地产论坛
登入名称
密码
101. 初哥
2014-08-15 20:18
我觉得财爷既忠告系非常岩。难道有事发生先讲? 楼市有周期大家都知! 经济影响股市,楼市这是常识吧!经济会被什么影响?当然最严重就系政治啦! 日日都公投占中! 内忧。 外患当然系地缘政治啦! 世界越来越乱,有咩事发生经济首当其冲。中国不能独善其身,香港更不能。 小弟刚刚做左小业主。乜都唔怕!最怕就系世界弄,中国弄,占中! 社会动荡经济点会好!中央无耐性派解放军清场,后果大家会估到!楼市因而跌,有楼就大件事!冇楼都唔会好!因为分分钟连份工都无埋! 只系小弟最担心既地方!狼来了不可怕,最怕半路杀出只老虎
102. 蜕变中嘅懒人
2014-08-15 20:43
TO 100楼 引刀一快兄
懒人贴错咗再贴过,令引兄误会在此先致歉,其实俾个沙煲懒人做胆都唔够胆咁样批评两位兄台,何况懒人时常觉得两位嘅意见好值得参考,其实睇淡睇好都有道理,但系用文字暴力,以无礼粗言秽语侮辱人嘅啦啦队班人就唔系咁啱,忠告吓啲无知雄鸡啫。
103. Oscar Lam
2014-08-15 21:24
懒人兄,
CCL又创新高啦!在此,我也不得不用我微弱的力量大声疾呼,CCL拜托你不要再上升了!最好保持不升、不跌一段时期。

如果CCL再次上升,我担心CY再次出笨招,规定所有物业投资者只能保留一间自住楼,其余物业需在半年内出售。

请大家一起努力,叫停CCL。

共勉之,哈哈!
104. 中女社社长
2014-08-15 21:33
CCL今日报125.66,创新高
105. 大宝二宝
2014-08-15 22:05
回103 Oscar 兄

我谂思歪又吾会咁绝嘅, 行我下面招数喇,我以前都提议过:
1. 30岁前最多可拥有一个物业;
2. 40岁前最多两个, 如此类推, 即70岁有5个物业。
到时真喺家有一老, 如有一宝, 又可敬老, 乐也融融........。

共勉之, 哈哈!
106. 睇得通
2014-08-15 22:11

完美金融风暴导致走势转强!!!

中原城市领先指数 CCL  每周五公布 – 最新2014/08/15公布,反映2014/08/042014/08/10(预计签署正式买卖合约时段)的二手私人住宅楼价。一般在签署临时买卖合约后14日内签署正式买卖合约。
本周公布 与上周比较 与上月比较
[中原城市领先指数]

125.66

  1.34 %   1.86 %
[中原城市(大型单位)领先指数]

131.41

  2.03 %   3.53 %
[中原城市(中小型单位)领先指数]

124.01

  1.21 %   1.55 %
[中原城市大型屋苑领先指数]

125.64

  1.14 %   1.43 %


[中原城市分区领先指数]
*只包括大型屋苑
  本周公布 上周比较 上月比较
港岛 135.79 1.23 % 1.7 %
九龙 125 1.86 % 1.7 %
新界(东) 126.35 0.76 % 0.42 %
新界(西) 107.26 0.13 % 1.31 %

 

 

 

完美金融风暴导致走势转强!!!

107. 蜕变中嘅懒人
2014-08-15 22:21
TO 103 Oscar Lam 兄
懒人觉得细价楼升得太急,先至系值得担心,虽然以懒人嘅原先计划系睇好细价楼,趁高位先卖中价楼变现,换人仔收升息,等细价楼升再卖2间细价楼变现,集齐资金都转人仔收升息,等跌市夫披入间有大会所大泳池嘅二手高价楼,但估唔到细价楼升得咁急,真系反而不妙,有机惹来民怨同加辣,懒人最担心系租管,如果好似懒人之前嘅谂法有机会出现,就会比预期早趁高放楼仔,而家真系摸紧石头过河。
108. 引刀一快
2014-08-15 23:02
懒人兄

我睇见你嘅言辞,估计都系俾人刺激咗。

懒人兄,系时候返嚟睇楼,搵番间喺南浦附近嘅都唔错,依家广佛交界嘅楼盘喺度抢客,上年我有个网友放咗间广碧嘅顶楼特色单位,屋外有120平方米(唔系尺,系米!)平台,送嘅、私家嘅!仲有天台!,182万人仔。

大陆楼系冇港楼咁有价值嘅,不过大陆生活又可以享受好多香港冇嘅嘢,依家交通咁便利,两边有屋,生活享受就多元化好多。

109. Oscar Lam
2014-08-15 23:09
回105 孖宝兄,

你这一招的确利害!不止解决了房屋短缺的同题,同时也解决了老人退休没入照顾的问题,一举二得。可惜以CY的智慧,未必想到这个好方法。
110. 打工仔 Andy
2014-08-15 23:43
To 99 懒人兄

虽然我都系好友! 不过, 也常常提醒自己97年的惨痛经历! 
好彩一路住到依家已经超愈了97价格40% ! 

