地產論壇
登入名稱
密碼
頁數:
沒有著褲的業主
瀏覽人次:9346    回應:29
沒有著褲的業主
 
湯文亮博士
紀惠集團行政總裁
2020年7月21日

  因疫情嚴重,要做一些應變措施。星期一早上回到公司之後,立刻同有關員工講分班制,有部份員工可以在家工作,其他亦希望以點到點,即是由家裡到公司。公司到家裡,午餐可以自己攜帶或者叫外賣,可以用公司會議室食飯。還有,與客戶會面則改為電話或者網上商談。最後,在公司要戴口罩。

  有老友話我仲咁有閒情逸緻,現在還可以安排公司防疫,不少財技高手很頭痛,點解我唔頭痛?老實說,我並不是不頭痛,但好彩我不是財技高手,唔識借錢,所以冇咁頭痛。如果疫情仲要延續一段長時間,全香港人都頭痛。不過可以肯定講一句,疫情一定會延續一段長時間。

  今次疫情,都唔知道要延續幾耐。如果在一年後回復正常,我認為已經是萬幸,但這一年就很難捱,尤其是財技愈叻的人愈頭痛,財技叻代表他們懂得怎借錢,而不是可以用低息借錢。其實叻的人不是他們,而是借錢給他們的人,有物業或者其他資產做抵押,怕什麼借錢畀人?輸都是輸那些識得借錢的人,經濟環境好,資產價格不斷上升,不少人都睇唔到風險,尤其是那些識得借錢的人,他們會覺得唔借就笨,就算俾高息都是值得。但社運與疫情令經濟轉壞,有人話情況就好比水退,誰沒有著褲很快就會知道。其實,並不需要水退就知道誰没有著褲,那些被公認是財技高手大多數都沒有著褲。

  老實說,現在並不是沒有租客。我們分别在甲廈,商舖以及豪宅都入了一些新租客,租金亦唔錯。我問他們點解會揀我們?答案很實在,就是我們有著褲。現在的租客隨了考慮地點以及租金之外,亦會考慮業主的實力。如果實力不足,物業隨時會被銀主沒收,續租時多數會被銀主踼走。所以,現在租樓的人都會揀一些有實力業主,知道他們有著褲,就算水退都唔驚。

沒有著褲的業主
1. 鳥5
2020-07-21 11:33
上年我同人講!下年將會係cash is king!D人話QE..我被人小。買金又話Old School..轉頭又話烏鴉口!唉!!!未上車千祈唔好上車!過埋下年!你要上車我就真係唔阻你啦!
2. 鳥5
2020-07-21 11:40
今日高興!沉冤得雪!再開盤!今年金價穿2500..美涯下年失穿35%。香港樓市。今年新低明年新高!自己諗!
3. 鳥5
2020-07-21 11:41
更正:係下年黃金穿2500
4. 十郎
2020-07-21 12:18


      冇着泳褲。

5. 十郎
2020-07-21 12:23


      5哥--------白銀由3月27號到今日 , 升左55% 。

6. lol
2020-07-21 12:35
水退雖然有人得條海草遮住何B仔,不過都有好多人猛咁崛蜆,捉蟹、冲浪,幾咁開心,仲有D比堅尼 fit 到漏,睇到岸上一件頭加水泡口擘擘。

7. 自醉
2020-07-21 12:42
今次死得最金就係自以為好醒,計到盡槓桿和現金流的“專家”。

投資有時真係人算不如天算,平息都唔代表一定賺梗,咪以為有錢唔借就好笨。

8. 元朗灣區人
2020-07-21 14:01
應該咁講,泛暴派是

!!裸體狂
9. 鳥5
2020-07-21 14:34
十哥,白銀小弟5識睇!見諒!
10. 向泛民说不
2020-07-21 18:20
其實叻的人不是他們,而是借錢給他們的人,老美当然叻啦,无限QE借钱比香港人,打劫香港穷L黄L,救美国股市。

自醉,你就发啦,记得你买唔小美股。
11. 港交所又破頂
2020-07-21 18:52
日日夜夜話香港走資,資金極速流出香港。结果走到388快升穿$400大關。搞笑。

香港資金流失的最大得益者系亞洲金融中心新加坡,新交易所每日成交額只得港幣100億。新交所不如執笠好過。金融中心?笑死人😀😀😀
12. 港交所破頂
2020-07-21 18:58
資金系逐利的,不少港人話要移民新加坡,把資金轉去新加坡。以為新加坡冇國安法,以為新加坡有可以放心燒警局。美麗的誤會。
13. 鳥5
2020-07-21 19:37
十哥,出年美國超通定通宿螺旋!還是冰火先好夾擊!小弟未有定案!
14. 鳥5
2020-07-21 19:44
亞爺而家做出年貨幣戰準備!
15. 十郎
2020-07-21 21:44


      5哥--------美國印左一萬億 , 現在研究緊再印一萬億 , 加埋高關稅 , 樣樣跡象都係高通。

      外媒講左美金兩年內貶值35% , 推薦黃金衝2500一安士 , 現在是1830/安士, 好接近歷史高位1900/安士。你啱 , 係時候買貴金屬(黃金同白銀 , 剛剛又升4%)。

      你烏鴉講滯漲記唔記得 ? 還有的是 , 高通之後帶埋他兄弟 , 加息一齊來 , 真係加又死 , 唔加又死。



16. 鳥5
2020-07-21 22:10
中國公民海外辦事呀!收45個percent薪俸稅!全球海外公民回国包括香港!啲樓仲有得升?
17. 鳥5
2020-07-21 23:20
今天新樓盤唧牙膏都有200單撻訂。頭六個月已經過咗去年全年!按揭貸款去到一萬五千億!未上車千祈唔好上車!賭5過!
18. 鳥5
2020-07-21 23:28
十哥!祭帳指衰退家通脹!我冇錯呀!但而家大陸係想先打爆美金超通?定係LOCK佢戰略資源先!呢個劇本取決於大陸行邊一度先?同歐盟放水程度?係咪?timing就係我哋而家大家要諗嘅嘢!劇本就定咗!边一Part上場先?同埋時間。。呢個同在哪裏只有關!亦係我最想知嘅嘢!
19. 鳥5
2020-07-21 23:32
美國加息係有可能!如果美元急跌!佢要家加息可以頂住個雞頭!但係都瓜。。。呢個就係我點解講未過可能會加息!恐慌性加息!特別係全球貨幣戰!小心呀阿爺而家做緊人民幣同美金脫鉤準備!
20. 鳥5
2020-07-22 01:09
十哥,美元跌,美加息救超通過程係通縮螺旋!不過都係要死!只係死遲D。。。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。