地產論壇
登入名稱
密碼
頁數:
茶餐廳亂話(989)林鄭會不會連任
瀏覽人次:23312    回應:14

茶餐廳亂話(989)林鄭會不會連任

 

湯文亮博士

紀惠集團行政總裁
2021年5月18日

  今早去到茶餐廳,老闆話佢問過幾個客人,大多數話近日CY咁高調,應該是打算食回頭草,林鄭應該冇得連任,老闆打算開盤同熟客玩吓,我話如果開盤就要難度高一些,或者益下班熟客,並不是林鄭可不可以連任,而是有冇人陪佢跑,總之有人陪跑當老闆輸,我幫莊,老闆話如果我咁有信心,他一於開盤

  有熟客話我們一定輸,因為CY打算食回頭草,我話CY想食回頭草只是他的想法,中央政府不會俾佢競選,就算是好馬都不能夠食回頭草,否則就不能夠駕馭,這是政治問題,唔好問點解,老闆話唔好拗,買得大賠得大,賭一餐早餐可以,賭一個月晚餐又得,很多人落注,全部都話沒有人出來陪林鄭跑。

茶餐廳亂話(989)林鄭會不會連任
1. 十一哥
2021-05-18 11:23
冧莊…問小女子心果句…肯定冇肯制、不過已經比阿爺擺喺頭排交咗投名狀、退唔知去得邊度、生於斯老於斯已經係宿命、肯落手落腳再辣多少更會榮華富貴。
2. 引刀一快
2021-05-18 12:03
佢邊有兩頭蛇十一仔咁好命,可以去楓葉國養老吖。
3. 浪子心聲
2021-05-18 15:46
中央要明白過去香港好多人係 ABC(Anyone But CY),2019社會事件後香港有更多人係「新ABC」(Anyone But Carrie)個個都得除了林鄭,如果明年特首選舉係 CoC(CY or Carrie),真係冇眼睇,會令好多香港人失望,亦可能對中央都大失所望。

大家都明白,現階段很多有能之士都不願意做特首,而中央又想有個執行力強的特首,我個人提意可以考慮下葉劉淑儀(Regina Ip Lau Suk-yee,佢想做特首人人階知,她資力比林鄭深,有能力駕馭香港公務員,亦了解香港深層次問題,做人有擔當。

如果賭有冇人陪林鄭跑,我買(其實係希望)明年特首選舉係 RoC (Regina or Carrie),點都好過 CoC (CY or Carrie)。 更好是林鄭係陪跑嗰個。

因為我係 ABC2 (Anyone But CY and Carrie)。


4. King
2021-05-18 22:02
CY上👆,想嚇死李瓜瓜咩?
5. 元朗灣區人
2021-05-18 22:40
林太,看勢會連任。

最差嘅時候都過咗! 香港乞布時,我都以為香港俾班僵屍玩完。 林太和警隊頂了下來。

而家,

!!江春入舊年
7. 浪子每次分析都錯,所以賣自住今日仍未上返車
2021-05-19 07:54
如果筆者今次分析正確,以林鄭熱愛香港的情懷及她對政府運作的經驗,她必然能成為「有心有力」的特首,香港未來真的一片光明。
8. 好文重温
2021-05-19 08:02
向引刀‧土著‧自醉‧浪子‧阿井 說不 2018-03-29 22:27:40
根據浪子前文所述,個女去年港大畢業,按照一般年齡推算去年應是22歲,就算浪子30歲生女,條無產階級應已是50歲開外,不過份人就真系天真過天真嬌。因早年以創新高而草草沽樓等跌3、5、7成,預期可以低位上番車,還可以執多兩三百萬落袋,結果卻被樓市升浪來個狠狠夾淡倉浪子,就當係50歲,現在買自住樓除非你一炮過600萬,否則銀行咁容易向50幾歲人承做15~20年按揭?唔通等你供完層樓都65~70歲呀?等你條粉腸以前咁口響租樓日日咁好賺嗱,現在天天在此哭哭啼啼發爛渣揼大髀啦‧‧‧
9. 淡友真面目
2021-05-19 08:09
浪子所謂深層次問題,就係自己睇錯市賣自住追唔返樓價升幅,夢想新特首可以畀機會佢上返車。

而中央又想有個執行力強的特首,我個人提意可以考慮下葉劉淑儀(Regina Ip Lau Suk-yee,佢想做特首人人階知,她資力比林鄭深,有能力駕馭香港公務員,亦了解香港深層次問題,做人有擔當。
10. 引刀一快
2021-05-19 11:34
關心一下邊個做大灣區區長好過喇。
11. 浪子心聲
2021-05-19 11:39
同葉劉打下氣先,佢真係講得有紋有路:

葉劉淑儀:做特首要大無畏 能團結 有能力


【專訪】葉劉淑儀批無人敢拍板 倡釋放貨櫃碼頭建屋

12. 淡友真面目
2021-05-19 13:17
你由四年前捧林鄭到今日唾棄佢,算唔算錯判形勢?

5. 浪子心聲 2017-12-11 01:42:05
四樓你太睇小我喇,我自問過去二十年我從未在分析香港經濟和樓市發展上有錯判形勢,未來我亦非常有信心,請有點耐性閱讀以下文章:

香港樓市的思想泡沫何時爆
13. 求完林太求葉太,最實際係天水圍林太
2021-05-19 13:40
今天的我打倒昨天的我,所以我一世都未輸過……

2017年7月香港樓市新景象,民不與官鬥

 

浪子心聲

2017年6月7日
中央給林太的主要任務是改善民生,尤其是在過高的樓價問題上,以林太對香港政策的深度理解,我個人對她有一定的信心,這位特首有權有力,七月開始大家就應慢慢感覺到形勢的轉變,不只商界不會與官鬥,廣大的投資者更不應與官鬥。

14. 浪子心聲
2021-05-19 14:34
13樓,在上界特首選舉時,我有在這論壇有留言,我是支持「曾俊華」的,但結果他輸了給林鄭。當時我認為作一個理性的香港人,選舉已完,為大局着想,大眾市民應給林鄭機會為市民服務,而她當時的政綱又非常合理,應當大力支持,讓香港有個新開始。

很可惜,不到半年,林鄭政見大變,不但不建屋,還來個「土地大辯論」,什麼都不做,如你有睇我兩年前的留言或文章,我已認錯,林鄭真的不值得香港人支持,佢今天講嘢還有信嗎?
15. 李澤西
2021-05-21 12:17
如果 CY 回朝,阿李百佳肯定瓜得。哈哈
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。