地產論壇
登入名稱
密碼
頁數:
香港會不會出現移民潮
瀏覽人次:15947    回應:25

香港會不會出現移民潮

 

湯文亮博士

紀惠集團行政總裁
2020年7月5日

  有老友話港區國安法推出之後,香港樓市會大冧,而大冧理由並不是國安法。事實上國安法有穩定樓市作用,樓市大冧理由是英國向290萬持有BNO護照的香港人提供5+1計劃,只要工作或者居住5年,加1年居住,就可以入藉英國,而且不設限額。隨時有290萬香港人離開,如果有樓的移民賣樓,香港樓價可能會大冧,老友的話不無道理。不過,究竟有幾多香港人會移民去英國?我相信移民當中,有不少是激烈的社運人士,英國又是否願意接收這批社運人士。不過,亦要多謝英國政府這樣慷慨。由於可以輕易移民去英國,社運人士就毋須在香港以激烈手法爭取他們的訴求,對穩定香港社會有正面作用

  現在移民的人大多數年紀稍大,以退休心態移民,去到彼邦根本唔會工作,只是得到一批長期居住的旅遊人士,對任何國家社會都沒有積極作用。如果在精壯之年移民,不但失去在香港的工作地位,甚至要從基層做起,所以我認為精壯年齡的移民不會太多。不過,在初期一定會有不少香港人申請,是否移民五年之後再作打算。

  由於移民的人在英國讀書五年,住多一年就可以申請入籍,估計未來有很多香港學生會去英國讀書的人數會大幅增加,對英國疲弱經濟起到正面作用,不過就會影響其他國家,例如加拿大、澳洲的入學人數。而且,能夠去英國讀書的學生家庭環境應該唔錯,接納他們成為英國公民亦冇壞。至於不是讀書的一批,亦可以為英國提供廉價勞工,估計其他國家很快會跟隨英國做法,而且會做得更多,同樣是5+1,其他國家可能要求只是香港永久居民便合資格。不過,老大哥美國則除外,最多維持給予香港人二等難民的身份,不過已經是很好,想做美國難民都唔係咁易。

香港會不會出現移民潮
1.
2020-07-05 13:57
1997至年23年,1997後出世,即23歲以下既,都冇BnO資格。

23歲以年年齡層是反送中既主力軍

所以英國政府搞錯要幫既對象。

2. SYB
2020-07-05 14:42
一半加籍居港人士和家屬離開,香港已解決居住問題
3. O
2020-07-05 14:55
一樓師兄,英國冇搞錯,23以下既後生其實冇咪錢。 bno持有人大多三十以上 已經有一定經濟能力的人。當然,英國都有話要埋bno持有人既家人。 英國佬冇打錯算盤。。。😒
4. 自醉
2020-07-05 16:21
1. 揸BNO去英國,落地自動簽5年,根本唔需要申請,第六年先申請入籍

2. 持BNO 18歲以下子女,亦可以一齊起,基本上,曾經持BNO港人,及他們2003後出生的子兒都合資格,97後出生的還可在英國加拿大任㨂,富貴難民邊個唔想搶? 日本都在積極加入戰團,多謝都嚟唔切。

5. 元朗灣區人
2020-07-05 18:34
黃人,黑暴千萬要下定決心,不要舉棋不定。

香港也應取消這班人的中國公民身份。

少咗百七萬癌細胞,住得闊落d,工作上位易d。想移民

!!立即變黑亦得,逐漸變黑亦得

!!得咗。
6. Fisherman
2020-07-06 08:29
人離鄉賤.
7. philip hk
2020-07-06 14:52
英國佬啲嘢好絕呀,先課稅五年,第六年冇話實批俾你居民証呀!到時又有一批人進退維谷.
8. 正氣
2020-07-06 18:44
應該支持佢地移民,最終5年后可以居留留與否,我地都都大力支持
11. 引刀一快
2020-07-10 03:44
我都唔明點解咁多人反對人地移民,移民英國又話唔俾,我叫人移民大灣區,又有人話睇唔起,咁即係香港人邊度都唔使去喇?

