地產論壇
登入名稱
密碼
頁數:
歧視大過天
瀏覽人次:22403    回應:16

歧視大過天

 

湯文亮博士

紀惠集團行政總裁
2021年5月14日

  在外國讀大學時,有一晚與同學去酒吧飲酒,識得幾個靚女,兩個人應付不來,立刻叫多一個同學到來,同學嚟到,大家都很奇怪,話哂那一間是高級酒吧,有兩個大隻佬守門口,以同學衣著,大隻佬點會俾佢進入酒吧,同學話大隻佬的確唔准佢入酒吧,不過同學問是歧視佢,抑或歧視中國人,大隻佬立刻放行,歧視大過天。

  做營銷的人知道,歧視是一個非常好的銷售策略,有多少似激將法,回港後我有時去一些名店食飯,見部長推銷一些普通菜式,例如梅菜扣肉,姜汁介蘭給一些暴發戶,被暴發戶問部長是否睇佢唔起,部長當然話唔敢,於是燕翅鮑齊上,加條老鼠斑,半隻炸子雞,炒碟菜,暴發戶反而滿意,部長同我講,如果他一早介紹那些菜式,就會被暴發戶問是否當他是暴發戶,反而會叫一些普通小菜,歧視是不是很有效的營銷手法。

  新冠變種病毒在菲家務助理族群大爆發,香港政府於是強制在香港的菲律賓家務助理接種疫苗,基本上已經有不少反對聲音,但政府知道,如果不強制執行,倘若疫情在菲家務助理族群大爆發,政府又會畀人話抗疫不力,明知新冠變種病毒在菲家務助理族群大爆發,都唔敢強制她們接種疫苗,正當政府進退維谷之際,菲律賓外長話香港政府歧視菲家務助理,既然用到歧視,什麼也不用說,林鄭立刻順水推舟,容許菲家務助理不用接種疫苗,若果唔好彩疫情日後在菲家務助理族群大爆發,隻鑊就由菲外長去孭,我相信菲律賓政府亦知道關鍵所在,唯有在內部推動菲家務助理接種疫苗,菲外長的歧視,間接解決了香港政府的困境。

歧視大過天
1. 引刀一快
2021-05-14 11:56
香港大爆發的話,孭嘅係全個大灣區。
2. Stephen Wong
2021-05-14 14:15
本人絕對支持菲律賓外長言論,並十分同意其談及鄭女士為歷來最好的特首.為了表示支持菲方,強烈要求,為免墜入歧視菲藉傭工.薪酬應盡快提升至香港區最低工資$37.50/小時.
3. 為免墜入歧視
2021-05-14 14:41
應該跟貢丸五天工作就真。
4. 引刀一快
2021-05-14 15:11
點解係最低工資?偉大嘅外傭係母親節真正嘅主角,待遇必須為最低之上若干,定其為最低工資乃歧視中之極致。

5. 母親節真正嘅主角
2021-05-14 15:56
咁你俾幾多家用阿媽?
6. 引刀一快
2021-05-14 16:26
我阿媽完全係我照顧,唔使做嘢唔使開銷,俾零用就有,家用就冇。
7. 咁你俾幾多家用阿媽?
2021-05-14 16:36
不考有三,無後為大,咁你有幾考順你阿媽?
8. 十一哥
2021-05-14 17:03
刀刀  醒多少零用…即係要睇面色…

9. 待遇必須為最低之上若干
2021-05-14 17:20
零用係俾細路。
10. 無後為大
2021-05-14 17:54
刀刀無後?
11. 引刀一快
2021-05-14 18:26
十一仔,你老母就要睇你面色。
12. 引刀一快
2021-05-14 18:27
10樓

嚟到都唔嗌聲老竇?衰仔。
13. 哈哈
2021-05-14 19:06
哈哈,果然無後
14. 十一哥
2021-05-14 20:25
刀刀  趣趣地…唔好動氣…

15. 唔好動氣
2021-05-14 21:51
刀刀被督正死穴,大家隨意積翻啲口德。
16. 引刀一快
2021-05-15 02:18
動氣?十一仔你輸得咁甘就話動氣啫,我駛乜動氣?咒得到我無後算你贏。唔使留口德,反正我對啲鼠輩都冇留過口德。
我死穴係乜?就係見一個fight低一個。


頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。