地产论坛
登入名称
密码
页数:
晨早夜话(52)澳门可不可以成为金融中心
浏览人次:24904    回应:18

晨早夜话(52)澳门可不可以成为金融中心

 

汤文亮博士

纪惠集团行政总裁
2019年12月14日

  昨日有澳门老友吹鸡,叫一班旧同学聚会,仲话订咗圣诞盘菜。我话冇问题,今年与往年不同,年尾流流都冇应酬,与老友吹聚会就最好。司机话现在有了港珠澳大桥,去澳门非常方便,不过好似习主席要去澳门,安检非常严谨,一定要带埋回乡卡,可能要过珠海关。我话冇问题,回乡卡随身。

  去到澳门私房菜,见到老友鬼杀咁嘈。佢话圣诞盘菜不够正宗,问我知不知道缺少了那几种材料。我当然知道,一般人唔会相信,澳门圣诞盘菜应该有腊肠腊鸭以及炸猪皮,没有这几样不能够叫澳门圣诞盘菜,不过味道唔错。

  话题就是澳门是否能够取代香港成为金融中心,如果国家要打造,一定可以。大家以为唔好以为澳门人好开心,其实是非常担心,因为如果成为金融中心之后,有可能唔准开赌,亦符合国策。我话少担心,如果澳门可以做金融中心,代表上海深圳唔可以,即是自打嘴巴。要成为金融中心,硬件是容易,软件才困难,人材也是硬件,市民质素才是软件。澳门人自己知自己事,管理赌场,发展旅游业比香港优胜,但金融就不行,而且做金融中心还要有一个先决条件,就是可以抵挡外国的金融攻击,令其不影响国内经济运作。所以,我认为习主席即使有心送一份礼物给澳门,澳门人都只想心领。

晨早夜话(52)澳门可不可以成为金融中心
1. 十郎
2019-12-14 10:49

      放心啦 , 要咁多金融中心开饭咩。

2. 十郎
2019-12-14 10:57


      做好一瓣就得啦 , 记唔记得佳宁公司呀 ? 连杀虫公司都捞埋 , 结果唔尊一, 后果累人累物。

3. Stephen Wong
2019-12-14 11:03
风水轮流转,澳门由一个小赌城,发财立品,发展成为与华尔街并肩的金融中心.
香港就慢慢,由四小龙变成一处天天讲政治当饭食,只谋小确幸的小镇,为左糊口,
轮落到开赌为生.
4. Fisherman
2019-12-14 12:54
澳门有中心,
香港无中心。
5. 龙虎豹
2019-12-14 13:26
如果国家要打做,一定可以,……

打(造)
6. Admin 2
2019-12-14 15:06
To: 5. 龙虎豹

谢谢, 已修改
7. 十一哥
2019-12-14 16:55
一向话阿爷力大冇穷、离地一寸都捞得住、只在肯唔肯…冇话得唔得、唔好估~只要信、唔系迷信、千因万果....始终建基於实力蓄藏、由大建高速…再进到高铁、唔主力信用咭....而聚焦於微支付、未够力时就忍忍…冚唔住就敢搏拳、在在显示阿爷策略纵深…高瞻远瞩。
8. 引刀一快
2019-12-15 11:58
一定可以!只要将深沪两市直接搬过去就得啦,呢匀澳门发喇。
9. 自我陶醉
2019-12-15 17:43
引刀兄

乜连你都同衰十一癫呀? 咁易做金融中心,上海一早做咗啦,几时轮到澳门呀? 我听落都系同P2P, 区块链条桥差唔多啫。
10. 引刀一快
2019-12-16 01:13
自我陶醉兄

我讲真话反话,你应该知道喇。
如果大大真系将沪市搬去澳门,我保证澳门日日发生离奇怪案。
不过,港交所话收购伦交所,收购之后迁去澳门,又唔出奇喎,然后放喺横琴飞地,咁就真系fit ..........如果外汇储备多三万亿的话。
11. 自我陶醉
2019-12-16 08:04
引刀兄

就系罗! 我都奇怪点解你会去咗衰十一个水平! 

至於收购伦交所,一听就知道唔会有行,根本就唔系钱嘅问题! 如果搞到全球股市都A股化,到时真系要退休嘞。 哈哈哈!
12. 十一哥
2019-12-16 09:24
醉婆 有自知之明…点可能系十一哥嘅水平…

13. 真真薯片
2019-12-16 09:54
要做国际金融中心,最重要有一班国际金融客仔,佢地唔黎,你做乜都冇用

国际金融客仔要求行普通法+鬼佬法官,有金融纠纷可以用法律解决,有需要时可以将正苦告上法庭,而正苦系会输官司赔钱,澳门得唔得?

靠阿爷独力去搞,果个系中国金融中心,唔系国际金融中心,汇唔到美金,最多用昆伦银行汇人民币去一带一路国家
14. 十郎
2019-12-16 10:19


      片兄 , 我孤陋寡闻 , 未听过昆伦银行 , 系唔系昆人银行 ?

15. 金融纠纷
2019-12-16 13:19
咪住先,想赚阿爷钱,要普通法加鬼佬法官?瞓醒未?
16. 引刀一快
2019-12-16 23:24
自我陶醉兄

一直都系出口术啫,闲话一句,咁就奖励咗琼琼好多亿。
卖伦交唯一可能,就系英国早就准备定个分身,只要价钱吸引,买到香港倾家荡产,呢头交货,果头新铺开张,俾个空壳加哥威吓,正系一石二鸟。

17. 引刀一快
2019-12-16 23:29
十郎兄

全名系昆仑佐里银行。
18. 引刀一快
2019-12-16 23:34
真真薯片兄

鬼佬好多种,以前澳门都系葡国人揸嗮喇,唔系鬼佬就得嘅,依家大陆啲友仔,唔知头唔知路,日日抨击香港用鬼佬。
页数:
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

声 明

所有议题/文章由其作者提供,大部份回应/留言是即时上载,少部份未注册为会员的回应/留言会经我们的系统过滤,所有议题/文章/回应/ 留言/资讯及评论并不代表地产资讯网(Property.hk)立场和观点。由於本【地产论坛】受到「即时上载留言」运作方式所规限,故不能完全监察 所有留言,若读者及用户发现有留言出现问题,欢迎以留言或电邮方式与我们联络(admin@property.hk),我们有权删除/堵截任何留言 (删除/堵截留言前不会作事先警告及通知), 如有任何争议,本网站管理员拥有最终的诠释权 。