地產論壇
登入名稱
密碼
頁數:
政府會不會重啓新樓空置稅
瀏覽人次:23893    回應:8

政府會不會重啓新樓空置稅

 

湯文亮博士

紀惠集團行政總裁
2021年4月16日

  有電視台記者問我政府會不會重啓新樓空置稅,陳帆局長話不排除,我話陳局長除了講不排除之外,還能夠講什麼,唔通陳局長話不會重啓空置稅,不排除是一個模棱兩可答案,但又俾人感覺到政府有機會重啓空置稅,我的答案是不會,起碼在這三五年間不會,除非所有地產商集體不賣樓,令到樓價飆升到一個不合理現象,如果在這情況下,唯有重啓新樓空置稅,我相信這個情況不會發生,所以,重啓新樓空置稅的機會很渺茫,地產商不用擔心。

  大家可能不察覺,政府早已暗示不會重啓新樓空置稅,在泛民總辭之後,政府基本上控制立法會,要通過新樓空置稅是絕無難度,政府偏偏在絕對優勢下撤回新樓空置稅,因為若不撤回,新樓空置稅勢必獲得通過,既然政府撤回,地產商就投挑報李,大膽落標出高價競投地,尤其是山頂的貴價地,如果政府重新樓空置稅,可能要面對訴訟壓力,地產商會話,如果有新樓空置稅,落標就唔會如此勇猛。

  大家應該明白,重啓新樓空置稅是兩面不是人做法,政府又點會做,不過,官員一定唔會講,萬一,政府真的是重啓新樓空置稅,亦不能夠算是政府食言,因為陳局長早已明言,政府是不排除重啓新樓空置稅。

政府會不會重啓新樓空置稅
1. 可能要面對訴訟壓力
2021-04-16 12:18
唔會的, 老襯政策也是朝令夕改, 行普通法的美帝也奈佢唔何。
2. 請君入甕
2021-04-16 12:20
明日大嶼, 古洞北, 收回土地條例, 資產增值稅, 空置稅一齊推才算公平, 為了國家安全, 人民生活穩定, 不會厚此薄彼!
3. 板上釘釘
2021-04-16 13:16
同你賭乜都得, 空置稅早已經係板上釘釘既事 =]
4. 小小書僮
2021-04-16 14:41
湯博士,中央政府係決心解決香港矛盾。如果香港政府都仲唔解決問題,仲可以賴立法會唔通過?空置稅我買一定好快通過
5. 十一哥
2021-04-17 11:14
地產收入係正苦9官薪高糧準可以不斷痴肥嘅基石、冇咗人賭、就冇咗升值預期…睇下所謂剛需仲有冇咁多必需、仲養唔養得起呢個徐咗靠賭…乜都冇嘅賭場。

都係果句…正苦9官識起公屋得啦!唔好懶又要扮叻…多手多腳、由得賭仔各安天命得嘞…
6. 引刀一快
2021-04-17 22:09
十一仔係萬能插蘇,一時好友一時淡友,唔係因為傾向多元化,純粹係邏輯能力低。
7. 十一哥
2021-04-18 08:37
刀刀個個O都領略過、梗係最清楚啦!
8. 引刀一快
2021-04-18 21:41
唔使領略,亦無謂領略,個個知道你啲嘢忽忽地。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。