地產論壇
登入名稱
密碼
頁數:
撤出中國有心無力,撤辣有力無心
瀏覽人次:18830    回應:31

撤出中國有心無力,撤辣有力無心

 

湯文亮博士

紀惠集團行政總裁
2020年5月18日

  美國總統特朗普近日受到新冠疫情影響,心情十分唔靚,不斷呼籲美國生產商撤出中國,但和應的人不多。雖然的確有生產商有打算將工廠搬回美國,但有心無力。如果勉強成事,不但要面對生產成本上漲,而且同時要面對生產時出現的各種法律責任,無止境的工傷賠償,即使可以解決,但仍然要面對銷售量下降的衝擊。所以,美國生產商對特朗普的呼籲都不作出回應,由於人數太多,法不責眾,特朗普亦沒有辦法。

  有不少人認為,將生產線撤出中國,去到越南、馬來西亞,甚至印度,究竟有什麼難題。老實說,將生產線撤出中國不難,但中國並不單止是生產者,而且是一個強力消費者。如果生產線不在中國,就沒有辦法可以保證銷售量,甚至可以肯定銷售量會大幅下降。試問任何一個商人如果搵到一間工廠低價替他生產,同時用同高價買製成品,而且不用負擔在生產上出現的責任,工傷賠償。會不會放棄這間工廠而轉到其他工廠生產,這亦是特朗普的呼籲好似阿崩叫狗,愈叫愈走。老實說,倘若特朗普做生產商,他亦不會將生產線搬回美國,己所不欲,勿施於人,特朗普應該明白。

  有老友問,究竟香港撤辣難,抑或美國生產商撤出中國難。本來這條問題是風馬牛不相及,但有一個特點,特朗普的確有心希望美國生產商撤出中國,但可惜有心無力。香港已經俱備撤辣條件,主要是新樓供應量已經非常足夠,甚至可以用海量來形容。政府不撤辣,地產商不敢推盤,又不敢以投地或者補地價來增加土地供應,做成未來供應減少,樓價高企,政府的稅收反而下跌。撤辣是一個可行的選項,但很可惜我們的問責官員沒有這個膽量,面對這個問題就會顧左右而言他。換句話說,香港撤辣是有力無心,結果都是一樣,不撤或者不能撤。

撤出中國有心無力,撤辣有力無心
1. 元朗真香港人
2020-05-18 09:20
一路講樓價創新高,一路話撤辣。

!!!真奇怪。

不是應該加辣嗎?定係創新高只是假象?
2. 大膽鋤價
2020-05-18 10:01
一樓:閣下問得好,有見到
3. 向泛民说不
2020-05-18 10:12
其实系老美资本肯吾肯损失啦,中国出产的很多产品价钱都非常低,比如抗生素的原料,美国佬是可以做到,但是价钱贵啦。以最近大陆生产的病毒测试挤,以印度为例,中国出口价是20元左右,印度的权贵买入之后,转手卖比政府医院是60元,中间差价是3倍。印度权贵有其他地方入,可能高达50元,到时肯吾肯用60元卖比政府医院。

同样问题也是发生在美国啦,最近比亚迪卖口罩比加州,联邦政府拖后腿,应该不是什么质量问题,而是特朗普不让加州和比亚迪直接交易,一定要经过特朗普家族。
4. 忍者
2020-05-18 10:55
如果撤辣,成功令樓市降温,就做咗英雄;如果失敗,分分鐘無埋份工同長糧,啲官點解要咁冒險先?
5. 自醉
2020-05-18 11:09
用收租佬嘅思維去諗企業家嘅部署,得出嘅結論永遠都想唔通。

唔通人哋未撤會唱通街? 一早唱通街又有咩好處? 仲係咪強力消費國就要睇失業問題如何解決了,全球生產、消費、旅遊陷於停頓或半停頓,難道中國可以獨善其身?

