|
|
TO:76/F 必须品定必需品都冇所谓啦，唔好写必衰品就0k喇!
|
|
|
|
大家唔洗争论，小女子由14岁出来工作储蓄，19岁结婚买居屋，20岁再买间沙中，有１成利润就赚，如是者到97有３间，全部全军覆没，但从无灰心，继续奋斗，依然有钱就买，到07年自用铺位由100万升到400万，就将这些钱再买多４间＝７间，我老公40岁时被公司裁员后，直到现在足足8年，也一直没有再工作，过著轻松退休生活！ 而我半退休陪他，继续我的小生意，收吓租，收吓人仔息，唔再理楼价升跌，因为知足常乐！ 我结论系私楼确实有投资成份，如果唔系，下跌时少人买，上升时多人追，所以各位量力以为，唔好比自己太大压力，我供楼当储蓄，先唔觉系乜野一回事，但如果觉得供楼好似搣左你忽肉咁，就唔好勉强自己喇！ 不过以我同老公由零变有些小物业，够食够住，唔洗担忧，即系要尽快买楼，至少两间，一间自住，一间收租，再有再买，50岁前退休享受人生！
|
|
|
|
所以我逢三退一得返4间，问题也不大，现在零负责，自信心都强左，正所谓楼价升，继续揸，楼价跌，啱价咪再买，总之唔好太烦便可！
|
|
|
84.
Oscar Lam |
|
| 2014-08-12 07:20 |
|
82,83/f 大王妹， 你的坚毅和努力造就了你的成功之路，值得现今的年青人去学习！我们也庆幸香港有一个如此独特、如此美好的投资环境给我们去奋斗，可以说是独一无二的投资环境。共勉之！
|
|
|
85.
To 大王妹 |
| 2014-08-12 08:15 |
|
你上次讲你奋斗故事已经比人话你作大喎， 点解今次个版本又唔同咗？ 上次你话第一间买沙中， 今次又话第一间买居屋， 信你边次好呢？
89. 大王妹 2014-04-16 18:08:45 我所做的其实很卑微的工作，第一份诊所姑娘，但一定是最少两份工作，多则兼埋第三份，Call台，行街Sales,每月基本上唔放假，因为放都唔想，宁愿返公司开ＯＴ，我记得19岁时已储到十万，当时一成首期买沙中，16%息，跟住一间换一间，储到第二笔部份首期，（因为要比三成首期）再借部份私人贷款（12%息）再买第二间，如此类推，家人朋友也叫我有楼就算，买咁多背负咁重为乜，但我太钟意买楼（因为所有野唔会好像买楼咁有安全感）
|
|
|
|
逢三退一可能是无嘢揾嘢做，pat pat痕，现在有dsd和楼价普遍过五，每次交易成本几十万，租金平均得三厘几，再加上重新入货要装修及放租的费用，要收几年租先追回洗费，这条数认真襟计。买物业要存集邮心态，有入无用，有时以为质素差的，反而是十倍股（被收购发展），买入十大屋苑就永远与大市同步，没有或然收益，人无横财不富哦。
|
|
|
|
联合医院病理科医生断错症俾全城疯插，佢唔够班、又唔知点解可攞倒呢个专业资格返来、又可过倒关俾她单拖签发病理报告，害到病人错失治疗时机当然抵俾人少。 但俾佢攞倒专业资格嘅病理学院，联合又唔搵比较富经验的病理医生帮帮眼实新牌仔，亦系责无旁贷。 唔够班、断错症、害惨人……
点解咁似香港房策主事人同墙拆会班友？？？
|
|
|
88.