留學、公幹、旅行、投資、交換生,好多人講出嚟都帶點炫耀性質,點解移民就有問題?向飯成家移民美國,不知幾威,好多人移民外國仲做埋YouTube爸,大把人睇佢啲嘢。

放輕鬆啲,中港融合,香港走嘅同大陸走嘅,性質就會逐漸接近,香港人應該趁機會放眼世界,充實自己提升自己,彌補近十多年樓價對人生造成嘅壓抑、創傷,療愈之後,繼續上路。

我記得細個果時,香港有個抵壘政策,入到市區就俾身份證大陸人,當時我屋企以及好多親戚不斷寫信勸大陸親戚快快走落嚟,我地會照應,會招呼佢地,點解今日輪到香港人有移民機會就口誅筆伐呢?
12. 回11樓
2020-07-10 08:20
好多港人對移民者反感,因為有唔少移咗民的人心智失衡,心靈不健康。為咗證明自己離港是英明決定,移民者每每唱衰香港,内心極度希望香港沉淪扒街,不能忍受香港在自己離開後仍然風光,金融中心地位穩如泰山。每次睇到香港股樓狂升,佢哋就被激到嘔泡,就話系泡沫。其實輸唔起就不要離開,離開咗就不要回流,或者不要唱衰,中央下一步應該要出手處理移咗民港人的永久身份證問題。
13. 元朗灣區人
2020-07-10 09:16
引刀,
理解力有問題? 係鼓勵黃人走噃!

但走咗,就不要望返轉頭。

今次黑暴,就係班回流外國人,追求盲主字游。 

!!但他們已經是文明國人了,做乜留下咁慘的地方?
14. 自醉
2020-07-10 09:57
搞到連名都唔敢出,真可憐!哈哈哈!
15. 自醉
2020-07-10 11:41
引刀兄

做人就係咁矛盾,唔鍾意自己屋企有曱甴,有人收留哂你啲曱甴又唔高興,仲有人傻到會介意屋企啲曱甴走咗過隔離屋會唱衰自己,真係聞所未聞見所未見! 哈哈哈!
16. 向饭民说不
2020-07-10 12:59
原本移民是个人选择,但是老美为打击香港,制造恐怖,然后出现移民潮,抢香港人的资产和人才,估空香港。这是恐怖活动无分别。
17. 自醉
2020-07-10 15:09
向飯你都傻傻哋嘅!香港政策法本來就係一條侵害香港自治嘅法律,香港內部事務幾時到老美年年審視? 冇咗反而令香港更獨立自主,唔洗依賴外國勢力,呢個唔係阿爺目標嗎?

至於聯繫匯率同美元掛鈎,我一直懷疑算唔算勾結外國金融勢力。最多咪一齊轉用人民幣!以阿爺嘅實力,未驚過。

18. 向泛民说不
2020-07-10 16:52
自醉,语无伦次,今天吾记得食药?
19. 引刀一快
2020-07-11 06:00
To 12樓

講得好!

不過,移唔到民果啲人,咪一樣極度希望走咗嘅人仆街,根本就一模一樣。
我移民返大陸,都俾人日日詆毀喇,又話你匿老表褲浪底,又話你瞓廣州天橋底,俾人話就唔去,即係自己揾自己笨賊。

離開咗就不要回流”呢句就係最有問題,你係暗喻仆街就唔該死喺果邊,係咪?咁如果人地發到粑粑聲呢?到時,帶錢返嚟就叫飲水思源,唔返嚟就數典忘祖,係咪?

我離開咗香港,但係我個個月都返嚟,我就係中意兩邊走,按你講法,我咪邊度都唔使去?
20. 引刀一快
2020-07-11 06:08
To 13樓 灣元

唔好又亂扣帽子,我從來不黃不藍,講嘅嘢全部人適用。

有移民意願嘅人根本就乜人都有,你喺大陸移民香港,我喺香港移民大陸,大家都係移民人口。當初你移民嚟香港嘅時候,如果移去邊任你填的話,英美澳加填到尾都未必輪到香港,我當年除咗返大陸,真係冇乜點考慮其他地方,一心一意擁抱祖國。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。