唔知道。不過,事情又未必如我所推測,或者因為泛民金主曝光,D100經營困難,伍家廉又是高薪人士,趁此機會將伍家廉開刀,實在沒有政治目的,削減開支而已。

反佔中(21)黃金的旋律
1. 望東樓
2014-08-19 09:39

from the web

爭取民主空口講白話

「白色恐怖」、「政治打壓」,今次的主角又係泛民邊一個呀?

咦,伍家廉?乜佢唔係D100既音樂節目主持人咩?政治關佢咩事呀?

啊,冇嘢既,只係伍家廉尋日為「8.17和平普選大遊行」擔任司儀後,

「D100」就即時送左碟豉椒炒魷畀伍家廉嘆之嘛。

原因?咪就係政治理由囉。
 「D100」既創辦人咪就係前民主派立法會議員鄭經翰囉,據報道話,伍家廉接個JOB做嗰時,鄭經翰話明唔干涉、採開放自由態度尊重伍家廉,點知尋日就突然話反佔中遊行「唔公義」,要炒左伍家廉喎。

嘩,因為政治立場唔同而炒咗旗下員工,咁仲唔係「政治打壓」?

點解個老闆仲講到好似大義凜然咁,話所有節目主持人必須認同D100行公義既立場既?

乜喺呢件事上,「唔公義」既唔係D100咩?伍家廉呢個CASE,又係咪應該叫做「畀人滅聲」呢?

相信大家仲記得,早排有個網媒執笠,同埋前商台主持李慧玲畀人炒既時候,佢地都大聲疾呼「政治打壓」,雖然空口講白話咋,事後亦得到泛民金主報章、唔少議員同組織既支持,相比之下,今次D100講到明因政治理由炒左伍家廉後,呢批人好似完全無報道、完全無出聲咁嘅?
 民主,最基本就係開放同包容,容納其他人既聲音,但一個連民主素養都冇既網台,又點樣自稱可以幫香港爭取民主呢?

某啲議員、某啲組織同某啲報章,今次既行為,亦好似話緊畀香港人知,「公義」兩個字只係適用於泛民身上架咋;至於持其他立場既市民?SORRY囉,公道同公義,你哋自己去爭取把啦!

2. 蜕变中嘅懒人
2014-08-19 10:00
大班何許人也,咁蠢到極嘅事都會做?忍一陣遲啲揾個藉口去移動伍家X係基本步,咁係代表後台老細俾反佔中大好形勢搞到抑鬱症爆發,好似嗰個尼漢斬繼母,失晒章法,老細有命伍家X唔即走,即時斷水斷糧,就歷史重演,大班如何是好。理念?佛謁而己!
3. 大班唔喺善男信女
2014-08-19 10:46

小心哦,你同大班瞎聊佢隨時將所有對話內容錄音留檔日後慢慢用。

4. 珍惜香港
2014-08-19 10:55
珍惜香港

今日又可以懶啲,抄番尋日篇嘢出嚟啦!

反佔中運動,終於告一段落。我曾經問過各位,經過今次呢個運動之後,體會咗幾多嘢?

我見到嘅,就喺一系列所謂民主嘅真面目。有人慨嘆,民主已死;我就話,民主,本來就喺虛;所謂,菩提本無樹,既然無生過,又何來會死?

每年七一遊行,都喺用嚟表達對政府各種各樣嘅素求,亦冇乜既定嘅主題,好多香港人,年年都喺咁去行。不過唔知點解,今年去遊行嘅人,個個都俾啲泛民騎劫哂,話佢地全部都喺支持公民提名,甚至全部都支持哂佔中添!嘩!本來我自己都有閃過一絲衝動,想走去行一行,反對一下庸梁消極施政嘅,好彩冇去啫!所以點解我話,香港人,真喺唔應該再去七一遊行啦;不過我咁講,又俾人話我叫人唔好遊行,冇資格用珍惜呢個名喎!唉!我又唔喺叫人乜遊行都唔好去,只喺叫人唔好去埋哂啲好似七一果種冇既定主題嘅遊行啫,真喺!

不過,反佔中遊行,主題就好清晰,只喺得「保普選、反佔中」呢樣嘢,完全冇夾雜其他主題。如果咁,都仲要俾人話冇代表性,都仲要俾人話啲遊行人仕,唔知行嚟為咗啲乜嘅話,果個冇既定主題嘅七一遊行,唔知又算喺乜嘢?又喺嘅,呢啲,咪叫做民主囉!

你搞出個八十萬有找嘅網上篤手指,就講到自己天下無敵;依家人地成就百多萬用腳行出嚟嘅簽名,就話人地冇代表性。嗱!呢啲,咪又叫做民主囉!

話說,前日伍家廉因為走去做咗反佔中遊行嘅司儀,就俾鄭大班炒咗;大班話,主持人要認同電台嘅理念喎!咦?伍兄主持嘅,只喺音樂節目啫,佢嘅取向,同個節目有衝突咩?如果調番轉,有傳媒人仕,因為參與佔中活動,俾人炒咗,唔知鄭大班又會唔會開哂大咪咁,大吵大鬧話人地打壓言論自由,白色恐怖呢?哦!乜原來大班認為,傳媒,都喺要有取向嘅!咁就唔好大大聲咁鬧其他傳媒,話佢地喺乜嘢官方喉舌啦!

