地產論壇
登入名稱
密碼
頁數:
千祈唔好講冇人想海洋公園執笠
瀏覽人次:21142    回應:60

千祈唔好講冇人想海洋公園執笠

 

湯文亮博士

紀惠集團行政總裁
2020年5月14日

  有名人話海洋公園涉及2000個職位,香港人的集體回憶,冇人想海洋公園執笠。我認為講得冇錯,如果海洋公園能夠自負盈虧的話。現在海洋公園年年蝕大錢,就算政府注資50多億,亦只不過是苟延殘喘,明年又要問政府攞。長痛不如短痛,停止海洋公園營運就是最高策略,同時避免有市民藉海洋公園攻擊政府。

  至於話冇香港人想海洋公園執笠,這句話有商榷餘地,甚至誤導香港政府。這句話亦令我想起政府在去年推出逃犯條例,有議員話在他的朋友當中,聽唔到有人反對逃犯條例,林鄭有了這個保證,二話不說推出逃犯條例,結果是如何大家都應該清楚。倘若那位議員當日不是話他認識的人沒有人反對「逃犯條例」,林鄭會考慮暫緩推行或者按正常立法程序通過,我相信結果比現在好得多。所以,那些名人千祈唔好開口埋口話冇人想什麼什麼,首先他們不能夠代表全部人,其次是有不知幾多人知道如果要無限量補貼,海洋公園不如早點執笠。

千祈唔好講冇人想海洋公園執笠
1. 不如早點執笠
2020-05-14 14:57
半年前都話凌魁閣係最好選項, 先收一萬億, 響度做野嘅人可以繼續做, 吉嘅機動遊戲可以繼續開.
2. Fisherman
2020-05-14 15:13
代議士即係基金經理,賺就分紅,蝕嘅關人。
3. 十一哥
2020-05-14 16:45
2千人…連毛帶C一人兩皮…每個月都係4千萬、一年都冇洗5個億、而家大開口攞足10幾年人工、咁白痴..點有能力起C回生吖 !  人道毀滅係唯一選項。
4. 向泛民说不
2020-05-14 16:46
689都话海洋公园已经完成了历史的使命啦。现在饭民狗开始改变立场啦,变成唔想海洋公園執笠。

5. 醉未醒
2020-05-14 17:07
果缸魚同果幾隻海狗,才是印鈔機,無底深潭呀。
6. 印鈔機
2020-05-14 18:07
公園又不是研究繁殖海狗造海狗丸, 怎樣印鈔?
7. 真真薯片
2020-05-14 18:38
海洋公園已經蝕左7年錢,遠係佔中之前佢已經蝕緊錢,即係除佔中/反修例/疫情之外,佢仲有其他問題,而海洋公園管理層講唔出到底係有咩問題

至於員工,假設2000員工入面有1900個係基層,每人每月兩萬,一年24萬,1900人即係一年四億五千六百萬,比埋花紅mpf, 一年五億左右,依家問正苦攞50億,只捱得一年,如果正苦要保呢1900人就業,不如用呢50億直接請返呢班人,派去各正苦部門做乜都得,可以養佢地十年
8. 引刀一快
2020-05-14 20:07
香港摺埋海洋公園,填平船灣淡水湖,剷平郊野公園,咁香港剩返啲乜?

果班日日話港樓價值千秋萬世嘅好友,依家縮咗喺邊度?靠條淡友嚟幫你地保護物業價值?可笑。

大家早早投資大灣區喇,遲早香港比唔上廣州,不過呢幾年買港樓嘅人,到時仲供緊。
9. 引刀一快
2020-05-14 20:11
真真薯片兄

唔掂就應該換人,下下蝕錢就摺,香港唔會有自己嘅嘢,香港喺國家嘅地位會越來越低,最終一日,香港人變成俾人歧視嘅一群,係咎由自取。
10. 劉伶醉語
2020-05-14 21:32
6樓,
一時手過腦寫錯。

果缸魚同果幾隻海狗,才是燒錢敗家借口,無底深潭呀。

長痛不如短痛,通通製標本展覽算數。


11. 醉醒時份
2020-05-14 22:15
海洋公國正是荔園,啟德遊樂場番版。

連收支平衡的計劃也欠奉,即係冇心戀戰,勉強冇幸福,早執早著,遲執養肥老鼠,冇句多謝。

未來如有天時地利人和出現,自有全新攪作,比之前更前衛精彩,冇就點?冇就唔會有囉。
12. 引刀一快
2020-05-15 06:56
屬於香港人嘅海洋公園,邊個有資格無心戀戰?憑咩無心戀戰?
唔掂就落馬換人。
今日都挺唔住,仲點寄望未來?

13. 元朗真香港人
2020-05-15 09:47
引刀,
海洋公園是香港人的地産項目。

海洋公園一直是内地人的遊樂場。

不要變成港台等寄生蟲。
14. 十一哥
2020-05-15 10:54
刀刀   蝕極都唔摺、早早要走上大灣…真係有原因。


15. 真真薯片
2020-05-15 11:20
或者咁諗,假如番禺長隆蝕大錢,然後叫廣東省政府注資50億,省政府會點做?
16. 引刀一快
2020-05-15 11:47
原來元真唔鐘意內地人呀?!!

唔到你唔鐘意喎,覺悟咁低嘅。
17. 引刀一快
2020-05-15 11:48
十一仔,等你攞到回鄉證先上大灣,遲喇。
18. SYB
2020-05-15 11:53
保留海洋公園基礎設施也好,至少可近百萬學生參觀和體驗,但其他土地要還給政府改善民生,一舉兩得👍👍
19. 引刀一快
2020-05-15 12:10
真真薯片兄

你呢個比喻真係好,如果係廣東省政府俾50億長隆,叫長隆換咗番禺塊地去從化,你估長隆制唔制?如果文革果時,廣東少破壞十分之一嘅文物,你估依家值幾錢?你估每年政府用嚟拍廣告宣傳廣東,會用幾多次?
20. 元朗真香港人
2020-05-15 12:32
引刀,

我只是指出海洋依靠本地人,生存不了!

而家大灣區遊樂場很多。香港收費高,交通貴。唔够人爭,早摺早着。

上次去方特,中國神話,很有特色。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。