地產論壇
登入名稱
密碼
頁數:
茶餐廳亂話(1039)從兩餸飯看香港經濟
瀏覽人次:20810    回應:6

茶餐廳亂話(1039)從兩餸飯看香港經濟

 

湯文亮博士

紀惠集團行政總裁
2021年7月9日

  今早去到茶餐廳,老闆話有很多行家唔夠生意,在午市時做兩餸飯外賣,晚市則以淨餸為主,而老闆覺得,做兩餸飯是很浪費,因為最低限度要準備七八款餸菜,而且分量不能太少,最後,有很多餸菜被倒掉,即是中午的餸菜,亦很難留到晚市,他不明白堂堂茶餐廳點解要做兩餸飯,而事實上兩餸三餸飯是比較適合工地,食堂,在工廠大量製造,然後送去工地,食堂,用舖頭做兩餸飯,始終唔係咁化算。

   其實,茶餐廳做兩餸飯是迫於無奈,香港經濟差,生意唔夠,唯有做兩餸飯幫補一下,老實說,如果香港再唔開關,基層就是最先受到傷害,那些醫護人員又於心何忍,為了自己理念,唔肯去打疫苗,政府唔開關,醫護當然冇事,但基層就慘了。

茶餐廳亂話(1039)從兩餸飯看香港經濟
1. 引刀一快
2021-07-09 12:38
講起兩餸飯,就諗起喺學校飯堂食飯嘅日子,日日揸住疊飯票,攞住兩個飯盒,一個打飯一個打餸,飯堂每餐都有十幾樣餸你揀,無論條件如何,心裡面當係食buffet,咁就會覺得啲餸冇咁差,人祗要肯調整心態,快樂俯拾即是。
香港啲茶餐廳水準一般都唔錯,兩餸飯,肯定好食過學校工廠啲飯多多聲。
2. 望東樓
2021-07-09 13:57
飲食業畀我兩個感覺:
你唔做隔離做,唔到你唔跟。
整體性向下流,每當食肆結業,之後開返一間多數係較低當次嘅。
3. SYB
2021-07-09 14:52
經濟?正大旺,很多人高價爭相購買工商鋪住宅。今年升勢又可世界第一
4. 十一哥
2021-07-09 15:17
刀刀 點解當年行路北上咁笨賊嘅 ?  怪得..…無嘢…無嘢…當11哥冇講過、哪唔準嬲㗎…
6. 引刀一快
2021-07-09 17:22
十一仔,笨唔笨賊有乜所謂吖,有機會我仲行多幾次,依家計劃行埋去西藏。
日頭食飯堂,宵夜大牌檔,好懷念有得笨賊嘅日子。
嬲?難得你寫少次史忽經,我等陣去還神。

7. 十郎
2021-07-09 17:54


      未到消費劵 , 食肆已經墟陷 , 早茶午飯已經要等位。朋友說 , 四個廢老星期一飲早茶 , 興起即日想搵場雀局 , 用600多d , 問經理 , 16間房全滿 , 聽日呢? 唔好意思 , 都冇。星期日5點去食燒牛 , 6點半離開時已經滿座 , 一出門口 ,嘩 ,  外面尚有一間舖咁多人等位。

      如果再唔通關開放 , 唔病死就餓死 , 收租都有難度。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。