6. 鳥5
2020-05-18 12:19
元郎兄!Good !非常有質素嘅問題!
7. 鳥5
2020-05-18 12:27
現場係有四萬五千個單位空置!重載具將軍澳五千個!龍床盤八九成死咗火!發展商夾緊春!大叫好舒服!要免息免供益大家!坐下5講咁白左人搵!呢屆政府企得稳的話!發展商要埋單!空置稅!!!明日大與上到台!亞爺就圍到數!就可以用長補短幫香港地脫胎換骨!不過未來三幾年香港都係要瓜!詳情今日不談,阻人搵食!
8. 鳥5
2020-05-18 12:37
負資產會慢慢上!但5急!因為大部分負資產!金主唔係銀行!向地覇手上!根本有好多未入銀行体系埋周!一日5守到埋周!就日日加風險!咁講好白!你有慧根既!
9. 鳥5
2020-05-18 12:41
咁而家再講返ccl唔係樓市事實之全部!咁就清楚啦
11. 真真薯片
2020-05-18 18:31
對中國黎講,如果你黎設廠然後係本地賣,就賺唔到外匯,但起碼賺就業,對外資黎講,係大陸市場賺既人民幣太難換返做美國匯走,吸引力因人而異

美國買家之所以撤唔走,講到尾係中國製造既競太強,越南印度就算做到相同質素同價錢,都做唔到相同數量,而且只限大企業去越南設廠先確保到質素,美國中小企買貨好依賴大陸既R&D同品質監控,基本上你畫兩張圖,大陸廠家已經可以幫你諗晒頭尾點做,點樣搵料做,有埋唔同顏色質地比你揀,呢方面東南亞同印度冇得比
12. 鳥5
2020-05-18 18:43
美國要打斷中國地球生產鏈,而家計都好吃力!阿爺第二部係(萬物互聯)。。呢鋪行先五年。所有發達國家!真實嘅生活水平,所有發達國家,將會變響中國後面!。。呢度先贏得金!今日小弟不提!講得太遠唔係咁多人明!
13. 鳥5
2020-05-18 18:56
而家係美國互聯網係人類第3次工業革命!但歸立於大部份虛擬生活改革!而萬物互聯係大部份實体改變改革!唔係一句口號!好大型人類生活實體提升!呢鋪行先五年!中國際領先所有發達國家實體嘅生活質素!
14. 鳥5
2020-05-18 18:56
而家係美國互聯網係人類第3次工業革命!但歸立於大部份虛擬生活改革!而萬物互聯係大部份實体改變改革!唔係一句口號!好大型人類生活實體提升!呢鋪行先五年!中國際領先所有發達國家實體嘅生活質素!
15. 鳥5
2020-05-18 19:00
中美博弈!阿爺都頂得好甘!所以呢部冇得就!冇回路!科技戰要頂到尾!輸5起
16. 鳥5
2020-05-18 19:33
而家係虛擬生活變革年代!萬物互聯係生活實體變革!兩者太過抽象5明分別!係正常!太早提變得離題!在下今日都係不提!
17. 元朗真香港人
2020-05-18 20:30
鳥5兄,高見!

其實傻特逼咗咁耐,美國賣極都係農産品,代表乜?
18. 十一哥
2020-05-18 21:48
雀仔  
阿爺頂得甘…先至可以強身。

啱先阿爺世衛講嘢…真係激L C美帝、掟多20億跟尾…世衛就唔怕口渴、研發疫苖大家使…疫災大茶飯…美帝D藥廠就冇着落、百幾億債…講道義放兩旁、即係以本傷人…焗美帝跟做善長、好想開拖…冇敢、拍枱拍凳…老表又冇感、搬哂傢撑返屋企…食自己真係食得起  ?
19. 鳥5
2020-05-18 21:56
十一哥,有見地!美國係正走向哀弱!已經5係克林頓,列根果個年代既美国!頂得住的話!時間係企中国一方!
20. 十一哥
2020-05-18 23:46
阿爺就係焗美帝做初一…咁就明正言順做15、褪走美帝…市場封一封…14納米止得下咳、3、5、7納米就有時間追、高端已經掌握…爭在火候、市場留番比自己、靠自己…冇使再比人吊起。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。