地產論壇
登入名稱
密碼
頁數:
間接税將重擊樓市
瀏覽人次:19431    回應:31

間接税將重擊樓市

 

何熊輝

2021年2月27日

  新年假期過後,樓市有逐步升溫之勢,雖然二月份二手成交量因假期因素有所下跌,但價升量跌下,氣氛仍然不俗,主因是第四波疫情逐漸受控,加上防護疫苗開始接種,預期經濟反彈的心態,轉化成看好樓市的信心,就在此刻,政府又考慮將應課差餉,增加三倍,倘真的落實,收租物業的回報率將大幅下跌,並對樓價帶來負面影響。

  剛公佈的財政預算中,建議將徵收的股票印花税,由0.1%增0.13%,增幅三成,這種逆世界潮流的做法,即時令港交所股價大跌兩日,至於其長遠負面影響則難以估計。至於物業差餉,建議由全年租值的5%增至15%,其負面影響更大,對收租業主而言,差餉金額約由半個月租金,增至約1.7個月,再計及以入息報税,又少收約一個月租金,即收租成本開支約由總收入的15%升至27%。

  如此建議通過,揸物業收租,回報率有機會下跌一厘至約二厘,如收租物業是豪宅,回報率有機跌至不足一厘,除非樓價持續上升,否則持有物業收租,已難有理想的投資回報。

  最近第四波疫情趨穩定,壓抑多月的樓市,出現報復式成交,早前被壓抑近一年的購買力被釋放,造成樓市將狂升的假象,除非經濟能强力反彈,失業率急速下跌,否則三數月後,被壓抑累積的購買力被消耗後,成交量會回復正常水平。上次香港面對沙士疫情,慶幸能快速控制,加上疫後有大批自由行旅客,挽救了香港各行各業,今次疫情未完,救星未現,代理就大談爆升將至,其實這只是用心良苦安撫人心之舉。

間接税將重擊樓市
1. 發展商
2021-02-27 13:30
商業樓面及豪宅加差餉,有$人自己識找會計師幫手。
2. 大王又走貨
2021-02-27 13:58
資深投資者「磁帶大王」陳秉志沽貨意欲甚強,除售出多個舖位外,亦將持有收租多年的工廈物業出售。消息稱,由陳秉志持有的柴灣萬峰工業大廈低層全層,以6900萬元易手,勁賺6240萬元離場。
3. SYB
2021-02-27 14:02
通關?有利無工開的港人回國內生活,可以劏房變千呎大屋
4. 小角色
2021-02-27 14:14
政府每年差餉都減免一部份啦,咁係唔係支持樓價上升的原因呢?
如果增加差餉就將樓價推低,咁筆者未免將樓價升跌簡單化?
查實購買力抑壓幾耐,咁咪應該反彈幾耐囉!
5. 重擊喎
2021-02-27 14:57
加差餉又話重擊樓市,
加管理費又會重擊樓市,
一樓爆屎渠又會重擊樓市,
日本地震又震散香港樓市,
原來睇樓市升跌係咁易……
6. 向泛民说不
2021-02-27 16:23
民主病毒地方,一般经济差才会加税。泛民狗玩滥炒,最终必定系加税。
7. 向泛民说不
2021-02-27 17:48
今次疫情未完,救星未現,班漆頭連同地代就大談爆升將至,其實就是催谷生意氹人買樓租樓良的吸血鬼。
8. 佩服
2021-02-27 18:18
股市跌和外圍跌大關係吧、與加0.03%關係?佩服佩服!
9. 元朗灣區人
2021-02-27 18:42
加印花税打爆股市,
加差餉打爆樓市,
重擊股市樓市,
原來打爆股市樓市升跌係咁易…
10. 大主角
2021-02-28 09:01
政府一年多前放寬按保上限後,曾紅極一時的納米樓,投資前景備受睇淡,尤其近年多個以癲價開售的納米盤,身價大不如前。盤點近年最受注目的10個癲價納米樓,全部「估價不足」如接火棒。最誇張是西營盤瑧蓺一個221呎單位,業主兩年前以逾千萬買入,但銀行估價低見750萬元,賬面跌近3成。「林鄭Plan」推出後,納米樓需求大減,未來樓價將跑輸大市。
11. 舒永精
2021-02-28 10:22
西營盤樓,四面被樓包圍,草都無條(無景,空間、空氣差,都賣4萬蚊呎?賣嘅搵9笨7,買嘅On9兼夾傻!
12. 發展商
2021-02-28 11:36
11 樓,之前有好多中環人,中國學生讀HKU租中西區新樓。好好租,好價$。
16. 舒永精
2021-02-28 12:16
呀x先生用八球買一房單位、認為樓市前景非常樂觀!講🉐️👏👏!下次有新盤會再用你,記得去後台攞埋出台費千元利是及飯盒至走啦🤣🤣
17. 向引刀‧土著‧自醉‧浪子說不
2021-02-28 21:23

2020年版 你一直不買樓的理由

·3 分鐘文章
.
.

