地產論壇
登入名稱
密碼
頁數:
別人的事,可以唔講就最好唔講
瀏覽人次:17018    回應:47

別人的事,可以唔講就最好唔講

 

湯文亮博士

紀惠集團行政總裁
2020年6月24日

  昨晚有老友請食飯,菜式非常名貴,不過老友準備了一張普通菜式,仲話如果大家要出Facebook,就最好出那張平價菜單,無謂招惹閒言閒語。老友真細心,平價菜單可能為我而設。

  席間,不斷有訊息入問我關於舖王的。老實說,波叔兩父子我都認識,而且仲有多少交情,可能只是一時之間週轉不靈。不用估計,波叔一定可以搞掂,大不了賣走三兩件嘢,大家亦不用擔心。

  我雖然不賭馬,但幾喜歡睇董鏢講馬,有時會講一些人生哲理。董鏢曾經講過,自己的事,別人不喜歡聽就唔好講;別人的事,可以唔講就唔講。市場上有不少關於波叔兩父子的流言蜚語,我只想話,別人的事,可以唔講就最好唔講。

別人的事,可以唔講就最好唔講
1. 平價菜單可能為我而設
2020-06-24 11:24
鄉講人咪就係鍾意睇人難堪囉。
2. 儒來
2020-06-24 19:33
鏢叔之講馬風格甚受馬迷歡迎,個人認為暫時後無來者。
至於他的金句,也是經得起考驗。
所以小弟認為台主將波叔之一時週轉不靈這些字眼不放上文內更佳。
3. 引刀一快
2020-06-25 17:49
唔講別人嘅事,咁就講下大灣區喇。
呢排交投好旺,好多筍盤出咗嚟,等開關之後可以過去睇下。
4. 儒來
2020-06-25 21:03
引刀兄,

甚欣賞兄台對大灣區之一往無前之堅持。
下星期皇崗關口復通,人流恢復之期不遠矣!
5. 海南人
2020-06-26 00:23
其他大灣區成員和香港比,距離太大了!
6. 海南人
2020-06-26 00:26
我反而覺得通關後,好多內地人,會過來香港推高樓市!他們會買買買!
7. 引刀一快
2020-06-26 02:35
儒來兄

但願如此。


8. 儒來
2020-06-26 19:18
樓上海南君,

有冇計漏那30%買家稅+從價印花稅?
非香港居民要留意下。

9. 儒來
2020-06-26 19:21
引刀兄,

似乎大疫之發生令兄轉趨審慎。
10. 引刀一快
2020-06-26 19:37
儒來兄

謹慎是必須的,變數大增了。
11. 引刀一快
2020-06-26 19:55
海南人兄

我早就預言過會放人入香港買樓,對於買港樓非常吃力或者根本買唔起嘅人嚟講,都係應該將眼光放遠,將大灣區放入人生規劃之內。
12. 儒來
2020-06-26 20:56
引刀兄,
每隔2天便收到國內珠海手機來電推介大灣區樓,1/10香港價,小弟也曾經心動過,雖然小弟也是珠海人(孩童至及冠之年也入中山區),但想到多了一層樓在珠海,豈不是要經常上去?再想下,坐車上去雖然不用一個鐘,倒不如照常咁,短暫停一兩天探親住酒店更好啦!
去年4月我住及拱北之Hyatt 也是220人仔一晚,好抵,房間又大,又衛生,仲包早餐。
13. 引刀一快
2020-06-26 21:11
儒來兄

兄台喺香港屋企夠大,當然無需在意買大陸樓,你睇大陸屋,就好似我睇廣東沿海啲海景樓咁,租好過買。
不過,香港好多人,居住環境非常狹窄,睇電視有睇樓節目,有啲屋居然預設屋主只能有十套衫,買一套就要dump一套,喜歡玩音響就只能玩耳機,養魚唔使諗,貓狗要去咖啡廳玩,呢類人數量龐大,喺大灣區買間屋,可以大大改進生活質量,過返一個似樣嘅人生。

其實大陸有屋係不一定要經常返去,除非養咗貓狗魚仔,最緊要揀有小區管理嘅樓盤。
14. 儒來
2020-06-28 12:00
引刀兄,

您果然每個細節也了解通透,小弟有一對長者親友長居大灣碧桂園,自2月回港小住2星期之後到現在仍未能回去(怕疫),屋中之花花鳥鳥就此拜拜,真的無奈。
15. 大灣區28日生活區
2020-06-28 12:14
儒來,你叫家中的長者親友可以忘記大灣,未來幾年都不會正常通關。幾年後卽使通關,以國內的長官意志行事方式,好快又會爆更恐怖的疫情。

長遠封關,減少雙方往來,減少矛盾,對大家都好,不失為上策,香港人不會反對。當然引刀冇咗港客,開單難度自不然提高咗。陰公豬😀
16. 向泛民说不
2020-06-28 12:43
16楼,自从2月以来,好多香港人在外国的屋,都无人打理啦,这是现在疫情的问题啦。

阿gem返上海隔离14日,都开始做节目啦,用下脑啦,唔好甘低能。

不过引刀政治上系你的手足。只是唔明白他为什么成日叫人去他嘴中不文明的中国置业。只能说黄狗好多心理好变态。
17. 引刀一快
2020-06-28 12:51
儒來兄

一般呢種情況,應該速遞鎖匙讓親戚朋友幫忙照顧一下,疫情初期,國內都封城封鎮,基本上就係用呢個方法解決。

18. 儒來
2020-06-28 16:30
向泛兄,

本不打算回應閣下,因為兄台每每預備好所有劇本而監粗放小弟身上。
想問下向泛兄,一對80多之夫婦在此大疫期間,留香港抑或留國內比較安全?而子女在香港?
19. 儒來
2020-06-28 16:40
另外最重要是向泛兄開口埋口也是對人不對事,與年前之互動對答又截然不同,似另外一個向泛,所以今次之後,小弟也不會再回應你呢個向泛了。
得罪!
20. 儒來
2020-06-28 16:48
樓上17樓,

非也,若小弟年過70,確實會考慮大灣區養老,跟那一對夫婦親友一樣,小弟去大灣區每年只一兩次蒹短暫停留但自己的國內至親在廣州,順德及珠海的生活確比香港優閒。居住地方大,交通方便,市民之素質也天天進步,食品之款式更不用多說!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。