地產論壇
登入名稱
密碼
頁數:
茶餐廳亂話(955)贏咗錢做乜好
瀏覽人次:21754    回應:8

茶餐廳亂話(955)贏咗錢做乜好

 

湯文亮博士

紀惠集團行政總裁
2021年4月12日

  今早去到茶餐廳,有年輕客人話請我食早餐,我話無功不受祿,年輕客人話有功,食早餐根本唔夠,不過,他剛剛買了樓,要慳d使,我首先恭喜恭喜,但現在買樓,唔怕危險,年輕朋友話,買樓的錢是投資股票贏返嚟,借貸比率不高,輸多少都唔怕,原來年輕朋友在幾個月前話投資股票贏了不少,我話應該買樓,投資口訣「等忍狠」之中,等是等到夠錢買樓,贏咗錢唔買樓等於如入寶山空手回,年輕朋友當時話受教,原來不單止受教,而且仲身體力行,真的是買了樓。

  老闆湊高興,又恭喜那位年輕客人,誰不知那位客人話,在他們的族群,有不少都有投資股票,而在這幾個月陸陸續續賣股買樓,有人仲話,今次真的是博一博,單車變摩托,老實說,真的是時代變,聽人講輸股票輸到要賣樓就聽得多,贏股票買樓就很少,唔怪之得樓市天打雷劈都唔跌。

茶餐廳亂話(955)贏咗錢做乜好
1. 十一哥
2021-04-12 10:36
賭場梗有輸贏、贏得大....派彩夠香港買樓、執多少/輸得少…就北上診刀刀…

2. 十一哥
2021-04-12 11:37
全世界都呻香港樓貴…奇怪呻貴又咁多人肯制、揾勻成個地球…衹揾到呢一丁點、阿爺當頭起…貼住座正黃金頭排位、揾到數字梗係打躉落磚頭、有升有息又維皮輕、重點係承傳冇有抽水…最啱代代相傳真正恒久遠....

大灣夠平又大件…刀刀一味落降人去搣過世、冇嘢撈…剩咗多少錢種…咁又不妨更應該喎…
3. 乜春
2021-04-12 16:36
喂!呢兩年唔係買咗樓嘅笑投資股票嘅人蠢咩?原來係50步笑100步呀?哈哈哈哈哈哈哈哈
4. 乜春
2021-04-12 16:52
咁即係話投資股票好賺過買樓?哈哈哈哈哈哈哈
5. 十一哥
2021-04-12 23:40
呢兩年買樓唔係贏梗…炒股更唔係輸硬、同枱刮竹各自修行、輸贏都係靠1膽2力3有運…

6. 引刀一快
2021-04-13 07:08
楓葉十一仔,輸到發狼戾,靠把口攞威,嚟掩飾陽痿。

某兩頭蛇,買埋曬啲溢價樓,股票又放流料老點人,係唔抵得人地大灣區一路上㗎嘞,老表啲樓係上喎,你吹?咩?


批埋佢,又準備唸屎忽經咒人嘞。


7. 十一哥
2021-04-13 08:14
刀刀  8婆仔咁咀咒咒、太掛住11哥…好想11哥輸到縮返大灣日日診你哩!
8. 引刀一快
2021-04-13 11:53
楓葉十一仔,輸到發狼戾,靠把口攞威,嚟掩飾陽痿。

某兩頭蛇,買埋曬啲溢價樓,股票又放流料老點人,係唔抵得人地大灣區一路上㗎嘞,老表啲樓係上喎,你吹?咩?


批埋佢,又準備唸屎忽經咒人嘞。

應嗮!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。