自我陶醉 |
| 2014-08-12 10:32 |
|
懒人兄， 73楼 Oscar 兄，
可能我真系混淆咗 “必须品” 同 “必需品”。 必须品会系每人都必须有， 而必需品就会比较个人化， 对Oscar兄嚟讲， 你唔想交租， 又唔喜欢搬屋， 拥有自住楼自然系必需品喇！ 但因为唔系每人必须有自住楼， 所以就唔系必须品。
我老豆每餐都要食饭， 米就系佢必需品， 但唔食又冇问题喎， 所以唔系必须品。 呢度嘅人每日都叫人买自住楼， 因为自住楼系佢哋心目中嘅必需品， 所以佢哋相信楼系每个人嘅必须品。 虽然系出於好意， 但系大家唔明白， 有啲人系唔怕搬屋， 又成日想住新楼或换新环境， 就好似啲人一年要转几份工一样， 仲有啲人系宁愿花钱去wet都唔会买楼嘅， 你叫呢啲人买楼就等於同鬼佬讲你一定要买米一样， 佢系唔会睇到有需要， 因为我嘅必需品唔等於你嘅必须品，对吗？
|
|
|
|
To 85／Ｆ你哋呢Ｄ人真系唔知有心理病吖定系唔抵得人，用我自己名买第一间系沙中，居屋是我老公嘅，原先系讨论区唔想讲得咁详尽，不过见你咁细心去揾我咁耐嘅文，真系比你吹涨，唔系我系度吹牛！
|
|
|
90.
Bixu |
| 2014-08-12 11:02 |
|
My view is 80/F is correct. The two cannot be mixed up.
|
|
|
|
To Oscar， 香港确实系好，我都去过几多地方，依然觉得呢度最好，但被政府咁搅法，将来就唔知喇！
|
|
|
|
自我陶醉兄---- 1. 超级跑车---炫耀自用保值
2. 陈年红酒---自用保值
3. 极罕有错版邮票<全国山河一片红>---炫耀保值
4. 清末圆明园十二生肖铜兽首---炫耀保值做人情
5. 黄金---炫耀自用保值
6. 奢侈品---炫耀自用保值 7. 股票---收息保值
8. 债券---收息保值 9. 楼宇---自用收息保值三合一，极端稀有的豪宅还可以作炫耀工具 10 衍生工具---系赌博啫 现在请问你，世界上有边啲奢侈品，可一炮过作人百几二百万，几千万甚至十亿八亿？而且佢还可陆续有来，长玩长有呢？ 想起来唯有某些地区嘅房地产能做得到！ 客观来讲，你香港作为大陆同胞其中一个资金落脚点，我们应该大叫执倒，你 CY 仲唔打蛇随棍上，帮助库房搵翻一大笔--------真不该！ 可能有人话： 香港无地起楼喎⋯⋯每次去机场及落马洲，只要你见识下沿途十分八分钟荒芜景像，你就会少爆呢个特衰正苦搅乜家伙，剩呢两度都可以起你几拾万个单位，咁有啲公屋居屋，一半起私楼，得唔得呀！ 无工人去起楼呀⋯⋯建筑工人唔够，咪揾外劳罗，新加坡同澳门咪又系咁大兴土木！ 会做成贫富悬殊⋯⋯强国人来买靓楼，点都要跌啲出来，咁政府咪有钱起公屋、搅基建、建医院去制造就业，扶助贫困人仕罗！ 炒热二手楼楼价⋯⋯你惊同胞及公司客抢高D楼价，那么可规定佢哋只能买嗰啲几千万未开头嘅靓嘢啫，那你政府斋系坐喺度抽佢哋水，都抽到你呕啦，呢啲就系「劫富济贫」，请问咁系咪正路先？ 沽空楼市的你请注意以下事项:---- 1 理论上淡仓被夹, 升幅可以系无限, 例如香港最近呢四五十年, 楼价就算计账面, 亦可升成几拾甚至成百倍. 2 如果计算有误, 淡友好多时要在你唔合心水既位果阵, 被迫平淡仓, 但持仓者如果借贷唔重, 杠杆唔大, 大丈夫话唔出就唔出. 3 大市要是牛皮, 持货者可有租金收入帮补以战养战, 但沽空楼市者就要不停俾租. 4 沽空楼市要速战速决, 不能磨烂席乃常识, 但持有物业者就可运用短中长棍, 而且自用或收租亦可.
|
|
|
93.
