地產論壇
登入名稱
密碼
頁數:
富二代被人歧視
瀏覽人次:18907    回應:9

富二代被人歧視

 

湯文亮博士

紀惠集團行政總裁
2021年7月6日

  我睇蔡瀾的飲食節目,佢介紹響螺片,講完一輪之後,蔡瀾話太貴,佢唔會食,留返比富二代食。我心想,以蔡瀾這樣的老江湖,仍然在不知不覺間歧視富二代,留返比富二代食究竟點解,即是當他們是水魚。

  我今日認識的富二代與我當打的時候有很大分別。當時不少富二代日夜顛倒,唔貴唔飲唔食,生活糜爛,我雖然不是富二代,但亦是其中一份子。但很奇怪,當時不但沒有人歧視,反而有不少人羨慕做富二代。

  今日的富二代不但精打細算,而且工作積極,返工有早冇遲,我工作的大廈亦有不少是富二代,我九點半回公司,大多數富二代已經返了工,我由司機載我返工,他們則自己揸車返工,再交由司機泊車。至於生活,更加正常到不得了,富二代知道,現在資訊很發達,稍有行差踏錯,傳媒都會大幅報道,不但對自己有影響,甚至對整個家族都有影響。

  富二代其實很慘,無老闆願意請他們,根本很難搵工,最後又要回公司工作,但又會被人話靠父蔭。好彩畀富二代搵到工,在公司又會被同事排斥,做得好又被同事話搶功勞,做得唔好被人當話柄,準時返工放工是應份,稍為遲到就會被人話這是富二代的陋習。請同事食飯是買人心,不請是孤寒。富二代到處受到歧視,到最後只有返公司幫老豆手。

  香港人也是富二代,移民之後唔做工,就會被當地人話如果唔做工,點解要移民,如果做工,甚至做基層的工作,又會被當地人話搶了他們的工作,但我相信,現在移民的人不知道他們原來是富二代,更加不知道現代人是歧視富二代。

富二代被人歧視
1. 引刀一快
2021-07-06 19:32
細個果時,好記得,公司三文治裡面,乜都有,仲有一塊響螺片。
依家居然變成富二代專享。自然資源枯竭,仲咁多人覬覦香港嘅郊野公園同填海,完全係飲鴆止渴竭澤而漁。
2. 元朗灣區人
2021-07-07 09:06
林引刀,

某人霸咗省城農田資源,破壞環境。

仲有,中國香港嘅碳排放世界級嘅高。

西鬼首陀羅,唔好將自己d垃圾運去第二度,就以為環保。

!!環保阿Q

3. 引刀一快
2021-07-07 17:36
灣元

“林引刀,

某人霸咗省城農田資源,破壞環境。

邊個邊個?省城邊度農田?

仲有,中國香港嘅碳排放世界級嘅高。

唔該講講總體碳排放同局部生態價值之間嘅關係。
你根本噏唔出。

西鬼首陀羅,唔好將自己d垃圾運去第二度,就以為環保。

邊度嘅垃圾?運咗去邊度?尻噏。

!!環保阿Q

4.
2021-07-08 06:43
林引刀,

果然“西鬼首陀羅”。自己up吓,就覺得地球救世主。 中國香港填晒维港,鏟平郊野公園,對地球影响都可忽略不計。

碳中和,是未來二三十年努力嘅方向。你问習大大,拜done,减碳有冇用啦?
5. 引刀一快
2021-07-08 12:26
外行。

外行到爆炸。

原來生態冇地域性?冇特異性?成個地球都有熊貓?

不學無術。
6.
2021-07-08 16:39
林引刀,

你解釋下,香港要保護郊野公園,但你可破壞省城土壤?

乜地區性呢?乜內行人呢?
7. 引刀一快
2021-07-08 18:55
我保護省城土壤,我保護廣東林業,我亦識得大把做土壤修復嘅人。

你扮傻嗨?解釋碌諗咩。
8.
2021-07-08 20:45
重伸

要三十萬人住劏房,環保就是班搞屎棍。腦殘,無人性。
9. 引刀一快
2021-07-09 00:02
飛地咪得囉,咁簡單。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。