地產論壇
登入名稱
密碼
頁數:
移民與否各自打算
瀏覽人次:25703    回應:45

移民與否各自打算

 

何熊輝

2021年10月2日

  近月來中產移民的問題經常成為大家熱議的話題,決定走的,大多也會考慮作賣樓的安排,或者有人認為,移民不賣樓,倘它日回港,未致無樓可住或會更好,不過近年港樓樓價升幅,已不及英加澳等國家,所以移民賣樓,並即在他鄉置業,日後的升幅,大有機會遠勝港樓。

  港樓今年或未來一至兩年,樓價每年的升幅,大概只能保持單位數增長,至於移民熱門國,受惠於移民需求大,估計每年保持一至二成升幅機會甚大,因此移民賣樓勝算較大。

  如年輕中產未置業,移民又如何?如有子女,移民已省回百萬計的教育開支,單是這好處,已值得考慮,移民入籍後倘認為不合,可回流再尋求發展也可。

  如果不移民,如未置業的,似乎仍要盡快置業,因為不買樓,必然會炒賣股票,按現在股市趨勢的估計,買賣股票大概只會輸錢賠本,所以如有餘錢,都是買樓較穩妥。

  近期不少消息說政府會加大力度整治樓市,不過按過往多年表現評估,除非採取限價限售政策,否則樓價難以下跌。政府加快收回閒置農地,每年能增加數千單位的供應,已是不簡單的任務。

  除非發生很突然的政策改變,否則香港樓價難以出現戲劇性下跌,有樓有資產這規律,現今仍然有效。

移民與否各自打算
1. 引刀一快
2021-10-02 13:38
仲有一個選擇,移民外國賣港樓,買一間平嘅大灣區,50-150萬,有良好小區管理果種,將要保存嘅家當安置好,移民之後,大把錢使,有需要返嚟有地方落腳,大灣區升又好,跌又好,150唔會跌到30,點都有間屋頂住。
2. 好友真面目
2021-10-02 13:42
目前香港樓市已進入死胡同,以現時樓價之高、買樓之難,樓市各方KOL勢必要繼續唱好、托起樓價才能出貨。但弔詭的是,內地當局明顯對香港高樓價、房屋短缺、貧富懸殊十分不滿,若然再落力唱好令樓價「如願」創新高,勢必引來中央更強力的關注。雖然如此,港樓KOL,仍拼命唱好唔,因唱淡怕死得更快....
3. 回一刀
2021-10-02 13:53
刀兄講得有道理,原來閣下都贊同移民海外,失敬,失敬。
4. Peimak
2021-10-02 14:10
唔好咁自大啦!香港嗰些少移民,可以推動移居地嘅樓市上升10至20% ??真係....唉!
5. 機師失業冇錢供樓
2021-10-02 15:23
疫情下航空旅遊業一潭死水,有一位機師,早三年前買入1800萬元的3層樓新界獨立屋後,近年長期失業,現只靠太太兼職供養1歲兒子及年長父母,父母近月又因為重病要做手術,更因無錢供樓怕被銀行收樓,「之前儲錢都唔係話儲到好多。所以依家失業半年有多,開始要動用到儲備就知道真係大難臨頭」
6. 引刀一快
2021-10-02 18:05
To 3樓

人各有志,喜歡移民嘅從來都多的是,可以選外國,亦可以選大灣區,更可以兩邊一齊選,亦即上述方法。
7. 大鄉親
2021-10-02 18:22
陳清白:話有錢都留住先, 樓價一跌可以跌到你驚, 跌到你心慌! 未經歷過97跌至03年,跌足七成嘅傻仔係唔會明的. 
8. 向饭民说不
2021-10-02 18:47
唔好咁自大啦!香港嗰些少移民,舊年走9萬,今年走10萬,下年走12萬,大後年走15萭,加哂都吾夠50萬,走多的,公屋上樓時閒縮短,係好事,中央有需要咪增加放寬每日到港人口至500人,甘咪搞掂。推動新港人移居本地可令樓價每年上升10至20% ,真係....吾係講笑!
9. 癈淡真面目
2021-10-02 18:58
咁多傻仔打手扮專家?
交租50年係幾錢,邊個識計呢條數?

10. 唔識
2021-10-02 20:32
真係唔知你想講乜?
11. 英國司機勝經理
2021-10-02 21:27
英國因重型貨車司機人手不足,導致全國汽油短缺。政府周五(1日)宣布,起調派200名士兵協助運送汽油到油站,並讓300名海外運油車司機即時入境英國工作至3月底,港人移民去英國做司機,有5至6萬一個月,好過在港做經理。
12. 陸永
2021-10-02 23:21
e家火棒在手都唔走,真係要去驗腦。
15. 這樣看好找死
2021-10-03 10:37
經濟衰退時,樓價會怎樣?基層擔心失業, 就供不起樓,租不起樓,試想想貿易及旅遊業兩大支柱受打擊,多少人的生計受影響? 大家來比比07年時的經濟與樓價, 很明顯很快經濟會差過07年, 但今日的樓價卻比07年高出多倍, 這是多麼不合理? 你班別有用心的好友,見唱淡樓價就鬧,推斑傻仔傻女去上車,真的無良心。
16. WWSG
2021-10-03 12:12
古人千年智慧,今天看移民,不知仍否正確?

淡淡定,有錢剩。
人離鄉賤,物離鄉貴。
人搖福薄,樹搖葉落。
猛虎不及地頭虫。

唔使腾,no problem

17. 淡友真面目
2021-10-03 12:59
我而家推你去買樓呀,你買畀我睇下?

當食麥記,話去就去?

我想擁有半山house,唔該你推下我啦。

廢淡儍得真勻循。
18. 移民勝死留
2021-10-03 16:23
移民去,有錢剩。
人離鄉貴,物留鄉賤。
人走福厚,死留葉落。
猛虎更勝地頭龍。

快快移民莫再留,no problem
19. 人性
2021-10-03 17:28
有人看好,有人看淡,正常不過,既然自己咁有信心看好,就不用理會淡友啦,人哋講吓啫,言論自由都唔俾,你估有樓大晒咩
20. 買吾起樓係能力吾夠
2021-10-03 18:18
香港樓價的確是靠剛需帶動
你話樓價貴咩!?但的確二手價也有價有巿,部份人的思想才離地。

佢地寄望一畢業就住400,500呎的2房月供又最好幾千蚊
唔可以阻佢地年年換iphone去日本
,政府政策方向係只有3成土地用作私樓供應。

無理由社會賺錢能力最弱
的7成人口有能力和首3成高能力的人去爭私樓,買不起私人其實係自己能力吾夠。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。