引刀一快 |
|
| 2014-08-12 11:32 |
|
沽空楼市的你请注意以下事项:---- 1 理论上淡仓被夹, 升幅可以系无限, 例如香港最近呢四五十年, 楼价就算计账面, 亦可升成几拾甚至成百倍. 升得100倍，中间嘅波幅，每次点都有3倍挂？ 2 如果计算有误, 淡友好多时要在你唔合心水既位果阵, 被迫平淡仓, 但持仓者如果借贷唔重, 杠杆唔大, 大丈夫话唔出就唔出. 如果计算有误，仲会有好多嘢发生，比如计错安全期。 3 大市要是牛皮, 持货者可有租金收入帮补以战养战, 但沽空楼市者就要不停俾租. 你讲紧揸住几多间呀？一时有租收，一时又话要俾租？
4 沽空楼市要速战速决, 不能磨烂席乃常识, 但持有物业者就可运用短中长棍, 而且自用或收租亦可. 97入货果班想速战速决都几难。
|
|
|
94.
引刀一快 |
|
| 2014-08-12 11:39 |
|
现在请问你，世界上有边啲奢侈品，可一炮过作人百几二百万，几千万甚至十亿八亿？而且佢还可陆续有来，长玩长有呢？ 想起来唯有某些地区嘅房地产能做得到！ 客观来讲，你香港作为大陆同胞其中一个资金落脚点，我们应该大叫执倒，你 CY 仲唔打蛇随棍上，帮助库房搵翻一大笔--------真不该！
你系咁谂，不过阿爷唔系咁谂噃！ 讲様嘢你知，亮剑兄，阿爷比CY更想打香港楼价，一路都想。
|
|
|
|
仲有我再详细Ｄ系间居屋是我供㗎，因为老公为左悭钱，辞左份搵五，六千蚊嘅工，成间屋用左半年时间，是自己动手装修，跟著又要帮屋企人手，所以头两年都冇钱比我及供楼！ 我呢个奋斗故事，连睇住我由无变有的朋友也叫我可以出书，因为我经常教朋友后辈置业投资收租，不过我都好自豪冇咩靠人，而且是一个有借有还的人！
其实有Ｄ人好奇怪，塞钱落去袋，好像系害佢咁，唔信人咪唔信罗，又冇人迫你！！！
|
|
|
96.
大宝二宝 |
| 2014-08-12 11:58 |
|
个人觉得自住楼包含两个元素， 消费同投资。 睇个人点划分比重。 有人觉100% 投资， 因年月曰后会增值。 有人倾向消费品， 因你冇自住楼都要租屋交租， 又有折旧。有人觉得有一个安乐窝，有安全感， 吾使搬来搬去， 视为必需品。 所以冇对或错。 全视乎个人需要。
问题就在於视为必需品嘅人手不对心而将物业当投资品卖走， 之后就后悔地要正苦出招打压楼市好壤佢地再次将呢件投资品变回必需品。
共勉之， 哈哈！
|
|
|
97.
引刀一快 |
|
| 2014-08-12 12:06 |
|
可能有人话： 香港无地起楼喎⋯⋯每次去机场及落马洲，只要你见识下沿途十分八分钟荒芜景像，你就会少爆呢个特衰正苦搅乜家伙，剩呢两度都可以起你几拾万个单位，咁有啲公屋居屋，一半起私楼，得唔得呀！ 喺空中花园起间劏房，系咪可以增加收入？可以，不过损失亦不菲。 无工人去起楼呀⋯⋯建筑工人唔够，咪揾外劳罗，新加坡同澳门咪又系咁大兴土木！ 李插人先生插唔插你？带人去围你都似。 会做成贫富悬殊⋯⋯强国人来买靓楼，点都要跌啲出来，咁政府咪有钱起公屋、搅基建、建医院去制造就业，扶助贫困人仕罗！ 依家开始周D带钱外逃嘅人返嚟，远远都冇得走。 炒热二手楼楼价⋯⋯你惊同胞及公司客抢高D楼价，那么可规定佢哋只能买嗰啲几千万未开头嘅靓嘢啫，那你政府斋系坐喺度抽佢哋水，都抽到你呕啦，呢啲就系「劫富济贫」，请问咁系咪正路先？ 最好规定自由行一定要餐餐食饭按人头五百蚊，豆腐花都要佢地点够五百蚊，好唔好？梗系好喇，可以嘅话..... 抽水唔系歧视，规定同一类货品咩嘢俾买咩嘢唔俾买，系严重嘅歧视。 大陆都限香港人买大陆楼，但系绝对冇话要香港人只能买最贵嘅楼。
|
|
|
98.
