地產論壇
登入名稱
密碼
頁數:
取消引渡協議會令香港成為世界金融中心
瀏覽人次:9398    回應:8
取消引渡協議會令香港成為世界金融中心
 
湯文亮博士
紀惠集團行政總裁
2020年7月23日

  我相信全世界有很多城市都希望成為世界金融中心,紐約倫敦唔在講,巴黎東京新加坡亦希望得此榮耀,而香港自己知自己事。在社運以及在疫情下,就算可以保住紐倫港這個位置已經是萬幸,不敢太苛求。不過世事有很難講,英國唔知點解會脫歐,令到倫敦成為世界金融中心機會等於零。紐約基本上已經是世界金融中心,但最近有調查指出不少金融界精英打算搬離紐約,世界金融中心位置就有懸念。香港會不會冷手執個熱煎堆,成為世界金融中心?我認為一切隨緣,不過隨緣還隨緣,香港現在的確有機會。

  有老友問點解咁多金融界精英打算離開紐約,是否關於疫情。紐約市現在每日確診700,美國有些州份過萬,所以絕對與疫情無關。而最大問題是美國政府權力無限大,隨時可以制裁任何機構,凍結某些美國或者外國人資產,令到冇人夠膽投資在美國,甚至連美資投行都唔敢。但除了中國,全世界都在美國掌控範圍,去哪裡都冇用,現在根本不少美資金融機構食緊穀種。

  正當大家閉翳的時候,美國突然間因為中英聯合聲明要制裁香港。首先是五眼聯盟取消港美引渡協議,英國加拿大澳洲義不容辭,立刻取消與香港的引渡協議。如果美國也落實取消,在香港做金融投資就不怕美國制裁,不會被凍結資產,香港成為世界金融中心就指日可待。但美國佬亦唔蠢,知道落實取消引渡協議,香港就會超越紐約,所以遲遲不肯公佈。我估計美國是不會取消引渡協議,但如果唔取消,英加澳幾隻爛頭卒就慘了。不過,人不為己,天誅地滅。英加澳要怪都只能怪自己學藝未精,不能怪美國佬。

取消引渡協議會令香港成為世界金融中心
1. 自醉
2020-07-23 11:52
可笑! 不如你去問下香港啲國際銀行敢唔敢做被制裁人士生意先啦! 哈哈哈!
2. 醉未醒
2020-07-23 12:00
唔取消又驚在美紅色黑金黑人被人引渡,雞飛狗走,只能拔點毛,話曬都已是口中肥肉。


3. 元朗灣區人
2020-07-24 08:47
自醉,
當有人質係綁匪手上,梗係唔敢啦。
4. 十一哥
2020-07-24 11:01
醉婆   咁咪好囉、綁匪橫行、焗D馬騮返屋企…home sweet home、阿爺座定定裝水。
5. 自醉
2020-07-24 13:14
衰十一

阿爺梗係大把水啦! 多水到有啲頭痛,乜你唔知咩? 
6. 引刀一快
2020-07-25 11:34
自我陶醉兄

人家中意吹到天花龍鳳,你就咪窒佢喇,十一仔呼籲香港人唔使捐錢咁解啫。
呢鋪水淹七軍,咋唔知咪算囉。
7. 自醉
2020-07-25 12:32
引刀兄

又俾你篤爆佢,哈哈哈!

如果有人發起救災,我一定會支持,盼望中。
8. 引刀一快
2020-07-25 13:34
我都一定支持,從來愛國愛同胞唔係靠把口。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。