民主,原來都喺有取向嘅!總之,啱嘴形,就喺 GOOD,唔啱嘴形嘅,你就喺 BAD;順我者生,逆我者亡嘛!人數?重要咩?依家好多傳媒,都已經變哂做泛民嘅喉舌,就套用揸住民主旗幟啲人咁話,香港,已經進入咗白色恐怖嘅年代啦!其實,你同我都可以搞個唔知乜黨出嚟,只要個黨名有「民主」呢兩個字嘅話,咁你就做乜都得。民主嘛!公義嘛!使鬼理法律咩?「和平」佔你屋企都得架!

响呢度,有兩位留言者,睇得通,同江湖隱士,好努力咁鼓吹各位中產人仕,去組織一個中產議政聯盟。雖然我曾經潑過佢地冷水話,從政,喺一條不歸路,又話,中產,仲有幾團結,但其實我心底裡面,喺好敬佩佢地,因為呢個世界,有心人,真喺好難得!我諗佢地應該將個黨名,改為「中產民主聯盟」,因為有「民主」呢兩個字,喺會好 SELL 啲嘅!

所以,中國要發展民主,其實都好簡單。話說,中共內部有兩個權力集團,互相制衡,輪流欽點領導班子。就不如咁啦,將其中一個集團,取名叫「中國民主黨」,另一個集團,取名叫「中國共和黨」;五年一次,兩黨各推一個候選人,一人一票選中國總統。反正中國都唔再行共產主義啦,中國共產黨,就從此消失囉!化解埋啲人嘅歷史心魔之餘,仲有「美國標準」嘅民主喎!唔知我呢個建議,阿爺點睇?

都喺果句,民主?虛名而已!
5. 亮劍
2014-08-19 11:45

上一個星期我接受香港電台普通話台訪問,當然是講地產------

請問湯博士於那天及那時直播?我希望翻聽!

6. 范大夫
2014-08-19 12:06
to 亮劍

http://programme.rthk.org.hk/channel/radio/programme.php?name=pth/ezone&d=2014-08-12&p=795&e=273643&m=episode


7. 反佔中, 更反對遊行派錢
2014-08-19 12:11
我本身反對佔中, 本來周融攪反佔中簽名有成120萬個簽名已經非常成功, 可惜他犯了中國人之惡習, 即是好大喜功, 來一個大遊行, 今次真係輸得好肉酸 :
1. 事前話有20萬人遊行, 實際有幾多大家心中有數
2. 將班公公婆婆係維園暴曬, 真無陰公
3. 派錢, 河源認左就話取消200人人數(咁都得?) 青年會唔認就話人移花接木告有線, 點解唔報警拉果個假冒青年會者 ? 真係比人此地無銀既感覺
4. 大批大陸人來遊行, 如果他們有收錢即是黑工, 入境處要做野。

我是一個商人, 本來不談政治, 但今次我見到好多歪理說成真理
8. 啦啦隊
2014-08-19 12:30
老TOM做咩甘快又出文,你之前個片係咪比人笑到面都黃
9. Ignore 啦啦隊
2014-08-19 12:31
肥佬黎的废青
10. 派錢?
2014-08-19 12:38
可能时肥佬找临记做新闻
果张报纸做新闻,喺人都知
仲搵埋D 废物做啦啦队
11. 派錢?
2014-08-19 12:39
 派錢? 2014-08-19 12:38:32
可能肥佬找临记做新闻
果张报纸做新闻,喺人都知
仲搵埋D 废物做啦啦队
12. A货啦啦隊
2014-08-19 12:50


汪 汪 汪  汪 汪 汪

13. 元朗人
2014-08-19 13:10
政改民意行到今日,令泛民知道沈默港人是會發聲的。亞爺亦知道支持佔中不是大多數港人意願。

我厭惡泛民捆綁式手法去表達政改意見,如果將來泛民做到特首,比CY更嚇人,宣佈港獨都有可能。
14. 元朗人
2014-08-19 13:10
政改民意行到今日,令泛民知道沈默港人是會發聲的。亞爺亦知道支持佔中不是大多數港人意願。

我厭惡泛民捆綁式手法去表達政改意見,如果將來泛民做到特首,比CY更嚇人,宣佈港獨都有可能。
15. 李金华
2014-08-19 13:11

威逼利诱去游行喺事实,地盘老板叫我地一定要去,星期日当2工计,唔去唔得......

16. To: 啦啦隊
2014-08-19 13:20
Ha!! Ha!!! Ha!!! Haa!!!!!
17. xx
2014-08-19 13:25
如果將來泛民做到特首, they will send all people with different opinion from them to jail for the whole life or even kill them immediately. This is the so-call 泛民's way of handling matter.
18. 今年的我打倒昨天的我
2014-08-19 13:50

周融稱無指控有線報道造假

http://cablenews.i-cable.com/webapps/news_video/index.php?news_id=439564

保普選反佔中大聯盟召集人周融說,《有線新聞》日前報道被指移花接木只是引述香港青年會批評,並指無說《有線新聞》「造假」。

仲話派錢既只係小數人同19萬遊行人數相比冇問題, 香港人既道德觀念在哪裡 ?
19. 啦啦隊
2014-08-19 14:20
https://www.youtube.com/embed/40ntEt0Tqis?html5=1

嘉實,劉夢熊,都睇唔過睇,老TOM又點解釋
20. 代理仔
2014-08-19 14:25

To:4樓

比100個讚你,你應該講出好多無政治立場人仕心聲。

我反佔中,反泛民民粹理念,反梁振英民粹治港破壞自由經濟,反"愛"字頭班盲毛。

於現時香港政治環境,我地呢類會比人叫"兩面不是人"

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。