CCL 又创新高! 真系担心会.....爆! 

111. 打工仔 Andy
2014-08-15 23:49
本来都想卖一两间细楼, 来换返多一间900至1000尺来自住! 
不过实在太贵! 决定取消计划! 日后再算! 
112. 蜕变中嘅懒人
2014-08-16 00:11
TO 108楼 引刀一快兄
懒人觉得内地楼买嚟只系渡假用真系浪费咗啲,以前我细佬买咗间一个月返去两次,初初系渡假feel,后来变咗一个月返去两次扫屋抹地,后来顶唔住卖咗,租金收得唔多,二手升值又慢,唔系长住唔系好化算,仲有度最攞命,懒人好钟意揸车,系屋企都系玩电脑跑车颷移吓,听讲内地超过60岁唔发车牌,死症无解药,想爱国都唔得。
113. 天空
2014-08-16 00:33
啦啦队果个废物真系好搞笑…....又很可怜……goodest cantonese ..哈哈……仲排紧队….....阴功……不过佢父母生著呢个废物……仲阴功
114. 引刀一快
2014-08-16 00:34
懒人兄

我试试帮你问下攞个香港牌去换得唔得,香港人唔使喺大陆考牌,有香港牌就可以系办,过60岁唔俾攞牌我系第一次听到,我外父七十几仲日日开车,广州喔,唔系讲D山旮旯冇皇管地方。
我系早几日听见你问限购松绑嘅事,以爲你有呢个谂法,如果冇养猫狗,我觉得其实冇咁严重嘅,搵钟点工做就得架喇,不过大陆楼租值系低,投资都系铺好。
115. 蜕变中嘅懒人
2014-08-16 00:40
TO 110楼 打工仔兄
其实懒人话怕乜怕物,都系一种警介心态,投资等於捉棋,时常估计对方下一步有几多种行法,最有可能行边一步,全部都预萛晒对策,输晒有个谱。市况受人心影响最大,估吓啲人将会做乜应该有用;讲到细屋换大屋,得一间自住楼系比较被动,好似捉紧残局,多一间或两间就多啲棋行、多啲机会,慢慢用心机等啱时机,放胆主动出击,有时机会稍纵即逝,懒人夫妇当年勇字当头,当时唔搏今日会后悔,投资始终都系要机会、眼光同勇气,稳阵安全嘅守势波就和局多过赢波,点拣要睇性格,呢啲都系懒人一向谂法,同兄台分享吓。
116. 引刀一快
2014-08-16 00:42
To 105楼 大宝二宝兄

咁如果佢得一粒仔,未够30岁,而佢忽然走咗,咁系咪规定多出嘅所有物业要拍卖?

仲有,如果以物业数目计算,而不是以面积计算,咁个个都走去抢大单位,发展商倾向发展大单位,供应咪仲少?
117. 引刀一快
2014-08-16 00:47
谂谂下,仲有个问题,到底呢个办法系以个人为单位,定系以家庭为单位?
118. 引刀一快
2014-08-16 00:49
懒人兄

你懒人夫人收入咁劲,梗系勇喇!
119. 蜕变中嘅懒人
2014-08-16 00:52
TO 114楼 引刀一快兄
60岁唔发牌系我外父内地个司机话我知,唔知系咪内地有牌多年就唔同呢?新考牌、领国际牌或者换牌会有年龄限制都唔定噃。
120. 引刀一快
2014-08-16 00:54
懒人兄

我帮你去问下。
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

声 明

所有议题/文章由其作者提供,大部份回应/留言是即时上载,少部份未注册为会员的回应/留言会经我们的系统过滤,所有议题/文章/回应/ 留言/资讯及评论并不代表地产资讯网(Property.hk)立场和观点。由於本【地产论坛】受到「即时上载留言」运作方式所规限,故不能完全监察 所有留言,若读者及用户发现有留言出现问题,欢迎以留言或电邮方式与我们联络(admin@property.hk),我们有权删除/堵截任何留言 (删除/堵截留言前不会作事先警告及通知), 如有任何争议,本网站管理员拥有最终的诠释权 。