幾年前,一篇「你一直不買樓的理由」的諷刺文章於業界瘋傳,本欄亦有為大家報道。

殊不知,原來最近又有新「理由」,以下是綜合的最新版本:

你一直不買樓的理由

2003: 沙士,明天都唔知會唔會死,唔買住

2004: 有自由行,但好驚沙士再來,唔買住

2005: 美國加息,供樓負擔大咗,好快跌番沙士價,又唔買住

2006: 150萬樓仔又細又舊又冇會所,再升阻力好大,一定會跌番落去,唔買住

2007: 今年睇樓市大跌,抄下股票先,大手入了中資股,中壽、中交建,樓唔買住,租住等跌

2008: 美國金融海潚,好快跌回沙士價,美國雖然減息,但啲股票做晒蟹貨,睇定啲,銀行又唔借錢,唔買住,總之本多終勝

2009: 美國QE1,公司生意好差隨時失業,特首仲叫人去大西北買4000一呎樓,無能政府,等跌唔買住

2010: 美國QE2,政府打擊樓市炒家推行SSD﹗樓價就升到97價,根據經驗樓市好快爆煲,陳德霖、曾俊華話息口只會上升,零息係冇得再減,信佢哋唔買住

2011: 樓價又升唔再追,政府一定再打爆樓市,陳德霖、曾俊華話美國好快加番息,一定無QE3,政府起置安心,很多人賣自住轉租等大跌,一齊唔買住

2012: 支持梁振英做特首,1%土地住100萬人,美國QE3、QE4月月印850億都冇用,最少跌3成,都係唔買住

2013: 政府再加辣打擊樓市,陳德霖、曾俊華話香港可自行加息,收緊咗按揭,日本歐洲無限QE都冇用,樓價就快大跌,唔買住

2014: 美國月月減債退市,而加息期就快到,伊波拉殺到來,佔中業主一定大劈價3成4成,香港玩完,業主雖然暑假大幅加租2成,忍住先,反正就大跌,年尾又有2000間居屋平售,歐日QE都冇用,唔買住

2015: 專家話細價樓就快爆煲,等緊政府加辣,美國就快加息,潛在新供應7萬3千個,跌5成不是夢,唔買住

2016: 終於加息四分一厘了,供樓負擔太重,又加3厘壓測,都係等跌7成8成,唔買住

2017: 供應開始多了,美國又加息四分一厘,樓價必然下跌,等跌9成,要買都買日本樓,香港樓不了

2018: 年紀開始大就到4張嘢,銀行借唔到還款期三十年咁長,個市又乾升,要跌多啲先得,又唔買住

2019: 香港無希望,好驚2047年無50年不變,不如兩公婆齊齊唔做嘢,排公屋等上樓,派到新公屋就發達,唔想做樓奴,又唔買住

2020: 新冠肺炎樓市有排跌,隨時返去沙士價,加上國安法殺到,美國準備取消香港獨立關稅區地位,唔洗講,香港世界末日,啲樓跌到阿媽都唔認得,千萬不要接火棒

2021: ...

2022: ...

2023: ...

2024: ...

2025: …

2032: 「明日大嶼」第一批入伙,市場太多供應,都係繼續租

2047: 周身病痛,行都行唔到,人都就死,下一世先諗買樓,都係唔買住。

18. 輝粉
2021-03-01 00:44
好有道理:
"間接税將重擊樓市"
19. 大鄉里
2021-03-01 10:59
物業加差餉後,又租管,又增值税,陸續有來,皆因庫房缺水,就向業主開刀。
20. 大鄉里
2021-03-01 15:47
樓上A货,殺雞取卵,阻碍投資保值的事情,必滅去市場一半活性,最後政府會減少收入,只能削福利削人工削投資。
人人自住成風,投資屬性失去,市場人為破壞,賣樓等排廉租公屋,是為向下流食呀公。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。