地產論壇
登入名稱
密碼
頁數:
茶餐廳亂話(1036)移民即是觀光客,入嚟之後慢慢劏
瀏覽人次:19400    回應:9

茶餐廳亂話(1036)移民即是觀光客,入嚟之後慢慢劏

 

湯文亮博士

紀惠集團行政總裁
2021年7月5日

  今早去到茶餐廳,有客人話英國對香港人真好,大開中門,讓香港人可以用BNO身份去英國長住,老闆話,英國佬做好人其實已經做得太遲,接收移民即是打開門口做生意,有錢就可以幫襯,點解要揀客,英國佬覺今是而作非,大開中門,今日移民去英國的人慢慢就知道味道。

  客人不明白,老闆話有一些專做觀光客舖頭,表面上物價比市價平,但這是做生意的招數,先吸引觀光客,入咗嚟之後慢慢劏,當香港人去到英國,身份變成BNOer之後,已經是半個自己人,咁樣就有責任交稅,入息稅有20%起跳到40%,仲要交13%醫療稅,仲有購物稅20%,而BNOer每年要住超過183日才可以五年後符合資格申請移民,所以,他們在香港的股票租金收入,全部都要計算在入息稅,而點解咁少人BNOer賣樓,因為要交40%增值稅,而觀光舖頭最絕的一招就是收哂錢話冇貨,訂金沒收,英國也是一樣,五年之後,BNOer被揸乾揸淨,就話申請人唔合格,邊度嚟就返番去邊度,客人唔敢回答。

茶餐廳亂話(1036)移民即是觀光客,入嚟之後慢慢劏
1. 曾代理
2021-07-05 10:38
身在福中不知福,就讓想走的人走,免得勉強留在香港,生不如死。
2. 十一哥
2021-07-05 11:02
香港稅制係全地球發達地區…最簡單…資金出入最自由嘅、成副身家投奔自由..個個都刻骨銘心…超君出塞一去等升仙、柄埋主要資產唔報嘅…就當去渡一次長假…返歸仲有揸拿、不過就要親人靠得住。
3. G
2021-07-05 12:46
窮L算盤,你精我都精,充大個頭,先交點入場費,入左藉後,再拿福利。


4. 望東樓
2021-07-05 14:06
最緊要係無資產增值稅,又無全球徵稅。唔駛多15%你都想死。
5. 引刀一快
2021-07-05 16:55
十一仔出塞去楓葉國和蕃咁耐,怪之日日升仙喇。
6. 十一哥
2021-07-06 09:36
圖書館打下躉…和番D鬼妹…真係成日好似神仙咁㗎、最難頂係果時要飛成20幾粒鍾先到碇、刀刀…些牙下當年行咗幾耐先到廣州哩…
7. 引刀一快
2021-07-06 10:34
十一仔,乜寫啲咁嘢?你係咪停留喺20世紀,好多細路睇完黯住半邊嘴笑。



唔忿輸,你咪又係輸。


8. 十一哥
2021-07-06 12:15
刀刀唔怕痛…C忽揰棍…贏硬、幾硬嘅Q揰撞下都會軟…輸梗…

9. 引刀一快
2021-07-06 14:53
唔忿輸,你咪又係輸。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。