地產論壇
登入名稱
密碼
頁數:
可以自由離開的人話香港冇自由
瀏覽人次:24709    回應:16

可以自由離開的人話香港冇自由

 

湯文亮博士

紀惠集團行政總裁
2021年7月19日

  有老友昨晚搵我食飯,話冇特別事,只不過昨日去機場送行,見到一些奇怪現象,除了走的人喊苦喊忽之外,仲成日對送行的人講,佢哋唔想走,不過,香港冇自由,想唔走都唔得,搞到送行的人非常尷尬,卒之有一個人話,唔好成日講話香港冇自由,現在你們可以自由離開,就不能夠話香港冇自由,這個世界,人各有志,唔鍾意香港,可以自由離開,但不能夠話香港冇自由而離開,語氣對即將離開的人是重一些,但亦講得冇錯。

  老友問我會不會指責那些即將離開的人,我話不會,他們已經前路茫茫,在離港前攞多少威,應該讓下他們,而事實上大家都知道,今日用LOTR去英國的人走得非常匆忙,到英國後要面對另一個世界,一個人還好,一家人所面對的困難就很多,而且,今日走的人大多數不是在外國讀書或者生活過一段時間,唔知道在外國生活的苦處,因為冇自由而離開,其實,已經不是藉口的藉口,送行的人讓下他們。

可以自由離開的人話香港冇自由
1. 活在當下
2021-07-19 11:12
帶埋屋企一齊參與 世紀大騙案,叻仔!
2. 活在當下
2021-07-19 11:13
帶埋屋企人一齊參與 世紀大騙案,叻仔!
3. 自醉
2021-07-19 11:14
有個世姪同我講,結婚之後冇晒自由,生不如死,現在唔可以飲酒、唔可以食煙、唔可以去夜街、唔可以望女仔、唔可以睇三級片...

於是,我同佢講,結婚要互相遷就,互相適應,不如正面同老婆傾下。 那天,他和老婆談及自由問題,佢老婆同佢講: “好, 你覺得冇以前咁自由,我都明白嘅! 我就畀些少自由你,你唔滿意有權離婚啊!”

我同細姪講: “嗱!係咪呢,都話兩公婆要開門見山㗎喇,你一同佢講完就即刻爭取到最大自由啦! 哈哈哈!”

4. WWSG
2021-07-19 12:45
LORT去英國,如不幸中了 19 要入住醫院,是否要自費,還是英國政府包底?


5.
2021-07-19 13:51
催眠百多萬人,不要看小耶教嘅能力。
6. Carson
2021-07-19 16:16
Good riddance and good luck.
7. 引刀一快
2021-07-19 19:24
自我陶醉兄

叫你個細姪下鋪返大灣區結婚喇,起碼唔會回鄉證都俾人扣起埋先喇。
8. 自醉
2021-07-19 19:52
引刀兄

我諗佢見過鬼都怕黑。 子曰:「唯女子與小人為難養也。」的確唔容易處理呢!

佢老婆仲sort到同佢講:“我肯同你離婚,你有冇覺得自己好自由呢? 以後唔好再同人講結婚冇自由啦!”  

真係要送佢睇精神科,哈哈哈!

9. 向饭民说不
2021-07-20 00:22
引刀,如果你已經入外國籍,回鄉證被扣起好正常。以前阿爺對香港人比較寬容,一隻眼開,一隻眼閉。沒有扣起那些入外國籍的香港人,吾扣你是人情,吾扣你是道理。以後會從嚴。真係要多謝黑暴,成功爭取。
10. 引刀一快
2021-07-20 03:19
自我陶醉兄

呢啲就係呢位細姪冇做好婚前準備,呢個時代,又唔係一定要新婚之夜先至洞房花燭,雙方婚前應該有充分了解喇,咁嘅情況,要麼係感情上俾人食住,所以個老婆就頤指氣使,要麼就係得個老婆去奮鬥,佢躺平就梗係要乖啲喇。要麼,就係大把身家未轉移,俾呢位女士揸住佢鶉待,離婚唔見好多,咁就怪自己唔帶眼識人。
既來之,食之。
既驕橫之,棄之。
11. 自醉
2021-07-20 08:46
就係啦! 望一眼其他女仔,都話佢唔夠忠誠,唔夠愛佢,食煙唔准,成日噴毒氣,係恐怖襲擊喎,仲離譜到,返屋企睇電視都唔啱,問佢做咩睇同性戀劇,係咪唔想生仔。 痴乸線! 

世姪話結婚前日日都做嘅嘢,當時樣樣都話冇問題,結婚無幾耐就反臉。 我同佢講,老婆你自己揀,怪得邊個呢? 佢竟然話係指腹為婚,冇得揀! 准佢離婚已經忘恩浩蕩咁話,可悲!


12. 引刀一快
2021-07-20 09:27
自我陶醉兄

哈哈哈哈,疫情期間,人人都要戴口罩喇,細姪忘記同細細姪笠個罩,只能怪佢公民意識薄弱,做人不能始亂終棄,打死狗講價,叫細姪認命喇。
13.
2021-07-20 10:17
自醉,

搞清楚先啦。你個細姪將D西毒帶返屋企,然後“妹子大過主人婆”,話自己是正室。

他入錯屋企了,返鴉片國才是他地祖國。大把同声同气。
14. 自醉
2021-07-20 23:43
引刀兄

唔係啩? 睇電視劇都要戴口罩?  

咁睇殭屍先生,使唔使準備定幾道符先可以睇咩? 哈哈哈!

15. 引刀一快
2021-07-21 14:29
自我陶醉兄

細細姪,用嘅係尿道口罩。
搞出人命,只能認命。

16. n/a
2021-07-22 18:53
依家可自由離開姐~
健身中心
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。