地產論壇
登入名稱
密碼
頁數:
劈價新聞是給誰人看
瀏覽人次:21249    回應:20

劈價新聞是給誰人看

 

湯文亮博士

紀惠集團行政總裁
2020年6月16日

  上星期五,中原指數在連升4個星期之後下跌0.89%。有人認為在港版國安法落實之後,賣樓移民的人增加,申請BNO的人爆棚,所以樓價下跌。我話有冇咁快,雖然英國話畀290萬BNO(海外)持有人可以延期居留,但仍然不是移民,冇可能咁快賣樓。有老友不同意我的說法,佢話近日移民劈價賣樓的消息不絕,而且有根有據。樓價的確下跌,這是不爭的事實。老友這樣說我亦無謂拗,免傷和氣,而事實上樓市很大,劈價賣樓,追價買樓的事每日都有發生,上下幅度可能有20%。記者亦是從物業代理方面得到消息,如果代理希望多一些放售樓盤,就會放一些劈價賣樓的消息,令到那些未揸定主意賣樓的人急急放售,他們便可以多做生意。其實,大家都知道這個情況,不過,迫到埋身又會忘記。

  現在社會上最熱門話題就是移民,而打算移民的人不少有物業。按以往做法,他們移民只是移居不移所,不會賣樓,搬去外國住三兩年又會回流,但今時不同往日,大家都話港版國安法令香港人失了自由,最好就是賣樓移民。不過,香港人現在寧教人分妻,不敢教人賣樓。因為分了妻冇賣樓都有機會復合,賣了樓之後就會家嘈屋閉,想唔離婚都唔得。所以,要那些打算移民的人賣樓一定要落一些催化劑,現在最好的催化劑就是發放一些劈價訊息,訊息不斷重複出現,少點定力都頂唔住要賣樓。

  當賣樓的時候業主又會發覺樓市又不是太壞,打算賣的單位不但不用減價,有時還可以加多少,如果唔賣就大件事。我見過代理當面鬧那些賣樓業主,老實說,買賣樓宇是很大件事,我不敢給任何意見,只是希望那些賣樓業主調查清楚,確定可以移民才賣樓。因為如果賣了樓而未能夠移民,我都唔知點算。還有一件事,就是不要向物業代理話會移民,否則就會給他們?到唔得甩身,?什麼,當然叫那些打算移民的人賣樓。

劈價新聞是給誰人看
1. 買賣物業
2020-06-16 09:47
買賣物業,登報紙,睇報紙,免卻煩雜噪音。
2. 元朗真香港人
2020-06-16 09:54
狗頭鍘的作用,最好趕走290萬鹰奴,即刻解決很多民生問題,特别是房屋。

或者,呢班人回歸前,就應該早走早着
3. 今時不同往日
2020-06-16 10:43
4 號仔同 54 號仔都施有化, 唔知內心感覺是否一樣。
4. 引刀一快
2020-06-16 17:13
元朗真香港人


其實就即係CD封面,寫住“原裝正版”四個字。
5. 元朗真香港人
2020-06-16 17:19
刀兄,回歸咗了。生活係咁唔喜歡,討厭到要打爛佢的情况,

!!何苦呢?

誰是香港人? 十年都討論唔完!


6. 引刀一快
2020-06-16 22:17
元真兄

咩係鷹奴?有冇你份?
7. 元朗真香港人
2020-06-16 22:45
刀兄,

李+x是否香港人?


9. 好消息
2020-06-16 23:16

港版健康碼」準備工作已大致完成,推出後港人只需持有效的病毒檢測證明即可免檢疫往返粵港澳,但相關檢測需自費

 

只要持有效新冠病毒核酸檢測健康證明,便可免檢疫往返粵港澳3地,本港暫時共8間私家醫院及私家化驗所被列入粵港澳三地核酸檢測結果互認名單,政府將於日內作出公布。

 

有意獲取健康碼的人士可經由醫生轉介接受病毒檢測,若檢測結果呈陰性,認可機構會將結果及相關人士的個人資料上載至健康碼系統,申請人可用化驗所紀錄在網上申請健康碼。取得個人健康碼後,可在7日有效期內免檢疫往返粵港澳。


每次化驗費用盛惠$1500至$2000,有效7日。暑期回鄉請早,因為秋季第二波爆發,一定又會再封關封到明年暑假。末來幾年基本上就係只有暑假幾個月有機會返鄉下幾日。

11. 十一哥
2020-06-16 23:57
即係契弟咁解…刀刀角色。

12. 引刀一快
2020-06-17 00:09
十一仔,你冇回鄉證啫,你有bno喎。

哈哈哈哈,自認契弟,hi咗嘢頂嘞。
13. 十一哥
2020-06-17 08:36
刀刀  有BNO就係契弟 ? 咁得罪咗好多人㗎、11哥對BNO咁嘅垃圾…送都嫌阻碇喎。

14. 無知
2020-06-17 08:45
話有BNO就係契弟,就如話係廣州人都吃野味一9樣,無知。
15. 元朗真香港人
2020-06-17 09:02
刀兄讀農務讀到上身。見到劏豬,劏狗,劏羊…産生快感。

故名“引刀一快”。

其實呢個名…點解釋,都有點心理變態。

一係自殘,一係殘他。

仲要從中得到快感…怕怕。
16. 回15樓
2020-06-17 12:29
引刀已經淨身時有快感,故日一快。 引刀,一快也。正啊🤣
17. 十一哥
2020-06-18 08:45
刀刀   唔好詐暈呀!
18. 元朗真香港人
2020-06-18 09:57
瘾到…引刀中。
19. 元朗真香港人
2020-06-18 10:02
可能,失血太多…真暈咗。

引刀真香暈人
20. 引刀一快
2020-06-18 13:42



十一仔,失憶?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。