地產論壇
登入名稱
密碼
頁數:
茶餐廳亂話(696)點解情緣騙案受騙者多數是女性
瀏覽人次:18005    回應:15

茶餐廳亂話(696)點解情緣騙案受騙者多數是女性

 

湯文亮博士

紀惠集團行政總裁
2020年5月15日

  今早去到茶餐廳。有一個退休男熟客話手多多聽了一個電話,對方是女性,把聲相當性感,後來轉WhatsApp 交談,差點被騙10幾萬。大家都讚佢醒目,老闆笑而不語,昨日警方公布有關情緣騙案,受害者大多數是女性,而是被騙數目很大,最大的一筆有2千幾萬,真的很驚人。其實,受騙的人有一個弱點,就是不能自拔,變成愈來愈泥足深陷。廣東人有一句俗語「綠帽唔怕戴,只要除得快」,即是知道戴了綠帽就立刻要起身走人。被騙也是一樣,唔好諗可以取回已付出的金錢或者感情,不但不可以取回,而且會愈付愈多,受騙都要識得止蝕。

  那位非常醒目的客人走了之後,老闆同我講他亦被騙不少。不過,男人有一個弱點,就算被人呃都唔敢講,更加唔會去報案,怕畀人笑。所以,警方公布的情緣騙案大多數是女性受騙,其實男女都差不多,不過男人唔敢講。

茶餐廳亂話(696)點解情緣騙案受騙者多數是女性
1. 忍者
2020-05-15 13:01

情緣騙案就梗係女性為主啦,仲要係上年紀既多。

點解?女性重感情,未見過對方,都可以死心塌地。

男人幾時都係重視肉體多啲

2. Stephen Wong
2020-05-15 15:40
男人可以去買假嘅,女人以為自己買係真嘅。
3. 引刀一快
2020-05-15 16:59
點解咁多女人俾人大額騙款呢?原因仲有幾個嘅。
騙子集體好多時都係用鬼佬做餌,配合高水准英文文案團隊,充分掌握國人媚外心態,專呃啲大齡婦女,有錢、失婚、孤單、攀比,人地呃都唔止,最終揾埋理由,幫人呃自己。

另一方面,男人網戀,好多時係呃蝦條,呃返嚟都係為咗食幾餐,女人唔同,想呃張長期飯票,當然捨得出餌,若果長期張飯票係酒店自助餐或者高級日料放題,咁就更傾向於落本。

第三,呃異性係當今道德所不容,不過早就入咗DNA,好多人天生就識呃異性,然而,其實俾異性呃嘅本能,亦係入咗DNA,啲騙子集團經過系統篩選,撞著呢啲易受騙人群嘅機率大增。
4. SYB
2020-05-15 17:56
飛書Book,唔怪得高官政要家人唔可以用
5. 十一哥
2020-05-16 09:35
刀刀   真係生不逢時、當日北上鄉下妹投懷送抱..但求一張飯票、今日有銀表嫂…又冇本事溝到、唔怪得咁鈡意美佬。

6. 真真薯片
2020-05-16 10:19
有樣野我唔明,就係點解好多人到左一定年紀,都仲對愛情呢樣野有咁大既需求

可能我放棄得太早,所以無法理解
8. 引刀一快
2020-05-17 01:03
真真薯片兄

有人為咗愛情,俾人扣起回鄉證,日日無無聊聊渾渾噩噩常常單單打打,呢啲叫做人辦。

可以放棄愛情嘅人,係強人。

不過,放棄唔代表止絕,有日真真兄你唔覺意撞到,自然“前功盡廢”“晚節不保”“水到渠成”,越係心如止水,越係洶湧澎湃。
9. 真真薯片
2020-05-17 10:29
刀兄,呢點我早有領悟,越係冇野,反彈可以越快

所以我既策略係完全唔好沾花野草,好彩我唔靚仔,望落去又冇錢,過去十幾年,唔好話花草,塵都冇一粒,當生活態度變成習慣就冇問題

當年岩岩出黎行,師傅就教落“唔好以為自己好靚仔”,真係終生受用
10. 引刀一快
2020-05-17 22:02
真真薯片兄

咁你就露餡喇,“望落去又冇錢”呢句即係公告天下,你只係望落去冇啫,哈哈哈

唔好以為自己好靚仔,呢句係易筋經,我俾埋洗髓經你,就係“唔好以為靚仔就有運行”。

男女之事,第一緣分,第二膽色(or 色膽),第三技巧,祗要唔係心術不正,既來之,吃之。
12. 十一哥
2020-05-17 23:53
刀刀   溝女 ?  關你事咩?唔記得冇把柄呀 !
13. 引刀一快
2020-05-18 01:25
日日無無聊聊渾渾噩噩常常單單打打嗰個囝囝,又發作嘞,哈哈哈
14. 元朗真香港人
2020-05-18 12:22
”祗要唔係心術不正,既來之,吃之”

既來之,吃之===》此仍心術不正!
15. 引刀一快
2020-05-18 15:29
哈哈哈,元真

吃者不正?還是來者不正?

哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈

睇睇Pasolini嘅一千零一夜,你會有所開悟。

元真,好傻好天真。


17. 元朗真香港人
2020-05-19 08:31
睇死你係倉井空感悟的!



18. 引刀一快
2020-05-19 21:45
元真,字形好似天真

叫你睇Pasolini,你就睇咗蒼井空。
蒼井空冇問題喎,最怕係睇果個心態有問題咋喎。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。