地產論壇
登入名稱
密碼
頁數:
抗疫失敗的原因
瀏覽人次:10260    回應:19
抗疫失敗的原因
 
湯文亮博士
紀惠集團行政總裁
2020年7月24日

  近日新冠肺炎確診數字大幅增加,有人認為黃營搞遊行,搞初選,亦有人話藍營人士搞慶回歸。我認為最大原因不是黃藍人士,而是政府未能做好抗疫工作,當確診歸零便沾沾自喜,根本將防疫工作拋諸腦後。現在每日確診過百,那些專家立刻提倡禁足令,大家唔好出街,一齊叫外賣,確診數字一定會大幅降低。這個方法並不是行不通,但絕對不科學。封關禁足一定可以將確診數字降低,但不能夠永遠執行。科學家應該知道,新冠病毒的適應能力是很強,天熱天冷,全世界東南西北都可以生存。如果政府推行禁足令,病毒亦同時間蟄伏,禁足令完畢病毒又會再度活躍,唔通又再禁足。所以,抗疫不是避疫,禁足即是避疫。如果政府以抗疫為口號,就應該與病毒直接對抗,而非逃避病毒。

  當新冠肺炎開始時,我寫過抗疫四部曲,就是圍、堵、追、尋。圍的意思是將香港包圍,將流動人口人數減到最低。在這方面政府亦做得唔錯,但亦降低了政府以及香港人警覺性,在其他三部曲就做得不太好。堵的意思當然是堵截,本來亦做得唔錯,但每日超過十萬人無需檢疫便可以進入香港。雖然那些人的進出的目的是令到香港繼續運作,但亦有可能是今次確診大爆發的主要原因。現在政府已經作出補救,算是雖遲未晚,大家千祈唔好鬧政府。

  追當然是追蹤,在疫情開始時,我每一次聚會都會影一幅大合照。當時我仲話,如果當中有人確診,醫務衛生署有跡可尋,這個習慣我們仍然繼續。近日新冠病毒作第三波爆發,每日確診百人左右。這點絕不奇怪,而是每日有三四十個確診源頭不明,用超級電腦都追蹤唔到。其實可以用一個簡單方法,就是任何人進入食肆或者商舖購物時,必須填上姓名以及聯絡電話或者方法。以我每日去慣的茶餐廳為例,隨了熟客,生客一定要填上須要的資料,煩的確是煩一些,但好處是易於追蹤。用這個方法,政府甚至可以放寬限聚令。

  尋當然是尋找,政府在這方面完全沒有做任何事。香港曾經有一段時間是零確診,政府應該把握機會作大規模檢測,將帶有新冠抗體的人找出來。即使每人要用700元,50億元便可以將全香港人檢測。其實不是太貴,亦非常值得花的錢。

  有老友話我寫得太長,睇唔到政府抗疫失敗原因。其實,政府並沒有抗疫,只是避疫,這就是失敗原因。

抗疫失敗的原因
1. 最大原因不是黃藍人士
2020-07-24 11:09
黃仔想去街, 藍仔想賺錢, 一拍即合, 最大原因不是黃也不是藍 是黃加藍。
2. 即使每人要用700元
2020-07-24 11:10
至於鄉講醫療霸權嘅老問題, 唔使問石堅都知係蔡堅。
3. 十一哥
2020-07-24 11:23
呢單疫症…阿爺蘇咗實力、美癈就露咗底牌。

雀仔  就算而家先揸金…都未算遲、條傻侵真係焗到發茅、仲有幾個月…冇得連任就手尾長、好彩對手太老弱…仲有得望、一味想谷阿爺發惡…最好郁手整到美癈痛痛地、咁佢就座定笠6冧庒、阿爺就睇得好通…一味灑花槍、始終自己打得…就唔怕人地嚟真。
4.
2020-07-24 11:25
欧洲廢水河找到病毒,提示亦要注意预防,帶病毒排泄物,污染生態環境的問題。


