地產論壇
登入名稱
密碼
頁數:
我也講「木蘭」
瀏覽人次:19103    回應:21

我也講「木蘭」

 

湯文亮博士

紀惠集團行政總裁
2020年9月11日

  有老友問我有冇讀過「木蘭辭」,當然有,而且在我工作之後,就算現在也不例外,當我接到重要任務,就會重寫一次「木蘭辭」,當寫到「萬里赴戎機,關山渡若飛」,就會感覺很興奮,很有代入感。

  老友話乜原來花木蘭不是漢族人,老友咁講我有多少奇怪, 木蘭辭中有講「昨夜見軍帖,可汗大點兵」,可汗即是阿Khan ,現在响深水埗大叫阿Khan,一定會有很多巴基斯坦人回應,不過,千祈唔好讀可汗,要讀「克」汗。

  老友又問,花木蘭故事怎樣出現,大家應該知道唐詩,宋詞,元曲,但未必知道明朝是雜劇,清朝是散文,木蘭辭其實是明朝雜劇中一個劇本,女主角本叫木蘭,賜姓花,就算現在,任何導演都可以將木蘭辭拍成一套戲劇或者電影。

  老友又問,既然花木蘭不是漢族人,點解又會變成漢族人英雌,老友這條問題不容易回答,甚至很多人不認同我的答案,所以,我只能話以分析角度來解釋,一向以來,大家都會話漢滿蒙回藏是中國五個大族,其實並不全對,當中只有滿州族,蒙古族,西藏族,漢族並不是族,而是一種文化,或者可以話生活於黃河,長江流域一帶的人統稱漢族,嚴格來說,漢族從未統治過中國,歴代所有帝皇都帶有外族血統,不過,大多數統治者以漢族人自居,而且改了一個漢人姓氏,久而久之,就全部變成漢人,就好似花木蘭,木蘭本來是鮮卑的一個姓氏,在明代雜劇中變成一個名字,加姓花,而鮮卑族早已溶入了中華民族,自動成為漢族,花木蘭成為漢族英雌是可以說得通。

  至於回族,其實並不是一個族,而是一個教派,現在叫伊斯蘭教,信奉伊斯蘭教的人叫穆斯林,在中國有不少人信奉伊斯蘭教,相傳下西洋的鄭和也是穆斯林,其中一次下西洋的目的是去聖城麥加,由於人數太多,亦被列為中國的五大族。

我也講「木蘭」
1. 漢族並不是族,而是一種文化
2020-09-11 10:09
其實美帝也是一個大雜燴, 文化的根無從說起, 原住民被殺得七零八落, 然後白人便居其上。 
2. 引刀一快
2020-09-11 10:13
相傳鄭和就係金庸武俠世界第一高手。
3. 相傳鄭和
2020-09-11 10:24
鄭和先過哥倫布登陸美洲的。
4. 向泛民说不
2020-09-11 10:46
3楼,可惜中国人只喜欢做农民,吾喜欢做海盗和打劫,还有当不同人也视为一样的人,不像十字狗,当非十字狗的视为异教徒,可以直接射杀,或者捉来做奴隶,结果是郑和下西洋,成本太高,最终都系叫停,反观十字狗,却可以赚大钱,继续发展,推动工业和科技发展。不过却满手鲜血。
5. 鳥5
2020-09-11 12:43
漢族系指一種。。。文化(非姓氏為主体)!好。。。非常好既一種傳譯。。好!小弟想再補充DD。花木蘭之所已流傳於华夏文化!其忠一個因素。。。孝!孔子儒系文化!之於女權,以弱制強。。5係主調!
6. 鳥5
2020-09-11 12:59
儒系:百行以孝為先,萬惡以淫為首!基礎概念同西方有5同!社會系統有5同!最後講係大同世界,天下為公!所有種族,宗教。融於內非排於外!
7. 向泛民说不
2020-09-11 14:23
6楼,中华文化以教化为主,其实十字教,伊斯兰教能接受中华文化,也是中国人,只是一神教排它性太高。喜欢玩不是你死,便是我亡。
8. 基礎概念同西方有5同
2020-09-11 14:39
漢、儒、道, 是生活態度, 思想, 模式, 與自然的契合, 非神非主, 無神無主。
9. 十郎
2020-09-11 16:05
  

