地產論壇
登入名稱
密碼
頁數:
茶餐廳亂話(1035)打疫苗比率最多的族群
瀏覽人次:19045    回應:7

茶餐廳亂話(1035)打疫苗比率最多的族群

 

湯文亮博士

紀惠集團行政總裁
2021年7月4日

  今早去到茶餐廳,見到一個醫生同一個記者食早餐,醫生有多少不滿意,佢話當日記者問有關疫苗的好與壞,打與不打的風險,醫生在兩方面都有表達,但見報的時候,只報道醫生講打疫苗的風險,醫生當然不滿意,但礙於新聞自由,今日請記者食早餐,希望他以後唔好再問打疫苗的風險,記者唯唯諾諾話,就算他們報道不打疫苗的風險,都很可能被編輯刪除,而且,大多數市民都唔鍾意打疫苗,所以集中報道打疫苗的風險,唔能夠話假新聞,醫生話明白,再問記者有冇打疫苗,答案是打了。

  醫生何能唔相信,如果他問100個記者,隨時有90個打了疫苗,並不是記者是疫苗信徒,而是職業需要,記者每日要去唔同地方採訪,見咁多冇打疫苗的人,唔打疫苗很容易賴嘢,而事實上記者可能是打疫苗比率最高的族群,比有80%的醫生,40%護士高很多,不能夠說記者口非心是,他們只是負責報道,並沒有叫大家唔好打疫苗。

茶餐廳亂話(1035)打疫苗比率最多的族群
1. 望東樓
2021-07-04 16:49
查實最簡單就係話連李嘉誠都打。你驚乜?唔通你條命矜貴得過佢?
2. 引刀一快
2021-07-04 21:31
東樓兄

呢個講法講唔通,唔同人有唔同角度,冇理由佢有錢就一定跟佢。
返過來,如果全香港最衰嘅人(我冇講邊個)去打針,係咪我地就一定唔跟、唔打呢?

打與唔打,應該係自己根據自身條件衡量,反而戴口罩就一定係公民責任,見到唔戴罩嘅,可以同地鐵食煙一樣,拉佢。
3. 回1樓
2021-07-05 09:01
如果果阿李百佳話打,我反而唔打。
4. 望東樓
2021-07-05 09:28
小刀,滴滴搞邊科?
5. 引刀一快
2021-07-05 17:07
東樓兄

呢招咁大,我邊夠膽亂估,過多一頭半個月,自然有眉目。
6. 引刀一快
2021-07-06 11:03
東樓兄

頭先睇睇,唔止滴滴,优步都冇埋,好在神州未下架,等佢地講數囉。
7. 路人一名
2021-07-06 13:30
我總共去過中山紀念公園疫苗注射中心四次 , 頭兩次是自己打 , 後兩次是陪老婆去打 , 四次所見原來白人加淺黑膚色的人不少, 每次都佔兩成幾至三成人 , 當時外傭還沒有得打 , 所以我相信打疫苗比率最多的族群是居港外國人 ! 當時有個念頭納稅人的錢都給外國人佔用了, 香港人真蠢!


頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。