地產論壇
登入名稱
密碼
頁數:
茶餐廳亂話(706)買圍骰的賭徒怎可以說是豪賭
瀏覽人次:16860    回應:8

茶餐廳亂話(706)買圍骰的賭徒怎可以說是豪賭

 

湯文亮博士

紀惠集團行政總裁
2020年6月10日

  今午去茶餐廳食午餐,有客人話雖然連日金管局沽港元,令到銀行體系結餘超過1100億,而且拆息持續在低水平,但國際大鱷Kyle Bass 講明做淡港元,以200倍高槓桿豪賭,叫我小心一些。我話從來唔賭外匯,大鱷是否做淡港元對我影響不大,200倍槓桿就輸就輸斗零,贏就贏10蚊,怎可以說是豪賭,只可以說刀仔鋸大樹,博大霧而已。

  老闆問在賭場有沒有1賠200賠率,如果唔過關的話就應該冇,最多都是骰寶(大小)裡的圍骰。例如3粒骰都是一點,但都是1賠150,而且買圍骰的人注碼不大,大多數是輸家,輸剩一些零頭去博一鋪,大鱷公開話用200高槓桿來做淡港元,間接話畀人聽他是一個大輸家,希望用輸剩的零頭博一鋪。不過無論如何,大鱷已經做到第一步,就是吸了記者眼球,將刀仔鋸大樹寫成豪賭。

茶餐廳亂話(706)買圍骰的賭徒怎可以說是豪賭
1. 自醉
2020-06-11 17:45
這是大鱷的立體進攻 ,表面上人哋在大細枱賭圍骰,你卻在輪盤枱輸到甩褲,都仲唔知發生咩事!  隨時連間賭場都輸埋,關門大吉呢!
2. 引刀一快
2020-06-11 19:30
我都覺得係,吹緊風。
3. 引刀一快
2020-06-11 19:33
向飯

做嘢,依家係你報國嘅時候。

有向飯、元真、十一仔,巴斯想搞港元?唔使旨意!

4. 十一哥
2020-06-11 20:38
原來靜鷄鷄…睇住刀刀醉娃冇把冇柄互磨…都幾過㽼嘅喎。

5. 自醉
2020-06-12 00:51
衰十一靜雞雞咗幾日, 出土唯一一個留言都依然保持住咁無水平, 真係過癮!
6. 引刀一快
2020-06-13 23:13
自我陶醉兄

十一仔買中或者估中冇買,都會食咗草龍咁,吱喳叫。
唔出聲,你估呢?

7. 自醉
2020-06-14 09:11
引刀兄

馬後炮點會有可能估中同買中呀?有就唔洗馬後炮啦! 哈哈哈!
8. 引刀一快
2020-06-14 19:23
自我陶醉兄

買中有好多種,坐艇三年返家鄉再上5%,此時此刻,都叫做買中吖。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。