地產論壇
登入名稱
密碼
頁數:
此曲應是天上有
瀏覽人次:24223    回應:6

此曲應是天上有

 

湯文亮博士

紀惠集團行政總裁
2021年4月25日

  有老友睇了我日前的文章,知道我住的地方有5000呎,於是發了一個短訊給我,只有「此曲應是天上有」七個字,一般人睇到,一定會以為老友是讚我,認為我的文章寫得很好,因為下一句是人間那得幾回聞,而我知道老友中文造詣精湛,那一句不但不是讚美說話,甚至是挖苦我,笑我充大頭鬼。

  有住公屋朋友最近用幾十萬買了一個名牌包包,當然是向其他朋友炫耀,收到回應相當不好,不少人話住公屋買名牌包包,小心被人當是冒牌貨,亦有人話,住公屋買幾十萬一個名牌包包,不如退回公屋,朋友當然唔開心,但其中有一個朋友話,此曲應是天上有,朋友非常開心,認為得一知己,但又唔知有沒有其他含意,於是問我,叫我直話直說,我話太直的說話唔好聽,不如聽故事。

  在唐玄宗李隆基時代,平民百姓是不能享受皇家音樂,有一個將軍叫花定敬,在宮中出出入入,聽過幾次皇家音樂,於是在家裡叫樂師演奏,仲請埋杜甫去聽,詩聖一聽之下覺得唔妥,盜用皇家音樂版權是殺頭的事,搵人寫求情信都冇用,於是婉婉轉轉寫了一首詩贈花卿,最後兩句是此曲應是天上有,人間那得幾回聞,其實是警告花定敬盜用皇家音樂,我對朋友講,他的朋友是挖苦他,笑佢住公屋買名牌包包,盜用政府資源,朋友聽完之後冇哂表情。

此曲應是天上有
3. 引刀一快
2021-04-25 15:58
公屋咁多顧忌,不如買大灣區,豐儉由人,而且,開奔利都冇人管你,就快香港車可以停大陸半年,未知保險點計,後生仔想住5000呎大屋,喺香港中三次六合彩都未得,大灣區就有機會完成夢都唔敢發嘅願望。
此曲只應天上有,大灣區裡得能嘗。
4. 向饭民说不
2021-04-25 20:12
引刀,要鼓勵香港人返大灣區就吾好暗黑大陸啦。
5. 十一哥
2021-04-25 21:56
刀刀 既然都釘梗喺大灣、霸間公屋又咁多顧忌…不如一石2烏、唔好要…等公屋多間供應…私樓小個買家、隊冧樓市又多一分力。
6. 引刀一快
2021-04-25 23:05
哦,原來講來講去,就係怕冧市。
我鵝頸橋間公屋,唔係你住緊咩?你俾七大喊驚婆封印咗喺橋底結界,想糴你走好難喎。
7. 十一哥
2021-04-26 09:42
刀刀 就係怕冧先至力托唔敢縮手、點會吞泡飛去大灣、7婆當冇到..刀刀8婆先係主角…糴11哥 ? 捨得孖Q咩 !
8. 引刀一快
2021-04-26 13:53
“點會吞泡飛去大灣、7婆當冇到..”

上次鬧完主席,今次鬧...........

十一仔,呢排好激進喎。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。