5. 十一哥
2020-07-24 11:38
金..揸沽..各安天命 ! 唔覺意又多咀講揸沽。



6. 鳥5
2020-07-24 12:20
十一哥,金睇7000..以美債計算規模!,圖係咁!你講嗰啲大家明!2500只反應正常100年前購買力!未計貨幣戰!不過太早提!離題畀人小!在黑色目以待!自己計自己數!大家明!!
7. 鳥5
2020-07-24 12:25
不過!如果過七千!咁猶太佬落注賭大國熱戰!最快三至五年,不過機會唔大!思路以人類歷史行為計!
8. 唔覺意又多咀講揸沽
2020-07-24 12:40
為己為人,為人為己,大家做好自己
9. 自醉
2020-07-24 13:19
可能日頭搞遊行,夜晚慶回歸係同一班人呢! 哈哈哈!
11. 政府抗疫其實做得唔錯
2020-07-24 15:11
最大問題在地產商身上, 起太多納米樓, 亦起太多劏房, 再加上一梯十幾伙, 結果就搞到疫情一發不可收拾.
12. j
2020-07-24 15:57
真係便秘都關地產商事,哈哈。
應該關父母事,唔出世就乜事都冇。
13. 鳥5
2020-07-24 20:47
12F,哈哈....
14. SYB
2020-07-24 20:53
全民每個星期驗一次?
15. 鳥5
2020-07-24 21:14
阿爺試下搵匯豐食死貓,睇下華為甩唔甩到身!美國佬罰下匯豐!加拿大有落台階!條橋都高!!!
16. 鳥5
2020-07-24 21:16
內地官媒斥滙豐捏造罪證陷害孟晚舟  行為極不光彩

https://hk.on.cc/hk/bkn/cnt/news/20200724/bkn-20200724182905852-0724_00822_001.html

更多勁爆猛料,請下載《東網》APP:
http://bit.ly/2w9ebqD
17. 鳥5
2020-07-24 21:19
轉頭又可以放返兩個加拿大人質!龍蝦又可以幫手入口!條片唔錯!匯豐又唔敢玩嘢!全部公務員出糧戶口轉去中銀!匯豐頭都痕發展有著數!死貓食得過!
18. 鳥5
2020-07-24 21:23
如果匯豐肯非常積極食死貓!有啲機會!
19. CH chan
2020-07-25 07:34
我說香港政府抗疫不力有以一印證
你們知道為什麼在香港做新冠病毒測試要二千多,根據我個人體驗在大陸做只需77元人民幣 ?
第一,在大陸抽樣就要在一個空曠大球場,在香港要在負壓病房?有需要在負壓病房?
第二,在香港是用德國進口試劑,不能用國產的嗎?
第三,在香港我在私家醫院做之前,要護士量體溫及血壓,再等見醫生聽肺,之後再安排抽樣,整個個程又醫生又護,所以需要4至5小時,在大陸,一個醫學助理拿一支棉花棒在口腔喉嚨撩幾下搞掂,全流程不需兩分鐘!
所以政府有沒有派人了解為什麼??為什麼取樣還要看醫生先?醫生護士人工多少,大家心裏有數?看看外國怎樣取樣的,這樣取樣又慢又沒有效率,居然是香港,怪不得這樣低的測試量!
一直沒有檢視流程,成本結構等應對,不去了解,一味相信私家醫院讓他們去開天價賺市民血汗錢。
為什麼不能培訓一些政府或自願人仕在香港不同地區取樣,在喉嚨撩幾下應該一個助理都識喇!再送到內地查測,相信又快又平,特衰政府又固步自封,不懂學習就是特衰政府抗疫失敗的鐵証!

20. CH chan
2020-07-25 12:14
其實要抗疫沒有疫苗底下離不開以下動作
堵塞一>消毒一>檢測->隔離
-堵塞海員及機組人員在港等結果前可活動的漏洞甚至暫停豁免
-消毒所有確診人士到過的室內場所
-全民檢測,動用所有可用政府或私人機構合作人員甚至招聘額外人員去收集高 危地區居民樣本,利用中央檢測的能力,相信可短時間得到大量結果
-徵用全港酒店,渡假村及所有現有可行地方,甚至用貨櫃短時間在離島或偏遠地區建成更多隔離的地方
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。