自我陶醉 |
| 2014-08-12 12:48 |
|
亮剑兄，
1. "世界上有边啲奢侈品，可一炮过作人百几二百万，几千万甚至十亿八亿？" 多到你唔信， 名画、古玩、游艇、邮票… - 2012年 达文西的「蒙娜丽莎的微笑」1.2亿美元 - 2010年 毕卡索「裸体、绿叶和半身像」1亿6百万美元 - Steven Spielberg 嘅游艇 “Seven Seas" 2亿美元 - 中国富豪数千万游艇多不胜数 - 赌王买黑松露都几百万
2. "你 CY 仲唔打蛇随棍上，帮助库房搵翻一大笔" 你又知唔知乜都唔做可以有几大镬， 你睇吓美国楼市、 我哋97嘅楼市、 日本楼市。
3. “你惊同胞及公司客抢高D楼价，那么可规定佢哋只能买嗰啲几千万未开头嘅” 这点已经讨论过， 炒完几千万就将千几万炒上几千万等大陆炒， 赚咗钱嘅人又会将钱向下流， 你觉得真系会有炒完一日咩？
4. “理论上淡仓被夹, 升幅可以系无限, 例如香港最近呢四五十年, 楼价就算计账面, 亦可升成几拾甚至成百倍.” 喺梁隼兄篇文章已讲过， 对楼市嘅经济推动力会愈来愈弱， 唔再重复。
5. “持仓者如果借贷唔重, 杠杆唔大, 大丈夫话唔出就唔出.” 这点基本同意， 但也要看个人心理素质。
6. “大市要是牛皮, 持货者可有租金收入帮补以战养战, 但沽空楼市者就要不停俾租.” 那要视乎， 卖楼后嘅投资收益大还是租金开支大。 正如我45楼讲， 卖自住楼系投资决定， 要比较不同投资嘅风险同回报， 当你选择嘅其他投资回应低於租值， 系一个错误投资决定。 当业主卖楼系为避险而非投资， 多付嘅租金应看作保险成本。 投资最重要唔系赚多几多， 而系心安。
7. “沽空楼市要速战速决” 答案同第六点一样， 另外， 对自住楼唔觉系必须品嘅人嚟讲， 卖楼根本就唔系沽空。
|
|
|
|
自我陶醉兄---- 「许是人案」就系一个沽空港楼的反面教材，试想一下以佢的聪明才智，社会地位，如果喺佢事业如日中天之时，随便买入一两件靓少少的豪宅，他会有多少身家？咁佢会为嗰仟零弍仟个，搅到临老都要俾人抽插？ 唔怕得罪咁讲，好多人兄嘅能力、智慧、人际关系不及他一成嘅人，都有身家过亿啦！ 如果许生真的有几层豪宅喺手，那么他今天可能仲叹紧红酒、听紧莫责凸……
|
|
|
100.
自我陶醉 |
| 2014-08-12 14:43 |
|
亮剑兄，
阿许生嘅case 唔系投资问题喎！ 如果讲赌钱， 有几多身家、有几多楼都冇用喇! 曹达华够叻买晒楼喇， 咁佢依家身家又有冇亿亿声， 定谂起佢啲楼就妈妈声呢？
|
|
App下载
