地產論壇
登入名稱
密碼
頁數:
樓市熾熱 今年樓價睇升15%
瀏覽人次:6559    回應:7

樓市熾熱 今年樓價睇升15%

 

王品弟
香港置業研究部董事

(東方) 2021年7月9日

  樓市熱辣辣,樓價繼續攀升,與歷史高位近在咫尺,當中細單位樓價更率先破頂。據差餉物業估價署最新數據,今年5月份私人住宅售價指數報393.7點,按月升約0.64%,已連升5個月,今年首5個月樓價累計上升3.63%,與2019年5月的高位396.9點只相差約0.81%。疫情緩和下通關可期,加上基建效應帶動,樓價短期勢破頂,全年看升15%。

  值得留意,若按各類單位面積分類,實用面積430方呎或以下的A類細單位樓價已經搶先破頂,最新報439.9點,較4月升1.08%,升幅跑贏大市,並打破歷史高位439.7點的紀錄,成為各類單位面積中最先打破歷史高位的戶型。近月豪宅成交紛破頂,帶動整體樓市氣氛急劇升溫,細單位亦發力向上。除了樓價指數之外,5月租金指數亦按月升約0.28%,已連升3個月,最新報約177.9點,反映市場氣氛向好,租金走勢已回穩向上。

  另一方面,近日發展局公布本財年第二季(7月至9月)賣地計劃,涉及2幅住宅官地,共可提供200伙,政府土地供應減少,但若連同港鐵、市建局及私人供應,全季單位供應數目仍有約5,400伙。連同本財年首季約1,650個單位的土地供應合計,即本財年上半年(4至9月)賣地計劃共提供約7,050個單位,佔年度目標1.29萬伙約55%。財年第二季土地供應主要來自私人發展/重建項目,佔約45%,官地僅佔約4%,由於私人發展/重建項目方面的供應存不穩定性,故全年達標與否,還看官地推出進度。

  樓市表現理想,受不少買家青睞。本行於6月中進行的調查發現,達4成人認為投資房地產最穩健,為自2020年第3季有紀錄以來4季新高紀錄。另外有近6成受訪者認為,未來12個月香港樓價走勢平穩向好,比例創12季即3年新高。觀乎目前環球市場資金氾濫,銀紙面對貶值,加上低息環境持續,而房地產表現較股票等其他投資工具穩健,吸引買家買磚頭抗通脹,樓市交投勢價量看升。

樓市熾熱 今年樓價睇升15%
1. 無限量寬使樓價爆升
2021-07-09 23:57
無限量寬使樓價爆升,報紙盡量避談。可是世界各國,就是疫情不好,樓價照升!而且,利好因數,只得這一個!
2. 賣自住炒跌唔扺可憐
2021-07-10 08:39

3. 向引刀‧土著‧自醉‧浪子‧阿井 說不 2018-03-29 22:27:40
根據浪子前文所述,個女去年港大畢業,按照一般年齡推算去年應是22歲,就算浪子30歲生女,條無產階級應已是50歲開外,不過份人就真系天真過天真嬌。因早年以創新高而草草沽樓等跌3、5、7成,預期可以低位上番車,還可以執多兩三百萬落袋,結果卻被樓市升浪來個狠狠夾淡倉浪子,就當係50歲,現在買自住樓除非你一炮過600萬,否則銀行咁容易向50幾歲人承做15~20年按揭?唔通等你供完層樓都65~70歲呀?等你條粉腸以前咁口響租樓日日咁好賺嗱,現在天天在此哭哭啼啼發爛渣揼大髀啦
3. 有估未為輸,總有一日太陽熄滅
2021-07-10 13:18
淡友年年估,唔中當冇講過 2018-12-16 11:59:00
淡友自覺幸福,置業者是可憐蟲。

由佢啦,反正好友唔會少忽肉,淡左話乜就乜啦,最醒係佢咯。
4. 頂住
2021-07-12 10:44
浪子一日未認輸,一日都當嬴。

 浪子心聲 2017-12-11 01:42:05
四樓你太睇小我喇,我自問過去二十年我從未在分析香港經濟和樓市發展上有錯判形勢,未來我亦非常有信心,請有點耐性閱讀以下文章:

香港樓市的思想泡沫何時爆

浪子心聲 2017-12-11 18:44:00
講咁多嘢都無一點新意,月月有新盤,我就唔擔憂無樓買,供應只會越來越多,你想釣愚都要有創作力和分析能力,無point就無point,點寫都無point。

錢我有就係唔買住,你吹我唔脹,我依然以我的投資原則「唔低唔買、唔高唔賣」,我雖然買賣不多,但到今天還是100%成功率,你真的吹我唔脹。
5. 勝負已分
2021-07-12 12:08
淡友真面目 2021-05-21 23:23:43
浪子2017年講……
月月有新盤,我就唔擔憂無樓買,供應只會越來越多……錢我有就係唔買住,你吹我唔脹,我依然以我的投資原則「唔低唔買、唔高唔賣」,我雖然買賣不多,但到今天還是100%成功率,你真的吹我唔脹。

但2021年又話……
住房是必須品,如今供應不足,令大部分人負擔不得起……

究竟供應“越來越多”定係“供應不足”?

如果今天的你又打倒昨天的你,咁你自認買賣100%正確又是否成立?

你多年唱淡目的都係想入平貨再上車,既然睇錯市,又可以100%正確咁得意嘅?

預咗你避而不答,只係想網友認清你D淡友真面目。
6. 淡友拋西瓜都唔蒲頭喇
2021-07-13 10:00
等下一輪天災人禍先出來抽水是常識吧。
7. Mick
2021-07-13 10:51
水已抽乾

你知道嗎?樓宇按揭的類型除了一按二按外,還有加按和轉按。


頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。