      花木蘭固然不是漢族 , 但是她何時、被何人歸為漢族? 此話是從何說起 ? 我認為漢族並無揩油之嫌疑。

      鄭和祖籍是阿拉伯移民 , 阿拉伯人每年乘季侯風 , 來回東方經商兩次 , 他們上岸地點是福建泉州 (泉州很西化 , 我書友父母八十年前結婚已經著婚紗), 然後有聚居於南京同洛陽 , 現在泉州、南京都有許多阿拉伯墓。鄭和當然木C林 , 阿拉伯人因為經商 , 所以航海技術了得 , 或者更懂阿拉伯語 ,  出海最佳人選。我們現在認識的阿拉伯數字 , 其實有誤 , 它們原本是發明於印度 , 阿拉伯人經商而帶回去, 歐洲人侵略阿拉伯後又帶去歐洲, 所以誤以為發源於阿拉伯。



10. 金庸小説
2020-09-11 16:35
博士博覧群書,佩服。
11. 鳥5
2020-09-11 20:40
所以我話而家D人玩奇視!自己衰好La!5好賴祖先!哈哈。。女性平權,種族歧視,宗教歧視。。。自己衰!5好賴祖先!哈哈哈哈。唐朝男女好open㗎!文化輸出強過今日美國!明朝就國力最強!GDP佔地球26%
12. 鳥5
2020-09-11 20:43
漢朝就係農業生產力最勁!記得就係一個農夫可以生產2佰幾人粮食!不過而家係美国..1:750
13. 引刀一快
2020-09-11 23:05
鳥5兄

產糧最關鍵係地域水土,一個人以人手產250人糧食,好可能就係北方散種為主,南方精緻耕作,就算一年三造米,,以雜交水稻計,畝產約1500斤,三造4500斤,一個人要管20畝田。但係,古代冇咁高產嘅水稻,要乘大兩三倍,攰死。
西北嘅蕎麥可能會得,播種之後咩都唔使做,天水灌溉,一年淨係秋收忙,管300-400畝,到時到候揾人幫手收就得嘞。
14. 鳥5
2020-09-12 01:24
刀兄,美国可以1:750主因係科技,基因技術!所以成日迫他国開農業市塲Law!因為佢係全球最具競爭力農產品!不過亞爺都5洗驚!因為農業大国全球周地都係!巴西,俄羅斯,阿根廷,澳洲。全部都係要幾多有幾多!就算中國自給自足都5洗餓死人已而家技術!不過要個個清淡DLaw!冇需啫!而家食小D豬肉都鬼殺咁嘈啦!
15. 鳥5
2020-09-12 01:24
刀兄,美国可以1:750主因係科技,基因技術!所以成日迫他国開農業市塲Law!因為佢係全球最具競爭力農產品!不過亞爺都5洗驚!因為農業大国全球周地都係!巴西,俄羅斯,阿根廷,澳洲。全部都係要幾多有幾多!就算中國自給自足都5洗餓死人已而家技術!不過要個個清淡DLaw!冇需啫!而家食小D豬肉都鬼殺咁嘈啦!
16. 鳥5
2020-09-12 01:33
我記得大陸公布好似有能力到1:350。。但係太現代化會產生另一個問題!人力資源生產力過剩!(農民失業)!亞爺5走美國路線(資本極端)。。如果返鄉下冇嘢做!好似美國咁!民工經濟唔好滯留城市就有治安問題!諗下
17. 鳥5
2020-09-12 01:49
刀兄,上年你話好驚广洲民工周亍訓冇工開呀!我話叫你5洗驚!朱鎔基年代試過一次!全國大型下崗!幾個月後佢地會自然地返鄉下!美國而家5得!中國得!咁你而家明亞爺成9日補貼農民!稳住國家!亞爺係國家資本主義!但果底係社會主義
18. 引刀一快
2020-09-13 16:46
鳥5兄

呢鋪肺炎,越鄉下影響越低,最攞命就係一線城市。
1:350,係咪淨係講主食,取樣地點大平原?如果係一般鄉村雜耕,1:30都好厲害。
近年好多公司批量同農民租地,合併農場,呢類中型生產規模嘅農場,出品比較差,有量無質,唔支持。
今次疫情,的確,瞓街情況比預期少,謝天謝地,希望中國千祁唔好餓死人,係時候要普及對食物珍惜嘅態度。

19. 向泛民说不
2020-09-13 19:55
引刀,有诅咒啦。大陆三月份基本上抗疫成功啦,现在可以输出抗疫产品赚钱。点会饿死人,你都系担心港能,仲抗拒开关。大佬,香港不是有几多时间可以玩内循环,吾开关,迟早出事。
20. 引刀一快
2020-09-14 02:42
向飯哥,又俾尊貴向飯哥嘅金睛火眼睇穿我嘅邪惡詭計,惡意詛咒人。雖然,連我自己都唔知詛咒咗邊個,不過我真係覺得你好叻囉。
原來我仲抗拒開關㖭呀?真係多謝向飯哥提醒,如果唔係全世界都冇人知道我抗拒開關,果不其然,振聾發聵呀!


頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。