地產論壇
登入名稱
密碼
頁數:
只有傻人才會在美國投資
瀏覽人次:8748    回應:18
只有傻人才會在美國投資
 
湯文亮博士
紀惠集團行政總裁
2020年7月25日

  有老友話睇到我的文章後替我擔心,希望我冇資產在美國,否則隨時會被美國凍結。我話有,不過亦不用驚。如果連我的資產都凍結,美國已經是極權國家。據我認識的美國並不是,而且美國人崇尚言論自由。如果我的文章阿諛奉承,美國人反而睇我唔起。不過話說回頭,香港人的政治智慧的確不高。林鄭話冇資產在美國,亦不響往美國,所以不怕制裁。我會話我有資產在美國,亦非常響往美國,但亦要實話實說,就算制裁都冇辦法。

  友人話即是可以在美國買樓或者投資。我冇講過,現在風頭火勢,只有傻人才會投資在美國。有此打算都要等多幾個月,如果特朗普連任就要慎重考慮,拜登上場就要睇民主黨有冇改變特朗普反華政策。老實說,君子不立危牆之下。現在莫講美國,就算在香港都要忍下手,留多些少現金傍身,瞓都瞓得安樂。

只有傻人才會在美國投資
1. 老施投資
2020-07-25 13:02
施永青年多前在女兒主導下,在美國投資一億多元買入一個學生宿舍收租,施生最近的言論對美國非常不客氣,佢會否被制裁,大家好快知
2. 引刀一快
2020-07-25 14:11
依家最合適嘅境外投資,一定係大灣區,快快去睇樓。
3. Hongkong People
2020-07-25 14:38
我曾經係一個儍人,在美國投資買樓; 好彩上年突然覺得美國唔多得,幾輪QE,D樓價都唔多得,到縮表時候了,應該唔會有運行,於是 la la 聲賣咗佢,好彩賣咗,唔係而家都有D愁.

去美國買樓,不論咩時候買都係儍,因為running cost 太高,美國人又太窮,接倒髙價貨嘅人又太少, 唔會賺得多!前幾年有機賺得多嘅地方,全部係老表喜歡投資嘅地方,而家中美關係,我相信老表都唔會有興趣投資美國.唔掟貨就唔錯了! 
4. gklj
2020-07-25 15:30
蓬侵,蓬侵,蓬侵侵,蓬蓬侵,跳老舞。

蓬:We lie, we cheat, we steal .
侵侵:復工,復工。出兵鎮壓示威。疫情?Don't ask me, ask China.凍結資產。



5. 深圳牛刀
2020-07-25 17:14
深圳將會是未來地球(又人話係宇宙)經濟中心,住宅樓價仍然有好大空間上升。光明區依家尺價只有7萬一平方米,仍然有大把水位升。南山區尺價十年內更一定追過香港中半山,話曬南山大把年收入過千萬的IT人材。一間騰訊已經有大把億萬身家的打工皇帝。

十年後深圳經濟規模等於兩個香港,當年的深圳墟,已经成為地球中心,而深圳河另一邊的港燦們却在沉迷玩時代文革,真是風水輪流轉也。

6. 好消息
2020-07-25 17:32
其實老施也很希望美国充公老施在美國的物業,以示制裁。因為咁會嚇怕所有中國人,令大家以後冇人咁在美國英國加拿大及澳洲等五眼國家置業,資金寧可流入香港及大陸置業,長期計利好中原業務。區區一億美金,对於老施碎料啦。

五眼以排華式手法任意制栽中國商家,利好香港投資環境,因為君子不立危牆,取消引渡條約,反而令香港變得安全。




7. Hongkong People
2020-07-25 19:08
樓上,

同意,第一波升勢已反映係內地一線城市,到疫情穩定,中港通關後,香港有排升!
8. lol
2020-07-25 20:09
國內水災過後,又產生一批移居高地客,底地冇運行了。

9. 十一哥
2020-07-25 21:31
唔洗擔心、香港係中國嘅、阿爺點會因為班漢奸玩嘢…而冷漠香港、香港…深圳…衹會相輔相成…相互輝映。

10. 引刀一快
2020-07-26 00:08
幼稚。
11. 回六樓雷鋒同志
2020-07-26 10:46
美国制裁是全球性的,施永青倘被制裁,除美国物業外,所有西方銀行都不可與中原地產做生意,所有人也不可與中原有任何交易,否則就好似華為太子女甘,因涉嫌與伊朗交易,在海外也被扣留,做大外宣真的要有犧牲精神,希望老施大步跨過
12. 居無竹
2020-07-26 12:38
樓上,
如果人人乖乖配合,美國當然厲害。
不過,制一兩個,可能冇乜反抗。
制多幾個,大把方法同佢一拍兩散。

13. 十一哥
2020-07-26 13:43
刀刀  咪就係…幼稚嘅就賴咗喺香港嘻嘻哈哈!老C foot咁懶叻嘅…就要縮番大灣打更、有天理咩 ?

14. 海南人
2020-07-26 16:39
看388升成甘,就知道香港金融中心不可或替!

就算係短期內!
15. 回11樓黃絲同志
2020-07-26 16:53
冇美國制裁,歐盟同俄羅斯不會開發不受美國控制的外匯結算平台。美國去全球化,全球也在去美國化及去美元化。美國玩不死中原的。
16. 大力支持
2020-07-27 09:53
大力支持施永青藍店中原地產
17. Hongkong People
2020-07-27 11:42
11 樓同志,

如果美國玩串D,香港唯有放棄做美元結算(而家香港係美元第三大結算市場),唔SWIFT美元結算, 轉投歐元INSTEX結算,加速去美元化囉!去美元化都係趨勢,只要中國仍然強大,香港陣痛一輪,又來一個火鳳凰重生!誰怕誰!
19. 引刀一快
2020-07-28 03:47
一個兩字詞,一劍封喉。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。